ماقسات – ەكسپو-2017-گە ۇلەس قوسۋ
سەنبى, 16 اقپان 2013 7:49
قازاقستان ۇلتتىق ينجەنەرلىك اكادەمياسى باتىس قازاقستان وبلىستىق بولىمشەسى تۇتاستاي رەسپۋبليكا بويىنشا العاندا ينجەنەرلىك عىلىمدى دامىتۋ ىسىنە ءوز ۇلەستەرىن قوسىپ كەلەدى. مۇندا ءتيىستى عىلىمي جۇمىستارمەن شۇعىلدانۋعا بارلىق جاعدايلار تۋعىزىلعان. بولىمشە جانىنداعى عىلىمي-تەحنيكالىق كەڭەسكە تار ءورىستىلىك ەمەس, كەرىسىنشە, جاڭاشا يننوۆاتسيالىق كوزقاراستار ءتان.
سەنبى, 16 اقپان 2013 7:49
قازاقستان ۇلتتىق ينجەنەرلىك اكادەمياسى باتىس قازاقستان وبلىستىق بولىمشەسى تۇتاستاي رەسپۋبليكا بويىنشا العاندا ينجەنەرلىك عىلىمدى دامىتۋ ىسىنە ءوز ۇلەستەرىن قوسىپ كەلەدى. مۇندا ءتيىستى عىلىمي جۇمىستارمەن شۇعىلدانۋعا بارلىق جاعدايلار تۋعىزىلعان. بولىمشە جانىنداعى عىلىمي-تەحنيكالىق كەڭەسكە تار ءورىستىلىك ەمەس, كەرىسىنشە, جاڭاشا يننوۆاتسيالىق كوزقاراستار ءتان.
ينجەنەرلىك عىلىم شەكارا تاڭدامايدى. وسى تۇرعىدا بولىمشە عالىمدارى عىلىمي جۇمىستار مەن ىزدەنىستەردى كورشىلەس رەسەيلىك ارىپتەستەرىمەن تىعىز ينتەگراتسيالىق بايلانىستا جۇرگىزىپ كەلە جاتقانى دا قۇپتاۋعا ابدەن لايىقتى.
سونداي-اق, وڭىردەگى يندۋستريالىق-يننوۆاتسيالىق جوبالاردى ىسكە اسىرۋعا دا جەرگىلىكتى ينجەنەر-عالىمدار قوسقان ۇلەس قوماقتى. مۇندا عىلىمي جاڭالىقتار مەن جاڭا تەحنولوگيالاردى وندىرىسكە ەنگىزۋدەن الىنعان پايدا مەن تيىمدىلىك وتە جوعارى. بۇعان كازيتۋ عىلىم-ءبىلىم كەشەنىنىڭ پرەزيدەنتى, ۇلتتىق ينجەنەرلىك اكادەميانىڭ اكادەميگى اقسەرىك ءايتىموۆ باستاماشى بولىپ كەلەدى.
ايتالىق, وڭىردە وتكەن جىلى عىلىمي-تەحنيكالىق سالانى دامىتۋعا 700 ميلليون تەڭگەدەن استام قاراجات جۇمسالعان. جوعارىدا ايتىلعانداي, ونىڭ دەنى ءوندىرىس پەن ونەركاسىپتىك كاسىپورىندارعا يننوۆاتسيالىق ۇدەرىستەردى ەنگىزۋگە باعىتتالعان. بۇگىنگى كۇنى وڭىردەگى ينجەنەر عالىمدار تاياۋ جانە الىس شەتەلدەردەگى ارىپتەستەرىمەن بايلانىستاردى جاڭا ساپالىق دەڭگەيگە كوتەرىپ وتىر.
ورال وڭىرىندە وتكىزىلىپ جۇرگەن عىلىمي-تەحنيكالىق كەڭەستىڭ جۇمىسىنا ولاردىڭ قاتىسىپ ءوزارا وي-پىكىر الماسۋى تۇراقتى سيپات الىپ كەلەدى. ۇلتتىق-ينجەنەرلىك اكادەميا بولىمشەسى ۇيىمداستىرعان سوڭعى ماجىلىستەردەگى باستى اڭگىمە ارقاۋى ەكسپو-2017 كورمەسىنە وزىق ينجەنەرلىك عىلىمي ۇسىنىستار ازىرلەۋ قاجەتتىلىگىن تۋىنداتتى. بۇعان ماجىلىسكە قاتىسقان شەتەلدىك عالىمدار دا قىزىعۋشىلىق پەن مۇددەلىلىك تانىتتى.
تەمىر قۇسايىن,
«ەگەمەن قازاقستان».
ورال.
