ايماقتار • 21 تامىز، 2019

قىڭىر كىسى – ءبىر جاق...

52 رەتكورسەتىلدى

جۇرتشىلىقتىڭ «جاس وركەن» شاعىن اۋدانىندا سالىنىپ جاتقان 900 ورىندى مەكتەپ بيىل پايدالانۋعا بەرىلەدى دەگەن قۋانىشى سۋ سەپكەندەي باسىلىپ قالعان جايى بار.

وعان بولاشاق ءبىلىم ۇيىنە بارار جولداعى ەكى قابات باس­­پا­نادان كوشۋگە ءۇزىلدى-كە­سىلدى قارسىلىق ءبىلدىرىپ، جۇرت­­تا جالعىز شوشايىپ قال­عانداي تىرلىك كەشىپ وتىر­عان روماحيندەر وتباسى سەبەپ بولىپ وتىر. كورشىلەرى تۇگەل كوشىپ كەتكەن. بۇيرەكتەن سيراق شىعارىپ وتىرعان وسىلار عانا. داۋدىڭ باسى وتباسىنىڭ قالالىق اكىمدىك ۇسىنعان وتەم­اقىعا كەلىسپەۋشىلىگىنەن تۋىنداعان. ءبىر قىزىعى، باس­پانا يەلەرى باستاپقىدا ءۇيدىڭ سۇرىلۋىنە كەلىسىمىن بەرىپ، ماسەلە زاڭ تالاپتارى اياسىندا تولىق شەشىلىپتى. ءسويتىپ ءۇش بولمەلى ەكى پاتەردىڭ كىلتى قولدارىنا ۇستاتىلىپتى. ەندى رەسمي قۇجاتتار ادىلەت باسقارماسىندا تىركەۋدەن، ال جەر تەلىمدەرى مەملەكەت مەن­شىگىنە وتكەنىنە قاراماستان، انتتاسقان قۇدايى ۋادەلەرىنەن اينىپ قالسا كەرەك. 4 پاتەر بە­رىلمەسە، شاڭىراقتى بوساتپايمىز، تاعى دا سوتتاسامىز دەسىپ، تىستەسىپ قالعان. وتباسىنىڭ ادۆوكاتى امانگەلدى ابىكەەۆ ءۇيدىڭ جالپى كولەمى 247 شارشى مەتر بولا تۇرا، بار-جوعى 120 شارشى مەترلىك ءۇش بولمەلى ەكى پاتەر ۇسىنىلعانىن، وتەماقى دۇرىس ەسەپتەلمەگەنىن العا تارتادى.

باق وكىلدەرىنە بەرگەن سۇح­باتىندا قالا اكىمىنىڭ ورىنباسارى اسقار حابيبۋللين داۋلى ماسەلەنىڭ نەدەن ۋشىققانىن ءتۇسىندىرىپ بەردى. ونىڭ ايتۋىنشا، ەكى قاباتتى ءۇي 16 ميلليون 800 مىڭ تەڭگەگە باعالانىپ، ءتيىستى قۇجاتتارعا قول قويىلعان. وتباسى ءۇشىن ساتىپ الىنعان قوس پاتەردىڭ قۇنى 26 ميلليون تەڭگەنى قۇرايدى. روماحيندەر ۇستىڭگى قاباتتا تۇرعان، ياعني 88 شارشى مەتر الاڭدى عانا پاي­دالانعان. استىڭعى قاباتتا گاراج، باسقا دا شارۋاشىلىق زاتتارىن ساقتايتىن ورىندار ورنالاسقان. ولار ءۇشىن وتەماقى تولەنبەيتىنىن ەسكەرگىلەرى كەل­مەيدى. مۇنىڭ الدىندا سوت بۇل وتباسىنىڭ تالاپ-ارىزىن قاراۋدان باس تارتقان بولا­تىن. «جىعىلعان كۇرەسكە توي­مايدىنىڭ» كەرىمەن تاعى دا شاعىم تۇسىرگەن.

اساي-مۇسەيىن اسىنىپ، باس­پا­نانى بۇزۋعا كەلگەن مەردى­گەرلىك كومپانيا ماماندارىن ۇلارداي شۋلاپ، قارسى العان وتباسى مۇشەلەرى كەرى كەتۋگە ءماج­بۇر ەتتى. ءۇيدى سۇرۋگە كەل­گەن­دەردىڭ ەلەكتر توگىن اجى­راتۋعا عانا شاماسى جەتتى.

«قىرىق كىسى – ءبىر جاق، قى­ڭىر كىسى – ءبىر جاق» دەمەكشى، ەل ءىشىن الاتايداي بۇلدىرگەن ءبىر وتباسىنىڭ كەسىرىنەن وقۋشىلار اسىعا كۇتىپ وتىرعان ءبىلىم وشا­عىنىڭ قۇرىلىسى سوزىلىپ كەتە­تىن ءتارىزدى.

 

پەتروپاۆل

 

سوڭعى جاڭالىقتار

تويدىڭ سوڭى توپىرلاعان اۋرۋ

ايماقتار • بۇگىن، 10:22

ۇعىنا بىلگەنگە – ۇلت تاعدىرى

ساياسات • بۇگىن، 06:57

كوڭىلگە مەدەت بولعان ماقالا

رۋحانيات • بۇگىن، 06:56

54 ادام جازىلىپ شىقتى

كوروناۆيرۋس • بۇگىن، 06:39

ەل بولىپ ەڭسەرەمىز

ساياسات • بۇگىن، 06:20

بۋمەرانگ

رۋحانيات • بۇگىن، 05:54

قورعاۋشىلارعا دا قولداۋ قاجەت

ايماقتار • بۇگىن، 05:46

تويدىڭ سوڭى توپىرلاعان سىرقات

ايماقتار • بۇگىن، 05:43

اقيرەكتە – ارىستان باب...

تانىم • بۇگىن، 05:33

تەاتردىڭ ونلاين تارتۋى

رۋحانيات • كەشە

ۇقساس جاڭالىقتار