قالىپتاسقان قازاقستاننىڭ جاڭا ساياسي باعىتتارى – ءتيىمدى وركەندەۋ مەن ورلەۋدىڭ باستى شارتى
بەيسەنبى, 21 اقپان 2013 7:26
قازاقستان رەسپۋبليكاسىنىڭ پرەزيدەنتى – ەلباسى ن.ءا. نازارباەۆتىڭ جىل سايىنعى قازاقستان حالقىنا جولداۋى – ەلىمىزدىڭ قوعامدىق-ساياسي ومىرىندەگى ماڭىزدى تاريحي وقيعا. تاۋەلسىز قازاقستاننىڭ ساياسي تاريحىندا «قازاقستان-2030» ستراتەگياسىنىڭ ەل دامۋىنداعى ماڭىزى جوعارى بولدى. ەلباسى 1997 جىلعى قازاندا «بارلىق قازاقستاندىقتاردىڭ ءوسىپ-وركەندەۋى, قاۋىپسىزدىگى جانە ءال-اۋقاتىنىڭ ارتۋى» اتتى ەل حالقىنا جولداۋىندا قازاقستان رەسپۋبليكاسىنىڭ 2030 جىلعا دەيىنگى دامۋ ستراتەگياسىن ۇسىندى.
بەيسەنبى, 21 اقپان 2013 7:26
قازاقستان رەسپۋبليكاسىنىڭ پرەزيدەنتى – ەلباسى ن.ءا. نازارباەۆتىڭ جىل سايىنعى قازاقستان حالقىنا جولداۋى – ەلىمىزدىڭ قوعامدىق-ساياسي ومىرىندەگى ماڭىزدى تاريحي وقيعا. تاۋەلسىز قازاقستاننىڭ ساياسي تاريحىندا «قازاقستان-2030» ستراتەگياسىنىڭ ەل دامۋىنداعى ماڭىزى جوعارى بولدى. ەلباسى 1997 جىلعى قازاندا «بارلىق قازاقستاندىقتاردىڭ ءوسىپ-وركەندەۋى, قاۋىپسىزدىگى جانە ءال-اۋقاتىنىڭ ارتۋى» اتتى ەل حالقىنا جولداۋىندا قازاقستان رەسپۋبليكاسىنىڭ 2030 جىلعا دەيىنگى دامۋ ستراتەگياسىن ۇسىندى. بۇل قۇجات ەگەمەن ەلدىڭ ەكونوميكاسى سەرپىندى دامىپ كەلە جاتقان الەمدەگى ەڭ ءبىر قاۋىپسىز, تۇراقتى, ەكولوگيالىق ورنىقتى مەملەكەتكە اينالۋىنا باعىتتالعان ۇزاق مەرزىمدى دامۋ جولىن بەلگىلەپ بەردى. دامۋ ستراتەگياسى ۇزاق مەرزىمدى جەتى باسىمدىقتى ىسكە اسىرۋدى قاراستىرىپ, اتالمىش باسىمدىقتار ەلدىڭ دامۋىنىڭ ورتا مەرزىمدى جانە ۇزاق مەرزىمدى كەزەڭگە ارنالعان دامۋ جوسپارىن قالىپتاستىرۋ ءۇشىن نەگىز قالادى.
جوعارىداعى ستراتەگيانى ىسكە اسىرۋدىڭ العاشقى ۇزاق مەرزىمدى كەزەڭى ەل پرەزيدەنتىنىڭ 2001 جىلعى جەلتوقسانداعى جارلىعىمەن بەكىتىلگەن قازاقستان رەسپۋبليكاسىنىڭ 2010 جىلعا دەيىنگى ستراتەگيالىق دامۋ جوسپارى بولدى. «قازاقستان-2030» ستراتەگياسىنىڭ كەلەسى كەزەڭى – قازاقستان رەسپۋبليكاسىنىڭ 2020 جىلعا دەيىنگى ستراتەگيالىق دامۋ جوسپارى بولىپ تابىلادى. سوندىقتان وركەندەۋ مەن ورلەۋ ستراتەگيالارى سانالاتىن بۇل قۇجاتتاردىڭ قۇندىلىعى تاريحي سىننان ءوتىپ جاتقاندىعى انىق. ال ەلباسى سارابدال ساياساتىنداعى تۇراقتىلىق, بەيبىتشىلىك جانە كەلىسىم قازاقستاننىڭ جاڭا ءمۇمكىندىكتەرىنىڭ كەپىلى بولىپ قالا بەرمەك.
