«Egemen Qazaqstan» گازەتىنىڭ 100 جىلدىعى اياسىندا وتكەن ماۋسىمدا باس جۇلدەنى «حابار» كومانداسى جەڭىپ الىپ, التى دۇركىن چەمپيون اتاندى. ەكىنشى ورىن «استانا تۆ» كومانداسىنا بۇيىرسا, «Qazaq radiolary» قولاعا قول جەتكىزدى. بۇل تۋرنيردە «ا» ليگاسىندا باق سىناعان ەگەمەندىك جىگىتتەر ءتورتىنشى ورىندى مىسە تۇتتى.
سونداي-اق «Qazaq radiolary» جۋرناليستەر كۋبوگىنىڭ فينالىندا «حاباردى» جەڭىپ, اۋىسپالى كۋبوكتى يەلەندى. ال «ۆ» ليگاسىندا «قازمەديا ۆ», «سپورت 59» جانە «Kazaknews.kz» كوماندالارى ۇزدىك ۇشتىكتى قۇراپ, «ا» ليگاسىنا جولداما الدى.
«Egemen Qazaqstan» ءاردايىم سالاماتتى ءومىر سالتىن ناسيحاتتاپ, سپورتتىق شارالارعا قاتىسىپ كەلەدى. «Egemen Qazaqstan» گازەتىنىڭ 100 جىلدىعى اياسىندا ۇيىمداستىرىلعان باق ليگانىڭ VI ماۋسىمى سونىڭ دالەلى. داستۇرگە اينالعان ءتۋرنيردىڭ ۋاقىت وتكەن سايىن سانى دا, ساپاسى دا ارتىپ كەلەدى. ويىننىڭ وتە تارتىستى وتكەنىنە كۋا بولدىق. قاتارىنان التىنشى رەت چەمپيون اتانعان «حابار» ارناسىن, ءتۋرنيردىڭ كۋبوگىن جەڭىپ العان «Qazaq radiolaryn» قۇتتىقتايمىن. تۋرنيردە جۇلدەگەر بولعاندار مەن بارشا قاتىسۋشىلارعا ريزاشىلىق بىلدىرەمىز. سونداي-اق جەدەل اقپارات تاراتاتىن جۋرناليستەردى سپورتتىق شاپشاڭدىققا باۋليتىن, باسىمىزدى قوسىپ, ەتەنە ارالاسۋعا مۇمكىندىك بەرەتىن ءتۋرنيردى كەرەمەت داستۇرگە اينالدىرعان ۇيىمداستىرۋشى ءازيز جۇمادىلگە العىس ايتامىز», دەدى «ەگەمەن قازاقستان» اق باسقارما توراعاسى دارحان قىدىرالى.
ال جارىستى ۇيىمداستىرۋشى ءا.ءجۇمادىل بولسا, تۋرنيردە ەشقانداي بۇرا تارتۋشىلىق, بۇرمالاۋشىلىق بولماعانىن, كەلەسى ماۋسىم بيىلعى جىلدىڭ قاراشا ايىندا قايتا باستالاتىنىن ايتتى.
«ا» جانە «ۆ» ليگاسى بولىپ ەكىگە بولىنگەن تۋرنيردە 17 كوماندا باق سىنادى. جارىستىڭ ۇزدىكتەرىن كاپيتاندار مەن ۆيتسە-كاپيتانداردىڭ داۋىس بەرۋ ناتيجەسى بويىنشا انىقتادى. ناتيجەسىندە, «ا» ليگاسىندا «ۇزدىك سۇرمەرگەن», «ۇزدىك شابۋىلشى», «ۇزدىك ويىنشى» اتالىمى بويىنشا الىشەر كەلگەنباي («حابار») يەلەنسە, «ۇزدىك قورعاۋشى» بولىپ بيمۋحامەد بۋكەەۆ («ەلارنا») تانىلدى. ال «ۇزدىك قاقپاشى» اتالىمى دميتري پوكيداەۆقا («استانا تۆ») بۇيىردى.
ال «ۆ» ليگاسىندا ۇزدىكتەردىڭ ءتىزىمى مىناداي: «ۇزدىك سۇرمەرگەن» – نۇرالەم جالعاس ۇلى (NGQ), «ۇزدىك قاقپاشى» – قانات بازىلحان («مازمۇنداما»), «ۇزدىك قورعاۋشى» – تيمۋر ايتمۇحانبەتوۆ («قالامگەر»), «ۇزدىك شابۋىلشى» – نۇرالەم جالعاس ۇلى (NGQ) جانە «ۇزدىك ويىنشى» – قۇماربەك ازات («قازمەديا ۆ»).
الماس ماناپ,
«Egemen Qazaqstan»
