بۇعان دەيىن 7 اتالىم بويىنشا ءوتىپ كەلگەن كونكۋرسقا بيىل «ۇزدىك وقىتۋشى» نوميناتسياسى قوسىلدى. بايقاۋ شارتى بويىنشا بۇل سىيلىق ەرەسەكتەرگە مەملەكەتتىك ءتىلدى وقىتاتىن جانە ءتىل مەڭگەرۋ سالاسىندا جاڭا تەحنولوگيالار قولدانعان ۇستازدارعا بەرىلەدى.
بيىلعى بايقاۋدا 8 اتالىم بويىنشا 43 ۇمىتكەر باق سىنادى. باستى سىيلىق – ء«تىل مايتالمانى» جۇلدەسى ە.بوكەتوۆ اتىنداعى قارمۋ-دىڭ پروفەسسورى, فيلولوگيا عىلىمدارىنىڭ دوكتورى, حالىقارالىق اقپاراتتاندىرۋ اكادەمياسىنىڭ اكادەميگى جاندوس سماعۇلوۆقا بۇيىردى. جەڭىمپازعا 1 ملن تەڭگەنىڭ سەرتيفيكاتى تابىس ەتىلدى.
قالعان اتالىمدار بويىنشا مىنا ۇمىتكەرلەر جەڭىمپاز اتاندى:
«مەملەكەتتىك ءتىل – مەملەكەتتىك قىزمەتتە» – مادينات يگەنبەرلينا, «ساتباەۆ قالاسىنىڭ مادەنيەت جانە تىلدەردى دامىتۋ ءبولىمى» مم باس مامانى;
ء«تىل جارشىسى» – اننا ستروكوۆا, «ە-كاراگاندا» اقپاراتتىق پورتالىنىڭ ءتىلشىسى;
ء«تىل بىلگىرى» – دەنيس رومانوۆ, جەزقازعان قالاسىنىڭ №3 ء«بىلىم-يننوۆاتسيا» ليتسەيىنىڭ 11 سىنىپ وقۋشىسى;
«جاس پوليگلوت» – ماديار ءابدىلرادوۆ, «مۇراگەر» بوم حيميا جانە بيولوگيا مۇعالىمى;
«مەملەكەتتىك ءتىل بيزنەستە» – الماز مىرزاحمەت, «Magzhan» printing house» جك;
«ۇزدىك تەلەحابار» – ايان شاكەن, 5-ءشى تەلەارنانىڭ جۇرگىزۋشىسى;
«ۇزدىك وقىتۋشى» – بەرەكە جارىلعاپوۆا, «ساران قالاسىنىڭ تىلدەردى دامىتۋ ورتالىعى» كمك ادىسكەرى.
جەڭىمپازدار ديپلومدارمەن جانە 250 مىڭ تەڭگەنىڭ سەرتيفيكاتتارىمەن ماراپاتتالدى
ەسكە سالساق, وبلىستىق ء«تىل جاناشىرى» بايقاۋى 2012 جىلدان باستاپ ءداستۇرلى تۇردە ۇيىمداستىرىلىپ كەلەدى.
قاراعاندى وبلىسى