ەلىمىزدىڭ الەۋمەتتىك-ساياسي ءومىرى مەن جاعدايىن سيپاتتايتىن ءار جولداۋدىڭ وزىندىك سالماقتى جۇگى بار. «قازاقستان-2030. بارلىق قازاقستاندىقتاردىڭ ءوسىپ-وركەندەۋى, قاۋىپسىزدىگى جانە ءال-اۋقاتىنىڭ ارتۋى» جولداۋىنان باستاۋ العان قۇجاتتاردا ەلىمىزدىڭ ستراتەگيالىق دامۋىنداعى ءمىندەتتەر كورسەتىلەدى. ال مىندەتتەردىڭ ورىندالۋى ءوز كەزەگىندە ەلباسىنىڭ جىل سايىنعى جولداۋلارىمەن ايقىندالادى. بۇگىنگە دەيىن ەلباسى قازاقستان حالقىنا 17 جولداۋ ارناعان ەكەن.
«قازاقستان-2030» ستراتەگياسىنا نەگىزگى قورىتىندىلار جاسالعان «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋدا نەگىزگى مىندەتتەردىڭ ورىندالۋى جانە قالعاندارىنىڭ ورىندالۋ ۇستىندە ەكەندىگى تۇجىرىمدالدى. 2050 جىلعا قاراي مىقتى مەملەكەتتىڭ, دامىعان ەكونوميكانىڭ جانە جالپىعا ورتاق ەڭبەكتىڭ نەگىزىندە بەرەكەلى قوعام قۇرۋ باستى ماقساتىن ورىنداۋداعى جاڭا ساياسي باعىتتاردىڭ مىندەتتەرى ايقىندالا ءتۇستى. ەلباسى ءوز سوزىندە: «1991 جىلعى 16 جەلتوقساندا ءبىز – قازاقستان حالقى – ەگەمەندىكتى, بوستاندىقتى, الەمگە اشىقتىقتى تاڭدادىق. بۇگىنگى كۇنى وسى قۇندىلىقتار ءبىزدىڭ كۇندەلىكتى ءومىرىمىزدىڭ بولشەگىنە اينالدى», دەگەن بولاتىن. قالىپتاسقان قازاقستاننىڭ قۋاتتى دا تابىستى مەملەكەت قۇرۋداعى تاريحي جولى, دەموكراتيالاندىرۋ مەن ىرىقتاندىرۋدىڭ ورنىقتى ۇدەرىستەرى, ءتۇرلى الەۋمەتتىك, ەتنوستىق جانە ءدىني توپتاردىڭ كەلىسىمى مەن تاتۋلىعى, ۇلتتىق ەكونوميكاداعى ەرەكشەلىكتەر مەن حالىقارالىق ەڭبەك ءبولىنىسىندەگى ەلىمىزدىڭ ءرولى, قوعامدىق تۇراقتىلىق پەن كەلىسىمدى قامتاماسىز ەتكەن كۇشتى الەۋمەتتىك ساياسات, الەمدىك قوعامداستىق تانىعان مەملەكەت جانە يادرولىق قارۋدى تاراتپاۋ رەجىمىن ىلگەرىلەتۋدەگى ەلىمىزدىڭ بەلسەندى ءرولى نەگىزدەلدى.
