ايماقتار • 24 تامىز، 2019

الماتىنىڭ كريمينوگەندىك كارتاسى ازىرلەندى

154 رەتكورسەتىلدى

وسىعان بايلانىستى الماتىنىڭ شەتكەرى اۋداندارىنىڭ كوشەلەرىن جارىقتاندىرۋ جۇمىستارى قولعا الىنباق. بۇل دەرەكتى بۇگىن الماتى كالاسى اكىمىنىڭ ءباسپاسوز قىزمەتى حابارلادى.  

سونىڭ ىشىندە مۇلدەم جارىقسىز قالعان جەرلەر دە بار. پد-ءنىڭ مالىمەتىنشە، اسا قاۋىپتى 148 كريمينوگەندىك ۋچاسكە انىقتالعان. بۇعان 83 كوشە مەن 65 اۋلادا جارىق جۇيەسىنىڭ بولماۋى سەبەپ. 2019 جىلدىڭ سوڭىنا دەيىن 83-ءتىڭ 22 كوشەسىنە جارىق ورناتىلادى. قالعان 61 مەكەن-جاي بويىنشا ىسكە اسىرۋ مەرزىمى 2021 جىلعا دەيىن دەپ كورسەتىلگەن جسق ازىرلەۋگە ءوتىنىم بەرىلدى.

ەنەرگوتيىمدىلىك جانە ينفراقۇرىلىمدىق دامۋ باسقارماسى اۋلا اۋماقتارىن جارىقتاندىرۋ بويىنشا جۇمىستى باستاپ كەتتى. جوسپار بويىنشا 62 اۋلاعا جارىق جۇيەسى ورناتىلادى.

23 تامىزداعى جاعداي بويىنشا الماتى قالاسى تۇركسىب اۋدانىنىڭ 5 اۋلاسىندا جارىق ورناتۋ جۇمىستارى اياقتالدى. اتاپ ايتقاندا: سەيفۋللين كوشەسى، 74، 57; جۇماباەۆ كوشەسى، 27; فيزكۋلتۋرنايا كوشەسى، 17; وردجونيكيدزە كوشەسى، 136.

قازىر الماتى ءبىر ورنىندا تۇرعان جوق. ول كەڭەيىپ  كەلەدى. بۇگىندە قالانىڭ قۇرامىنا تاعى 27 اۋىلدىق ەلدى مەكەن، بارلىعى 23 مىڭ 200 گەكتار جەر قوسىلدى. شاھارعا ىرگەلەس جاتقان – قاراساي، تالعار جانە ىلە اۋداندارىنىڭ بىرقاتار اۋىلى قالاعا كىردى.

الماتى اكىمىنىڭ تاپسىرماسى بويىنشا، جەرگىلىكتى پوليتسيا كريمينوگەندىك پۋنكتتەردىڭ كارتاسىمەن قوسا پاترۋلدىك كارتانى جاسادى. پاترۋلدىك پوليتسيا قىزمەتكەرلەرى جارىعى جوق كوشەلەر مەن اۋلالاردى باستى نازاردا ۇستايدى.

سونداي-اق باقىتجان ساعىنتاەۆ جەرگىلىكتى پوليتسيا بولىمشەلەرىنىڭ سانىن كوبەيتۋدى تاپسىرعان.

الماتى قالاسى 102 اكىمشىلىك ۋچاسكەگە بولىنگەن، وندا پوليتسيا باسقارماسىنىڭ بالانسىندا 67 ۋچاسكەلىك پوليتسيا بەكەت بار. جايلى قالالىق ورتا باسقارماسىنىڭ قولداۋىمەن 6 ۋچاسكەلىك پوليتسيا پۋنكتىنىڭ قۇرىلىسى اياقتالدى. قازىر وندا ينسپەكتورلار جۇمىس ىستەپ جاتىر. تاعى دا 29 ۋچاسكەلەك پۋنكتكە ارنالعان عيماراتتار قاجەت. قالا اكىمدىگى جالعا الاتىن نىسانداردى قارجىلاندىرادى. قىلمىس كارتاسىن پايدالانا وتىرىپ جاسالعان تالداۋعا سايكەس قالا اۋماعىندا 61 ەڭ كريمينوگەندىك ۋچاسكە انىقتالدى، ولاردىڭ بويىندا پاترۋلدىك مارشرۋتتار جۇرەدى.

تالداۋ قىلمىس ورنى بويىنشا جۇرگىزىلدى. جاياۋ پاترۋلدەر مەن اۆتوەكيپاجداردىڭ پاترۋلدىك باعىتتارى - كوپقاباتتى ۇيلەردىڭ اۋلالارى.

 جالپى العاندا، 81 كوشەگە جارىق جەتىسپەيدى، 16-سى جارتىلاي جارىقتاندىرىلدى.

كوپقاباتتى ۇيلەردىڭ 65 اۋلاسى جارىقتاندىرىلماعان. بارلىق تىزىمدەر الماتى قالاسى اكىمدىگىنىڭ ەنەرگيا تيىمدىلىك باسقارماسىنا جىبەرىلدى.

وسىعان دەيىن «الماتى پوليتسياسى «قاۋىپسىزدىك ۆيزيت كارتاسى» اقپاراتتىق جوباسى ىسكە قوسىلدى. بۇل - جاياۋ پاترۋلدەردىڭ جاڭا فورماتىن تاجىريبەگە ەنگىزەتىن ماتەريالدار توپتاماسى. ازاماتتارعا كەز كەلگەن اۋداندارداعا پاترۋلدىك مارشرۋتتاردىڭ ورنالاسقان جەرى، جاسالعان قىلمىستار، ءپاترۋلدىڭ جەكە قۇرامى، كوشەدەگى جارىقتاندىرۋدى جاقسارتۋ قاجەت جەرلەر تۋرالى اقپاراتتار بەرىلگەن.

 

الماتى

سوڭعى جاڭالىقتار

تويدىڭ سوڭى توپىرلاعان اۋرۋ

ايماقتار • بۇگىن، 10:22

ۇعىنا بىلگەنگە – ۇلت تاعدىرى

ساياسات • بۇگىن، 06:57

كوڭىلگە مەدەت بولعان ماقالا

رۋحانيات • بۇگىن، 06:56

54 ادام جازىلىپ شىقتى

كوروناۆيرۋس • بۇگىن، 06:39

ەل بولىپ ەڭسەرەمىز

ساياسات • بۇگىن، 06:20

بۋمەرانگ

رۋحانيات • بۇگىن، 05:54

قورعاۋشىلارعا دا قولداۋ قاجەت

ايماقتار • بۇگىن، 05:46

تويدىڭ سوڭى توپىرلاعان سىرقات

ايماقتار • بۇگىن، 05:43

اقيرەكتە – ارىستان باب...

تانىم • بۇگىن، 05:33

تەاتردىڭ ونلاين تارتۋى

رۋحانيات • كەشە

ۇقساس جاڭالىقتار