150 ادامعا ارنالعان, اۋماعى 450 شارشى مەتر عيماراتتاعى شاحمات اكادەمياسى ەرنيازوۆ كوشەسىندەگى №16 ءۇيدىڭ تومەنگى قاباتىندا ورنالاسقان. مۇندا توپپەن جانە جەكە ۇيرەنۋگە ارنالعا ارنايى بولمەلەر بار. اكادەميادا شاحماتتى شەتەلدە بىلىكتىلىگىن ارتتىرعان ماماندار ۇيرەتەتىن بولادى. سونىمەن قاتار, دينارا دا ونلاين ساباقتار بەرىپ, ماستەر-كلاسس وتكىزۋ ءۇشىن ارنايى كەلىپ تۇرادى.
ء«بىز بارىنشا ءىرى, حالىقارالىق تۋرنيرلەر وتكىزىپ تۇرۋعا تىرىسامىز. اتىراۋلىق بالالار ءۇشىن بىلىكتىلىك تۋرنيرلەرىن وتكىزىپ تۇرۋدىڭ ماڭىزى زور. تۋرنيرلەر تۋرالى اتا-انالار مەن بالالار الدىن الا ءبىلىپ وتىرۋى ءۇشىن جىل سوڭىنا دەيىن ءبىز ارنايى كۇنتىزبە جاسايمىز. تاعى ايتا كەتەتىن ءبىر جاعداي, مۇندا مۇمكىندىگى شەكتەۋلى, جەتىم جانە از قامتىلعان وتباسىدان شىققان بالالار ءۇشىن تەگىن ۇيرەنۋ مۇمكىندىگى بار», - دەدى دينارا سادۋاقاسوۆا.
سونىمەن قاتار, اكادەميانىڭ اشىلۋ سالتاناتى اياسىندا جۇلدە قورى 800 مىڭ تەڭگەلىك «Atyrau chess open 2019» ءتۋرنيرى ۇيىمداستىرىلدى. سايىسقا 6-72 جاس ارالىعىنداعى 100-گە جۋىق شاحماتشى قاتىستى. ويىن ناتيجەسى ەرتەڭ بەلگىلى بولادى.
ايتا كەتەيىك, دينارا سادۋاقاسوۆانىڭ شاحمات اكادەمياسىنا 4 جاستان اسقان بالالار جانە ەرەسەكتەر جازىلا الادى. بارلىق اقپارات www.atyrau_academyofchess.kz سايتىندا ورنالاسقان, سونداي-اق 8 702 341 51 51 تەلەفون نومەرى ارقىلى دا بىلۋگە بولادى.