ەلباسى تاريحي ۋاقىتتىڭ جەدەلدەۋى, جاھاندىق دەموگرافيالىق تەڭگەرىمسىزدىك, جاھاندىق ازىق-ت ۇلىك قاۋىپسىزدىگىنە تونەتىن قاتەر, سۋدىڭ تىم تاپشىلىعى, جاھاندىق ەنەرگەتيكالىق قاۋىپسىزدىك, تابيعي رەسۋرستاردىڭ سارقىلۋى, ءۇشىنشى يندۋستريالىق رەۆوليۋتسيا, ۇدەي تۇسكەن الەۋمەتتىك تۇراقسىزدىق, وركەنيەت قۇندىلىقتارىنىڭ داعدارىسى, جاڭا الەمدىك قاۋىپسىزدىك سەكىلدى ءححى عاسىردىڭ جاھاندىق ون سىن-قاتەرىنە توقتالىپ قانا قويماي, حالىقارالىق احۋال دامۋىنىڭ كەز كەلگەن كورىنىسىنە جان-جاقتى دايىن بولۋ ءۇشىن بيلىكتىڭ بارلىق تارماقتارىنىڭ, مەملەكەت پەن قوعامنىڭ ويلاستىرىلعان, كەلىسىلگەن جانە ۇيلەستىرىلگەن باعىتىن تۇجىرىمداۋ قاجەتتىلىگىنە باسا نازار اۋداردى. جاڭا سىن-قاتەرلەردى لايىقتى قابىلداۋ ءۇشىن ەل تۇرعىندارىنىڭ شەشۋگە ءتيىستى مىندەتتەر پاراديگماسىنىڭ ساپالىق تۇرعىدان وزگەرىسى باياندالدى.
ەلباسى ءوز ءسوزىن: «بىرىنشىدەن, قازاقستان – قازىرگى زامانعى مەملەكەت. ءبىزدىڭ مەملەكەتىمىز كەمەلدىككە جەتتى. سوندىقتان دا بۇگىنگى كۇن ءتارتىبى مەملەكەتتىڭ قالىپتاسۋى كەزەڭىندەگىدەن وزگەشە. دۇنيەدە بولىپ جاتقان وزگەرىستەردىڭ سيپاتى مەن تەرەڭدىگى, جاھاندىق ءوزارا ءىس-قيمىل ۇزاق مەرزىمدى دامۋدى تالاپ ەتەدى. كوپتەگەن ەلدەر قازىردىڭ وزىندە 2030-2050-جىلداردىڭ ارعى جاعىنا كوز جىبەرۋگە تىرىسادى. «باسقارىلاتىن بولجامداۋ» قازىرگى تۇراقسىز كەزدە مەملەكەتتەر دامۋىنىڭ ماڭىزدى تەتىگىنە اينالۋدا. ەكىنشىدەن, «قازاقستان-2030» ستراتەگياسى ءبىزدىڭ مەملەكەتتىلىگىمىزدىڭ قالىپتاسۋ كەزەڭى ءۇشىن جاسالعان بولاتىن. ءوزىنىڭ بازالىق ولشەمى بويىنشا ول ورىندالدى. ءۇشىنشىدەن, ءبىز جاڭا شىندىق تۋدىرعان سىناقتار مەن قاۋىپ-قاتەرلەرگە كەزىگىپ وتىرمىز. ولار جالپىلىق سيپات الىپ, بارلىق ەلدەر مەن وڭىرلەرگە اسەرىن تيگىزۋدە», – دەپ تۇيىندەدى.
