پرەزيدەنتتىڭ جولداۋىندا بىرقاتار مەملەكەتتىك باعدارلامالاردىڭ وپەراتورى رەتىندەگى «بايتەرەك» حولدينگىنىڭ قىزمەتىنە ىقپال ەتەتىن بىرقاتار تارماق بار.
بىرىنشىدەن, بۇگىندە مەملەكەت شاعىن جانە ورتا بيزنەسكە ۇلكەن قولداۋ كورسەتۋدە. مىسالى, ءبىزدىڭ ەنشىلەس ۇيىمىمىز «دامۋ» كاسىپكەرلىكتى دامىتۋ قورى پايىزدىق مولشەرلەمەنى سۋبسيديالاۋ جانە كرەديتكە كەپىلدىك بەرۋ قۇرالدارىن ۇسىنادى. «بيزنەستىڭ جول كارتاسى - 2020» مەملەكەتتىك باعدارلاماسىن ىسكە اسىرۋ بارىسىندا شامامەن 14,5 مىڭعا جۋىق جوباعا جالپى سوماسى 2,5 ترلن تەڭگە سۋبسيديالاندى.
مەملەكەت باسشىسى جاڭا جوبالارعا باسىمدىق بەرە وتىرىپ, شاعىن جانە ورتا بيزنەستى مەملەكەتتىك قارجىلىق قولداۋ جۇيەسىن «قايتا قالپىنا كەلتىرۋ» قاجەت دەپ اتاپ ءوتتى. ۇكىمەتكە جاڭا «بيزنەستىڭ جول كارتاسى» شەڭبەرىندە الداعى ءۇش جىلدا وسى ماقساتقا 250 ميلليارد تەڭگە ءبولۋدى تاپسىردى. ءبىزدىڭ دامۋ ينستيتۋتتارىمىز بۇل جۇمىسقا بەلسەندى قاتىساتىن بولادى.
ەكىنشىدەن, پرەزيدەنت ەكسپورتتىق كومپانيالاردى مەملەكەتتىك قولداۋدىڭ تيىمدىلىگىن ارتتىرۋ قاجەتتىگىن اتاپ ءوتتى. بۇل ورايدا, «KazakhExport» ەكسپورتتىق ساقتاندىرۋ كومپانياسى مەن قازاقستاننىڭ دامۋ بانكى تابىستى جۇمىس اتقارىپ جاتقانىن اتاپ وتكىم كەلەدى. ماسەلەن, 2014-2018 جىلدارى KazakhExport 152 ەكسپورتتاۋشىعا قولداۋ كورسەتتى. قابىلدانعان مىندەتتەمەلەر كولەمى 173 ملرد تەڭگە بولىپ, ەكسپورتتىق كەلىسىمشارتتاردىڭ سوماسى 841 ملرد. تەڭگەنى قۇرادى. قدب 2015 جىلدان 2018 جىلعا دەيىنگى كەزەڭدە ەكسپورتتاۋشىلارعا قولداۋ كورسەتۋ ءۇشىن قايتا يگەرۋدى ەسكەرە وتىرىپ, ەكسپورتقا دەيىنگى قارجىلاندىرۋ ارقىلى 425,5 ملرد. تەڭگە ۇسىندى.
سونىمەن بىرگە, حولدينگ مەملەكەت باسشىسىنىڭ كاسىپكەرلەردىڭ وسى سەگمەنتىن مەملەكەتتىك قولداۋدىڭ ءتيىمدى شارالارىنىڭ جوقتىعى جونىندەگى ەسكەرتۋلەرىمەن جۇمىس جاساۋدا. ەڭ الدىمەن, ونىمدەر الۋ سالاسىندا. ىقتيمال يمپورتتاۋشىلاردى ىزدەۋدە ەكسپورتتاۋشىلارعا كومەك كورسەتۋ جانە شەتەلدىك نارىقتارعا باعدار الۋ ماسەلەسى بويىنشا KazakhExport ءوزىنىڭ شەتەلدىك وكىلدىكتەرىن اشۋدا. قازىرگى ۋاقىتتا كومپانيانىڭ قازان (رەسەي), تاشكەنت (وزبەكستان), سيان (قىتاي) جانە دۋشانبە (تاجىكستان) قالالارىندا وكىلدەرى بار. 2019 جىلدىڭ سوڭىندا ماسكەۋ, نوۆوسيبيرسك, مينسك جانە بىشكەك قالالارىندا وكىلدىكتەر اشۋ جوسپارلانۋدا.
ۇشىنشىدەن, پرەزيدەنت ۇكىمەتكە ەلدەگى تۇرعىن ءۇي قۇرىلىسىنىڭ بىرىڭعاي مودەلىن جاساۋدى, ءوزارا سايكەس ەمەس باعدارلامالاردى قابىلداۋ تاجىريبەسىنەن الشاق بولۋدى تاپسىردى. بۇل قاجەتتى شارا دەپ ەسەپتەيمىن. بۇعان دەيىن «بايتەرەك» حولدينگى قاجەتتى ينجەنەرلىك, الەۋمەتتىك جانە كوممەرتسيالىق ينفراقۇرىلىمى بار تۇرعىن ءۇيدى سالۋ ماسەلەلەرىن جان-جاقتى قاراستىراتىن بىرىڭعاي وپەراتور قۇرۋ يدەياسىن ۇسىنعان بولاتىن.
تورتىنشىدەن, مەملەكەت باسشىسى قر تۇڭعىش پرەزيدەنتى - ەلباسى نۇرسۇلتان نازارباەۆتىڭ باستاماسىمەن قولعا الىنعان جاڭا «باقىتتى وتباسى» باعدارلاماسىنا ەرەكشە توقتالدى. جىل سوڭىنا دەيىن كەمىندە 6 مىڭ وتباسى وسى باعدارلاما بويىنشا جەڭىلدىكتى شارتتارمەن باسپانا ساتىپ الادى. ءبىرىنشى كەزەكتە, كوپ بالالى جانە مۇمكىندىگى شەكتەۋلى بالالاردى تاربيەلەپ وتىرعان وتباسىلار. 2020 جىلدان باستاپ وسىنداي 10 مىڭ وتباسى جىل سايىن باسپانامەن قامتاماسىز ەتىلەتىن بولادى. بۇل مىندەت ءبىزدىڭ ەنشىلەس ۇيىم - قازاقستاننىڭ تۇرعىن ءۇي قۇرىلىس جيناق بانكىنىڭ موينىندا. ءبىز سونىمەن قاتار باعدارلاماعا قاتىسۋ ءۇشىن ناقتى كريتەريلەردى انىقتاۋعا جانە ونى قاتاڭ باسقارۋدى قامتاماسىز ەتۋگە قاتىساتىن بولامىز.
قورىتىندىلاي كەلە, مەملەكەت باسشىسىنىڭ ۇكىمەتكە جۇكتەگەن مىندەتتەرىن ىسكە اسىرۋ «بايتەرەك» حولدينگى مەن ونىڭ ەنشىلەس ۇيىمدارىنىڭ تىكەلەي قاتىسۋى مەن جۇمىس ىستەۋىن تالاپ ەتەتىنىن اتاپ وتكىم كەلەدى. ءبىز العا قويىلعان مىندەتتەردى ءتيىمدى ورىنداۋ ءۇشىن بار كۇشىمىزدى سالاتىن بولامىز.
ايدار ءارىپحانوۆ,
«بايتەرەك» ۇبح» اق باسقارما توراعاسى
