ەلوردا اكىمى التاي كولگىنوۆ وقۋ جىلىنىڭ باسىندا مەكتەپ اشىلۋعا دايىن بولۋى كەرەك دەپ اتاپ ءوتتى.
«وقۋ جىلىنىڭ باستالۋىنا توعىز كۇن قالدى. ءسىزدىڭ جۇمىسىڭىز ءالى دە ورىندالماعان. مەكتەپ اۋلاسى اباتتاندىرىلماعان, سۋ مەن جارىق وتكىزىلمەگەن. جاڭا مەكتەپتەردى ءبىر جىلدان كەيىن كۇردەلى جوندەۋ جۇرگىزۋگە تۋرا كەلمەيتىندەي ەتىپ سالۋ كەرەك. قازىرگى تاڭدا ەسكى مەكتەپتەر جاڭالارى سياقتى جوندەۋدى قاجەت ەتپەيدى. شاتىرعا ەرەكشە كوڭىل ءبولىڭىز. جاڭبىر ماۋسىمى باستالادى. وقۋ ورنىندا بالالار وزدەرىن قاۋىپسىز جانە جايلى سەزىنۋى ءتيىس», - دەدى ا. كولگىنوۆ.
مەكتەپ جاڭا وقۋ جىلى اشىلۋى ءتيىس. مەكەمە 900 ورىنعا ەسەپتەلگەن. ەلوردادا وسى وقۋ جىلىندا 3 جاڭا مەكتەپ پەن 5 قوسىمشا قۇرىلىس اشىلادى. ەلوردا اكىمى وتكەن اپتادا "ميچۋرين"تۇرعىن الابىندا ورنالاسقان مەكتەپكە باردى. اشىلۋ ەكىنشى توقساندا جوسپارلانىپ وتىر.
جيناقى قۇرىلىس بويىنشا كەشەندى جوسپار اياسىندا 5 جىلدىق كەزەڭگە 37 جاڭا مەكتەپ سالۋ جوسپارلانعان. سونداي-اق, ينۆەستورلار ەلوردادا 11 جەكە مەنشىك مەكتەپ سالۋعا مۇددەلى. ينۆەستيتسيا سوماسى 27,6 ملرد تەڭگەنى قۇرايدى.