قوعامداعى تۇراقتىلىقتىڭ ەڭ جاقسى كەپىلى الەۋمەتتىك قاۋىپسىزدىك جانە ازاماتتاردىڭ باقۋاتتىعىن انىقتايتىن الەۋمەتتىك ساياساتتىڭ جاڭا پرينتسيپتەرى الەۋمەتتىك كەپىلدىكتەر مەن جەكە جاۋاپكەرشىلىكتى قاجەت ەتەدى. سول سەبەپتى ەلباسى الەۋمەتتىك ساياساتتىڭ جاڭا قاعيدالارىن ۇسىندى: كەدەيشىلىكتىڭ وسۋىنە جول بەرمەۋدىڭ تەجەگىشى رەتىندە قالىپتاسۋىنا مۇمكىندىك تۋعىزاتىن مەملەكەتتىڭ جاھاندىق داعدارىس جاعدايىندا ازاماتتارعا ەڭ تومەنگى الەۋمەتتىك ستاندارت كەپىلدىگىن ۇسىنۋى; مەملەكەتتىڭ الەۋمەتتىك قولداۋعا مۇقتاج توپتارعا عانا كومەك كورسەتۋى; ءوڭىرلەردى دامىتۋدا الەۋمەتتىك تەڭگەرىمسىزدىك ماسەلەلەرىن شەشۋگە نازار اۋدارۋ.
وسى سەبەپتەرگە بايلانىستى ەلباسى ۇكىمەتكە تومەندەگىدەي تاپسىرمالار جۇكتەدى: انا مەن بالانى قورعاۋ, وتباسى جانە نەكە سالاسىندا زاڭنامانى تۇبەگەيلى قايتا قاراۋ; انا مەن بالاعا قارسى باعىتتالعان قىلمىس ءۇشىن, وسى سالاداعى ەڭ ۇساق دەگەن زاڭبۇزۋشىلىقتار ءۇشىن جازانى كۇشەيتۋ; تۋ مەن كوپ بالالى بولۋدى ىنتالاندىرۋ جۇيەسىن رەفورمالاۋ, جەڭىلدەتىلگەن سالىق, مەديتسينالىق جانە الەۋمەتتىك قىزمەت, ەڭبەك نارىعىندا جاڭا مۇمكىندىكتەر بەرۋ, ماتەريالدىق جانە ماتەريالدىق ەمەس ىنتالاندىرۋلاردى قامتيتىن شارالار كەشەنىن ازىرلەۋ; ەلدە جىنىستىق ەرەكشەلىگى بويىنشا كەمسىتۋشىلىككە جول بەرمەۋ جانە ءىس جۇزىندە گەندەرلىك تەڭدىك پەن ايەلدەرگە ەرلەرمەن تەڭ مۇمكىندىكتەردى قامتاماسىز ەتۋ. «بار جاقسىلىق بالالارعا» ۇرانى بارلىق اتا-انا ءۇشىن قاعيداعا اينالۋى قاجەتتىگى نەگىزدەلە ءتۇسىپ, ۇلت دەنساۋلىعى تابىستى بولاشاقتىڭ نەگىزى ەكەندىگى ايقىندالدى.
جالپى, كەز كەلگەن قوعامداعى ساياسي تۇراقتىلىق پەن ەكونوميكالىق ءوسىمنىڭ نەگىزى تۇرعىنداردىڭ ءومىر ساپاسىن جوعارىلاتۋعا باعىتتالعان مەملەكەتتىڭ الەۋمەتتىك ساياساتىندا جاتىر. قازاقستان ءوز تاۋەلسىزدىگىن العان كۇننەن باستاپ مەملەكەت ساياساتىنىڭ نەگىزگى باسىمدىعى رەتىندە ازاماتتار ءال-اۋقاتىن جاقسارتۋدى كوزدەدى. زاماناۋي ءبىلىم بەرۋ جۇيەسىنىڭ, كادر دايارلاۋ مەن قايتا دايارلاۋدىڭ نەگىزگى باعدارى سانالاتىن ءبىلىم جانە كاسىبي ماشىق باعىتتارى دا ەلباسى نازارىنان تىس قالمادى. ەلىمىزدىڭ ءبىلىم بەرۋ سالاسىنداعى باسىمدىقتارى تومەندەگىدەي بولىپ بەلگىلەندى: بۇكىل الەمدەگى سەكىلدى قازاقستاننىڭ مەكتەپكە دەيىنگى ءبىلىم بەرۋدىڭ جاڭا ادىستەرىنە كوشۋى قاجەتتىگى; حالىقارالىق ۇلگىدەگى كۋالىكتەر بەرۋ ارقىلى ينجەنەرلىك ءبىلىم بەرۋدى جانە زاماناۋي تەحنيكالىق ماماندىقتار جۇيەسىن دامىتۋدى قامتاماسىز ەتۋ; جەكە بيزنەستىڭ, ۇكىمەتتىك ەمەس جانە قايىرىمدىلىق ۇيىمدارىنىڭ, جەكە ادامداردىڭ الەۋمەتتىك جاۋاپكەرشىلىگىنىڭ ءبىلىم بەرۋ سالاسىندا ايرىقشا كورىنۋى; وقىتۋ ادىستەمەلەرىن جاڭعىرتۋ جانە وڭىرلىك مەكتەپ ورتالىقتارىن قۇرا وتىرىپ, ءبىلىم بەرۋدىڭ ونلاين-جۇيەلەرىن بەلسەنە دامىتۋ قاجەتتىگى.
