ۇلى دالا كارتاسى
سەنبى, 2 ناۋرىز 2013 8:21
تورتكۇل دۇنيە كوز تىككەن ايگىلى ەكسپو كورمەسىنىڭ 2017 جىلى ەلىمىزدىڭ ەلورداسىندا وتەتىنى كۇللى قازاقستاندىقتاردى شەكسىز قۋانىشقا بولەگەنى بەلگىلى. ايتۋلى وقيعاعا وراي ەلىمىزدىڭ بارلىق جەرلەرىندە دەرلىك بۇگىندە بەلسەندى ءىس-شارالار ءوتىپ جاتىر. سولاردىڭ ءبىرى دە, بىرەگەيى كەشە ەلورداداعى س.سەيفۋللين اتىنداعى قازاق اگروتەحنيكالىق ۋنيۆەرسيتەتىندە بولعان اۋقىمدى ىزدەنىس شاراسى دەر ەدىك. ۋنيۆەرسيتەت ستۋدەنتتەرى ەكسپو-2017 قۇرمەتىنە ارناپ ءوز قولدارىمەن ەلىمىزدىڭ توپىراق ەرەكشەلىكتەرىن قامتي وتىرىپ, قازاقستان كارتاسىن جاساپتى.
سەنبى, 2 ناۋرىز 2013 8:21
تورتكۇل دۇنيە كوز تىككەن ايگىلى ەكسپو كورمەسىنىڭ 2017 جىلى ەلىمىزدىڭ ەلورداسىندا وتەتىنى كۇللى قازاقستاندىقتاردى شەكسىز قۋانىشقا بولەگەنى بەلگىلى. ايتۋلى وقيعاعا وراي ەلىمىزدىڭ بارلىق جەرلەرىندە دەرلىك بۇگىندە بەلسەندى ءىس-شارالار ءوتىپ جاتىر. سولاردىڭ ءبىرى دە, بىرەگەيى كەشە ەلورداداعى س.سەيفۋللين اتىنداعى قازاق اگروتەحنيكالىق ۋنيۆەرسيتەتىندە بولعان اۋقىمدى ىزدەنىس شاراسى دەر ەدىك. ۋنيۆەرسيتەت ستۋدەنتتەرى ەكسپو-2017 قۇرمەتىنە ارناپ ءوز قولدارىمەن ەلىمىزدىڭ توپىراق ەرەكشەلىكتەرىن قامتي وتىرىپ, قازاقستان كارتاسىن جاساپتى.
ەكسپو-2017 كورمەسى – ەل مەرەيىن وسىرەتىن ۇلى شارا. بۇل شارانى اسىرەسە, جاستار قولداۋدا. بۇگىنگى جيىنعا ۋنيۆەرسيتەت باسشىلىعىنىڭ ەشقانداي قاتىسى جوق. بۇل ستۋدەنتتەردىڭ ءوز باستامالارى مەن يدەيالارى, – دەدى اتالعان شارادا ءسوز العان ۋنيۆەرسيتەت رەكتورى, پروفەسسور اقىلبەك كۇرىشباەۆ. سونداي-اق, ول ەلباسىنىڭ 2050 ستراتەگياسىن ىسكە اسىرۋدا جاستاردىڭ اتقارار جۇمىستارى ەرەكشە ەكەنىن دە نازاردان تىس قالدىرمادى.
«قازاقستاننىڭ توپىراق كارتاسى» تۇعىرناماسىنىڭ ۇزىندىعى 161, ەنى 91 سانتيمەتر. ال كارتانىڭ ءوزىنىڭ ۇزىندىعى – 103 سانتيمەتر. بۇل اتالعان سانداردىڭ مانىنە كەلسەك, 161 كورمەنى وتكىزۋ تۋرالى سايلاۋعا قاتىسقان ەلدەردىڭ سانىن بىلدىرسە, ونىڭ ىشىندە 103 مەملەكەت قازاقستاندا كورمەنى وتكىزۋدى قولداپ داۋىس بەرگەنىن, ال 91 سانى ەلىمىزدىڭ تاۋەلسىزدىگىن جاريا ەتكەن جىلدىڭ سيمۆولىن بىلدىرەدى ەكەن. تۇعىرنامادا قازاقستان كارتاسىنان باسقا الاتاۋ, ۇلىتاۋ, جۇمباقتاس, التاي تاۋلارىنىڭ جوباسى قولدان قۇراستىرىلعان. بۇل – «تورتەۋ تۇگەل بولسا, توبەدەگى كەلەدى» دەگەن حالىقتىق قاعيداعا سايادى.
– ەكسپو-2017 كورمەسىنە الەمنىڭ جۇزدەن استام مەملەكەتتەرى مەن بىرنەشە حالىقارالىق ۇيىمدار قاتىسادى. ولار ۇلتتىق ءتول مادەنيەتىمىزبەن جانە ەلىمىزدىڭ ەكونوميكالىق, تەحنولوگيالىق دامۋ دەڭگەيىمەن تانىسادى. وسى رەتتە ءبىز كورمەنىڭ اجىراماس بولىگى – ۇلتىمىزدىڭ ۇلىلىعى مەن ەلىمىزدىڭ ايشىقتى جەتىستىكتەرىن الەمگە پاش ەتۋىمىز كەرەك, – دەيدى شارانى ۇيىمداستىرۋشىلار.
ستۋدەنتتەر بەلسەندىلىگىمەن ۇيىمداستىرىلعان شارا ءبىرىنشى كۋرس ستۋدەنتى اناستاسيا بۋلاحتىڭ كورەرمەندەر الدىندا سالعان كورمە كەلبەتىن ورنەكتەگەن سۋرەتى مەن «شاتتىق», «قىزعالداق» بي توپتارىنىڭ ونەرلەرىمەن ءوز جالعاسىن تاپتى.
ءابدىراحمان قىدىربەك,
«ەگەمەن قازاقستان».
استانا.
––––––––––––––––––
سۋرەتتى تۇسىرگەن
ەرلان وماروۆ
