ايماقتار • 11 قىركۇيەك، 2019

قاراعاندى وبلىسىندا 5000 ادام ديكتانت جازدى

67 رەت كورسەتىلدى

«2019 jyl – Jastar jyly» اتتى جالپىقازاقستاندىق اشىق ديكتانت جوباسىنا قاراعاندى وبلىسى بويىنشا 5 مىڭنان استام ادام قاتىستى.

ءوڭىردىڭ ستۋدەنتتەرى، وقىتۋشىلارى، مەملەكەتتىك قىزمەتشىلەرى، ەتنومادەني بىرلەستىكتەردىڭ وكىلدەرى قاراعاندى قالاسىنىڭ «دوستىق ۇيىندە»، وقۋ ورىندارىندا، وبلىستىق كىتاپحانالاردا لاتىن گرافيكاسى نەگىزىندە قازاق تىلىندە ديكتانت جازدى.

قاراعاندى وبلىسىنداعى ت.شەۆچەنكو اتىنداعى «رىدنە سلوۆو» ورتالىعىنىڭ ءتورايىمى زەنوۆيا كراسيۆسكايا بۇل جوباعا ەكىنشى رەت قاتىسىپ وتىرعانىن ماقتانىشپەن ايتتى.

– ديكتانت جازۋ ماعان سونششالىقتى قيىن بولمادى. ويتكەنى «دوستىق ءۇيىنىڭ» لينگافوندىق كابينەتىندە قازاق ءتىلىن وقيمىن. اقپاراتتىق تەحنولوگيالار زامانىندا ءبىز ۋاقىتتان قالماۋىمىز كەرەك. لاتىن الىپبيىنە كوشۋ – ۋاقىت تالابى. بۇل قازاقستاندىق قوعامنىڭ رۋحاني جاڭعىرۋىنا، مەملەكەتتىك ءتىلدىڭ مارتەبەسىن كوتەرۋگە جانە ونىڭ بولاشاعىن قامتاماسىز ەتۋگە مۇمكىندىك بەرەدى، – دەپ اتاپ ءوتتى ول.

بيىل قازاقستان حالقى اسسامبلەياسىنىڭ «جاستار جىلىنا» ارناعان بۇل جوباسى جالپىۇلتتىق بىرلىك پەن كەلىسىمدى نىعايتۋ، قازاقستاندىق بىرەگەيلىكتى قالىپتاستىرۋعا كومەكتەسۋ، حالىق پەن قوعامدى بىرىكتىرەتىن فاكتور رەتىندە مەملەكەتتىك ءتىلدى ۇيرەنۋگە دەگەن ىنتانى ارتتىرۋ سياقتى ماقساتتاردى العا قويعان.

جازىلعان ديكتانت جۇمىستارى ماماندار تەكسەرۋىنەن وتكەننەن كەيىن، ۇزدىك قاتىسۋشىلار انىقتالىپ، ولار قحا-نىڭ العىس حاتتارىمەن ماراپاتتالادى.

 

 

قاراعاندى وبلىسى

سوڭعى جاڭالىقتار

وزىق تەحنولوگيالى وپەراتسيالار

مەديتسينا • بۇگىن، 07:09

ماڭىزى زور مادەني جوبا

قوعام • بۇگىن، 07:07

قاراشاداعى قارا ولەڭ

قوعام • بۇگىن، 07:04

«سپارتاك» سان سوقتىرىپ كەتتى

حوككەي • بۇگىن، 07:02

كۋكۋشكين كۇشىنە ەندى

تەننيس • بۇگىن، 07:00

جاس ساراپشىلار تالداۋى

ساياسات • كەشە

كەتىگىن تاپقان كاسىپورىن

ەكونوميكا • كەشە

ايان تۋرالى بايان

رۋحانيات • كەشە

ۇزدىكتەر انىقتالدى

فۋتبول • كەشە

ايازداعى اپات

ايماقتار • كەشە

ارحەولوگ اسۋلارى

قوعام • كەشە

ۇقساس جاڭالىقتار