بۇل تۇستا «بالاپان» باعدارلاماسىن 2020 جىلعا دەيىن ۇزارتۋ, يننوۆاتسيالىق زەرتتەۋلەردى دامىتۋدىڭ جاڭا ساياساتىن قالىپتاستىرۋ, عىلىم مەن بيزنەستىڭ كووپەراتسياسى مەن پەرسپەكتيۆالى ۇلتتىق كلاستەرلەردى قالىپتاستىراتىن جول كارتاسى ماسەلەلەرىنە ءمان بەرىلگەنىن ايتا كەتكەن ءجون. اتالمىش ماسەلە توڭىرەگىندە ەلباسى جاستارعا ءوز ءسوزىن ارنادى: «بۇگىن مەن جاريالاعان جاڭا ساياسي جانە ەكونوميكالىق باعىت سىزدەرگە جاقسى ءبىلىم بەرۋدى, ياعني بۇدان دا لايىقتىراق بولاشاق سىيلاۋدى كوزدەيدى. مەن سىزدەرگە – جاڭا بۋىن قازاقستاندىقتارعا سەنىم ارتامىن. سىزدەر جاڭا باعىتتىڭ قوزعاۋشى كۇشىنە اينالۋعا ءتيىسسىزدەر. مەملەكەت باسشىسى رەتىندە مەن ءاردايىم سىزدەردىڭ وقۋلارىڭىز بەن ءوسىپ-ونۋلەرىڭىز ءۇشىن بارلىق جاعدايدى جاساۋعا تىرىستىم. الەمدىك دەڭگەيدەگى ۋنيۆەرسيتەت, زياتكەرلىك مەكتەپتەر اشتىم, «بولاشاق» باعدارلاماسىن قۇردىم», – دەدى پرەزيدەنت.
مەملەكەتتىلىكتى ودان ءارى نىعايتۋ جانە قازاقستاندىق دەموكراتيانى دامىتۋداعى نەگىزگى ماقسات مەملەكەتتىك باسقارۋدى قالىپتاستىرۋدىڭ جاڭا مىندەتتەرى قوعامعا قىزمەت ەتۋ مەن مەملەكەتتىلىكتى نىعايتۋعا ساي بولۋ قاجەتتىلىگى ناقتىلاندى. بۇل ءۇشىن مەملەكەتتىك جوسپارلاۋ جانە بولجاۋ جۇيەسىن ودان ءارى جەتىلدىرە ءتۇسۋ, باسقارۋدى ورتالىقسىزداندىرۋدى ساۋاتتى جۇرگىزۋ, حالىققا جانە مەملەكەتكە قىزمەت ەتۋدى بارلىعىنان جوعارى قوياتىن كاسىپقوي مەملەكەتتىك اپپارات قالىپتاستىرۋ, مەملەكەتتىك اپپارات بيزنەس-قاۋىمداستىقپەن جاڭا ءوزارا ءىس-قيمىل جۇيەسىن قۇرۋ, مەملەكەت تارتىپسىزدىككە مۇلدەم توزبەۋشىلىك ءپرينتسيپىن ۇستانۋ, مەملەكەت پەن قوعام جەمقورلىققا قارسى كۇرەسەتىن كۇشتىڭ بولۋى, قۇقىق قورعاۋ ورگاندارى مەن ارنايى قىزمەتتەردىڭ رەفورماسىن جالعاستىرۋ مىندەتتەرى قويىلدى.
