• 16 قاڭتار, 2013

قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگىنىڭ بۇيرىعى № 344

464 رەت

كورسەتىلدى

7 مين

وقۋ ءۇشىن

Egemen Qazaqstan

قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگىنىڭ بۇيرىعى № 344

سارسەنبى, 16 قاڭتار 2013 6:20

2012 جىلعى 2 قاراشا استانا قالاسى

قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگىنىڭ سالالىق كوتەرمەلەۋ جۇيەسىن بەكىتۋ تۋرالى

«دەنە شىنىقتىرۋ جانە سپورت تۋرالى» 1999 جىلعى 2 جەلتوقسانداعى قازاقستان رەسپۋبليكاسى زاڭىنىڭ 23-بابىنىڭ 4) تارماقشاسىندا جانە «قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگىنىڭ ماسەلەلەرى تۋرالى» قازاقستان رەسپۋبليكاسى ۇكىمەتىنىڭ 2012 جىلعى 20 اقپانداعى № 244 قاۋلىسىمەن بەكىتىلگەن قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى تۋرالى ەرەجەگە سايكەس بۇيىرامىن:
1. قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگىنىڭ سالالىق كوتەرمەلەۋ جۇيەسى بەكىتىلسىن.
2. اكىمشىلىك جۇمىس دەپارتامەنتى (ع.ءابىلوۆا) بەلگىلەنگەن تارتىپپەن وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن جانە مەملەكەتتىك تىركەۋدەن وتكەننەن كەيىن, ونىڭ بۇقارالىق اقپارات قۇرالدارىندا جاريالانۋىن قامتاماسىز ەتسىن.
3. قازاقستان رەسپۋبليكاسى تۋريزم جانە سپورت جونىندەگى اگەنتتىگى توراعاسىنىڭ «قازاقستان رەسپۋبليكاسى تۋريزم جانە سپورت جونىندەگى اگەنتتىگىنىڭ كوتەرمەلەۋ تۇرلەرىن بەكىتۋ تۋرالى» 2001 جىلعا 20 جەلتوقسانداعى №1-1-2/327 بۇيرىعىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 1734 تىركەلگەن, قازاقستان رەسپۋبليكاسى ورتالىق اتقارۋشى جانە باسقا مەملەكەتتىك ورگاندارىنىڭ نورماتيۆتىك قۇقىقتىق اكتىلەرىنىڭ بيۋللەتەنىندە جاريالانعان, 2002 جىلى, №12, 559 ب.) كۇشى جويىلدى دەپ تانىلسىن.
3. وسى بۇيرىقتىڭ ورىندالۋىن باقىلاۋ جاۋاپتى حاتشى ءا.ح.پىرمەتوۆكە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
توراعا ت.ەرمەگياەۆ.

قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى توراعاسىنىڭ 2012جىلعى 2 قاراشاداعى № 344 بۇيرىعىمەن بەكىتىلگەن

قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگىنىڭ سالالىق كوتەرمەلەۋ جۇيەسى

1. جالپى ەرەجەلەر
1. وسى قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگىنىڭ سالالىق كوتەرمەلەۋ جۇيەسى (بۇدان ءارى – كوتەرمەلەۋ) «دەنە شىنىقتىرۋ جانە سپورت تۋرالى» قازاقستان رەسپۋبليكاسى زاڭىنا, «قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگىنىڭ ماسەلەلەرى تۋرالى» قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى تۋرالى ەرەجەگە سايكەس, دەنە شىنىقتىرۋ جانە سپورت سالاسىنىڭ قىزمەتكەرلەرىن قازاقستان رەسپۋبليكاسىندا وسى سالانى دامىتۋعا ۇلەس قوسقان ىنتالاندىرۋ ماقساتىندا ازىرلەنگەن.
2. دەنە شىنىقتىرۋ جانە سپورت سالاسىنىڭ قىزمەتكەرلەرىن كوتەرمەلەۋ ماقساتىندا تومەندەگى كوتەرمەلەۋ تۇرلەرى بەلگىلەنەدى:
1) قازاقستان رەسپۋبليكاسى سپورت جانە دەنە شىنىقتىرۋ ىستەر اگەنتتىگىنىڭ قۇرمەت گراموتاسى (بۇدان ءارى – قۇرمەت گراموتاسى);
2) قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى توراعاسىنىڭ العىسى (بۇدان ءارى – العىس).

