سپورت • 10 قىركۇيەك, 2019

شاڭعىمەن جارىسۋدان قازاقستاننىڭ جازعى چەمپيوناتى اياقتالدى

331 رەت
كورسەتىلدى
1 مين
وقۋ ءۇشىن

ششۋچينسك قالاسىنداعى «بۋراباي» حالىقارالىق كەشەنىندە شاڭعىمەن جارىسۋدان قازاقستاننىڭ جازعى چەمپيوناتى اياقتالدى. تۋرنيرگە قازاقستاننىڭ 11 ايماعى مەن رەسەيدەن كەلگەن 130 سپورتشى قاتىستى.

شاڭعىمەن جارىسۋدان قازاقستاننىڭ جازعى چەمپيوناتى اياقتالدى

چەمپيونات بارىسىندا جالپى ەسەبى 12 مەدال جيىنتىعى ساراپقا سالىندى.  «اتالعان بىرىنشىلىك حالىقارالىق شاڭعىمەن جۇگىرۋ فەدەراتسياسىنىڭ قولداۋىمەن وتكىزىلدى. سونداي-اق, شاڭعى جارىسىنان حالىقارالىق كۇنتىزبەگەن ەنگىزىلگەن. سپورتتىڭ بۇل تۇرىنەن كەلەسى ءىرى جارىس 11-14 قاراشا كۇندەرى ءدال وسى جەردە ۇيىمداستىرىلادى. وسى ارالىقتا حالىقارالىق فەدەراتسيا كۇنتىزبەسىنە ەنگىزىلگەن قۇرلىقتىق كۋبوك وتەدى», - دەيدى ۇلتتىق شاڭعىمەن جۇگىرۋ فەدەراتسياسىنىڭ ۆيتسە-پرەزيدەنتى نيكيتا دەۆياتكين. 

جالپىكوماندالىق ەسەپتە 12 مەدال يەلەنگەن اقمولا وبلىسى كوش باستادى. ەكىنشى ورىندا شقو, ءۇشىنشى ساتىدا پاۆلودار وبلىسى. 

سوڭعى جاڭالىقتار