دايەكتى جانە بولجامدى سىرتقى ساياساتتىڭ, ۇلتتىق مۇددەلەردى ىلگەرىلەتۋ مەن ايماقتىق ءجانە جاھاندىق قاۋىپسىزدىكتى نىعايتۋدىڭ ماقساتتارى ايتىلدى. سىرتقى ساياساتتى جاڭعىرتۋدىڭ باسىمدىقتارى ايقىندالدى: ايماقتىق جانە ۇلتتىق قاۋىپسىزدىكتى جان-جاقتى نىعايتۋ; ەكونوميكالىق جانە ساۋدا ديپلوماتياسىن بەلسەندى دامىتۋ; مادەني-گۋمانيتارلىق, عىلىم-ءبىلىم جانە باسقا شەكتەس سالالارداعى حالىقارالىق ىنتىماقتاستىقتى ارتتىرۋ; ازاماتتارىمىزدى قۇقىقتىق قورعاۋدى, ولاردىڭ شەتەلدەردەگى جەكە, وتباسىلىق, ىسكەرلىك ءمۇددەلەرىن قورعاۋدى كۇشەيتۋ. ەلباسى ءوز سوزىندە: «ءبىزدىڭ داۋىسىمىز بارلىق الەمگە ەستىلىپ تۇرۋعا ءتيىس. سوندىقتان مەن استانا ەكونوميكالىق فورۋمىندا ءوزىمىز G-Global دەپ اتاعان ديالوگتىڭ جاڭا ءتۇرىن ۇسىندىم. الەمدە بىردە-ءبىر ەل باستان كەشىپ جاتقان ءداۋىرىنىڭ قاتەرلەرىن جالعىز ءوزى جەڭە المايدى. مەنىڭ باستامامنىڭ ءمانى – ءادىل جانە قاۋىپسىز الەم ورنىقتىرۋ ءۇشىن بارشانىڭ كۇشىن بىرىكتىرۋ», – دەدى.
ناتيجەسىندە 2012 جىلدىڭ 12 قاڭتارى كۇنى تەك قازاقستاننىڭ ەمەس, ءوز ەكونوميكاسىن جانە دۇنيەجۇزىلىك ەكونوميكانى دامىتۋعا دايىن بۇكىل الەمنەن بارلىق مۇددەلى قازiرگi زاماننىڭ بەلگiلi عالىمدارى, بيزنەس بiرلەستiكتەرى, وكiمەتتiڭ وكىلدەرىن بىرىكتىرگەن G-Global كوممۋنيكاتيۆتى الاڭى ىسكە اسىرىلدى. قىسقا ۋاقىتتا G-Global كوممۋنيكاتيۆتى الاڭى 150 ەلدەن سان مىڭداعان پايدالانۋشىلاردى بىرىكتىردى. سايت پايدالانۋشىلارى تومەندەگىدەي تاراۋلارعا اتسالىسا الادى: ساراپشىلىق شولۋ; كاسiپكەرلiك جوبالار; پىكىرسايىستار; جاريالانىمدار. ادامزات وركەنيەتىنىڭ دامۋ كونسترۋكتيۆيزمى بەس نەگىزگى قاعيدالارعا نەگىزدەلەدى. بۇل پىكىردى نۇرسۇلتان ءابىش ۇلى نازارباەۆ G-Global قاعيدالارى دەپ اتاۋدى ۇسىندى: 1) رەۆوليۋتسيا ەمەس, ەۆوليۋتسيا; 2) ادىلدىك, تەڭدىك, پاتۋالىق; 3) جاھاندىق تولەرانتتىلىق جانە سەنىم ءبىلدىرۋ; 4) جاھاندىق ترانسپارەنتتىك; 5) كونسترۋكتيۆتى كوپپوليارلىق.