2. قۇرمەت گراموتاسىمەن جانە العىسپەن كوتەرمەلەۋ تالاپتارى
3. مەملەكەتتىك قىزمەتشىلەر, قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگىنىڭ (بۇدان ءارى – اگەنتتىك) ۆەدومستۆولىق باعىنىستاعى ۇيىمدارىنىڭ, دەنە شىنىقتىرۋ جانە سپورت سالاسى ۇيىمدارىنىڭ قىزمەتكەرلەرى, سپورت ارداگەرلەرى جانە قازاقستان رەسپۋبليكاسىندا دەنە شىنىقتىرۋ جانە سپورت سالاسىن دامىتۋعا ۇلەس قوسقان تۇلعالار قۇرمەت گراموتاسىمەن كوتەرمەلەۋگە ۇمىتكەر تۇلعالار بولىپ تابىلادى.
4. مەملەكەتتىك قىزمەتشىلەر, اگەنتتىككە ۆەدومستۆولىق باعىنىستاعى ۇيىمداردىڭ. دەنە شىنىقتىرۋ جانە سپورت سالاسى ۇيىمدارىنىڭ قىزمەتكەرلەرى, مەتسەناتتار, دەمەۋشىلەر جانە قازاقستان رەسپۋبليكاسىندا دەنە شىنىقتىرۋ جانە سپورت سالاسىن دامىتۋعا ۇلەس قوسقان تۇلعالار العىس جاريالاۋعا ۇمىتكەر تۇلعالار بولىپ تابىلادى.
5. قىزمەت ناتيجەلەرىن سيپاتتايتىن جانە اگەنتتىكتىڭ كوتەرمەلەۋگە قۇقىق بەرەتىن نەگىزگى كورسەتكىشتەرى مىنالار بولىپ تابىلادى:
1) قازاقستان رەسپۋبليكاسىندا دەنە شىنىقتىرۋ جانە سپورتتى دامىتۋعا قوسقان ۇلەسى, دەنە شىنىقتىرۋ جانە سپورت سالاسىنىڭ بىلىكتى كادرلارىن دايارلاۋعا بەلسەندى قاتىسۋ;
2) قىزمەتتىك مىندەتتەردى ۇلگىلى ورىنداۋ, دەنە شىنىقتىرۋ جانە سپورت سالاسىنداعى مەملەكەتتىك ساياساتتى ىسكە اسىرۋ;
3) شىعارماشىلىق بەلسەندىلىك, ءمىنسىز قىزمەت, كاسىپتىك جانە ەڭبەك قىزمەتىندەگى جەتىستىكتەر;
4) دەنە شىنىقتىرۋ جانە سپورت اياسىندا وڭىرلىك, رەسپۋبليكالىق جانە حالىقارالىق باعدارلامالاردى جانە جوبالاردى ىسكە اسىرۋداعى جەتىستىكتەر;
5) سپورتتى دامىتۋدىڭ وزەكتى ماسەلەلەرى بويىنشا عىلىمي زەرتتەۋلەر مەن ازىرلەمەلەر;
6) حالىقارالىق, رەسپۋبليكالىق, وڭىرارالىق سپورتتىق ءىس-شارالارعا بەلسەندى قاتىسۋ.
6. ءبىر تۇلعا قۇرمەت گراموتاسىمەن ماراپاتتاۋعا بەس جىل ىشىندە ەكى رەت ۇسىنىلمايدى.
7. اگەنتتىكتىڭ قۇرىلىمدىق بولىمشەسىنىڭ, اگەنتتىكتىڭ ۆەدومستۆولىق باعىنىستاعى ۇيىمدارىنىڭ, دەنە شىنىقتىرۋ جانە سپورت ماسەلەلەرى بويىنشا الماتى جونە استانا قالالارىنىڭ وبلىستىق جەرىگىلىكتى اتقارۋشى ورگانداردىڭ, (بۇدان ءارى – جەرگىلىكتى اتقارۋشى ورگاندار), مەنشىك نىسانىنا قاراماستان دەنە شىنىقتىرۋ جانە سپورت سالاسى مەكەمەلەرىنىڭ, قوعامدىق بىرلەستىكتەردىڭ, سپورت تۇرلەرى بويىنشا فەدەراتسيالاردىڭ باسشىلارىنىڭ نەمەسە ولاردى الماستىراتىن تۇلعالاردىڭ ۇسىنىمدارى نەگىزىندە قۇرمەت گراموتاسىمەن ماراپاتتاۋ, العىس جاريالاۋ جۇزەگە اسىرىلادى.
8. كوتەرمەلەۋگە ۇسىنىمداردى قاراۋ مەرزىمى اگەنتتىككە كەلىپ تۇسكەن كۇننەن باستاپ 30 جۇمىس كۇنىن قۇرايدى.
9. كوتەرمەلەۋ اگەنتتىك توراعاسىنىڭ نەمەسە ونىڭ مىندەتتەرىن اتقارىپ تۇلعانىڭ بۇيرىعى نەگىزىندە جۇزەگە اسىرىلادى.

3. قورىتىندى ەرەجەلەر
10. قۇرمەت گراموتاسىن تابىستاۋدى جانە توراعانىڭ العىسىن جاريالاۋدى توراعا نەمەسە الماستىراتىن تۇلعا, نە بولماسا ول بولماعان كەزدە ونىڭ ۋاكىلەتتى لاۋازىمدى تۇلعالارى سالتاناتتى تۇردە جۇزەگە اسىرادى.
11. مەملەكەتتىك ورگاننىڭ نەمەسە باسقا دا ۇيىمنىڭ كادر قىزمەتى قىزمەتكەردىڭ ەڭبەك كىتاپشاسىنا جانە جەكە ءىس-قاعازىنا بۇيرىقتىڭ شىققان كۇنى مەن ءنومىرىن كورسەتە وتىرىپ, كوتەرمەلەۋ تۋرالى ءتيىستى جازبا ەنگىزەدى.

بۇيرىق قازاقستان رەسپۋبليكاسىنىڭ ادىلەت مينيسترلىگىندە 2012 جىلعى 10 جەلتوقساندا نورماتيۆتىك-قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №8164 بولىپ ەنگىزىلدى.