جولداۋدا كوپۇلتتى جانە كوپكونفەسسيالى قوعام تابىسىنىڭ نەگىزى سانالاتىن جاڭا قازاقستاندىق پاتريوتيزم باعىتىنداعى باستى ماقساتتارىمىز – قوعامدىق كەلىسىمدى ساقتاۋ جانە نىعايتۋ قوعام, ۇلت رەتىندە ءومىر ءسۇرۋدىڭ اينىماس شارتى ەكەندىگى ءسوز بولدى. جاڭا قازاقستاندىق پاتريوتيزم باعىتى بويىنشا مەملەكەت ءار ازاماتتىڭ ءومىر ساپاسىنا, قاۋىپسىزدىگىنە, تەڭ مۇمكىندىكتەرىنە جانە بولاشاعىنا كەپىلدىك بەرۋ ءتاسىلى ارقىلى ءپاتريوتيزمدى ءجانە ونى تاربيەلەۋ ماسەلەسىنە پراگماتيكالىق جانە شىنايى كوزقاراستى وياتادى. بارلىق ەتنوستار ازاماتتارى قۇقىقتارىنىڭ تەڭدىگى بارلىق قوعامدى بىرىكتىرەتىندىگى انىق. قازاق ءتىلى ءجانە تىلدەردىڭ ۇشتۇعىرلىعى جاۋاپكەرشىلىكتى ءتىل ساياساتىنىڭ قازاق ۇلتىن بىرىكتىرۋشى باستى فاكتورلاردىڭ ءبىرى ەكەندىگى اتاپ كورسەتىلدى. جاڭا ءپاتريوتيزمدى قالىپتاستىرۋداعى مادەنيەت پەن داستۇرلەر ىرگەتاسىن بەكىتۋ زاڭدىلىقتارى, ۇلتتىق ينتەلليگەنتسيانىڭ قوعامداعى ءرولى, ءححى عاسىرداعى قازاقستانداعى ءدىن توڭىرەگىندەگى تۇجىرىمدار ايقىندالدى. جولداۋ اياسىندا مەملەكەت باسشىسى بولاشاقتىڭ قازاقستانى تومەندەگىدەي بولاتىنىنا سەنىمدى: «مەن 2050 جىلعى قازاقستاندىقتار – ءۇش تىلدە سويلەيتىن ءبىلىمدى, ەركىن ادامداردىڭ قوعامى ەكەنىنە تولىق سەنىمدىمىن. ولار – الەمنىڭ ازاماتتارى. ولار ساياحاتتاپ جۇرەدى. ولار جاڭا ءبىلىم مەڭگەرۋگە قۇشتار. ولار ەڭبەكسۇيگىش. ولار – ءوز ەلىنىڭ پاتريوتتارى».
مەملەكەت باسشىسىنىڭ جولداۋدا ۇسىنعان تاپسىرمالارىن جۇيەلى جانە ءوز مەرزىمىندە ورىنداۋ قازاقستانداعى جاڭا ساياسي باعىتتاردىڭ ىرگەتاسى سانالادى. سوندىقتان «قازاقستان-2050» ستراتەگياسى وتانىمىزدىڭ جاڭا ۇلى جەتىستىكتەرى مەن تابىستارىن جالعاستىرۋداعى ءتيىمدى وركەندەۋدىڭ تۋرا ءارى بەرىك باعىتتاۋشىسى بولماق.
مۇرات ناسيموۆ,
ساياسي عىلىمدار كانديداتى,
قىزىلوردا «بولاشاق» ۋنيۆەرسيتەتىنىڭ دوتسەنتى.
