ايماقتار • 21 تامىز، 2019

اعىبايدىڭ بەيىتىنە بەلگى قويىلدى

69 رەتكورسەتىلدى

قاراعاندى وبلىسىنداعى شەت اۋدانىندا «رۋحاني جاڭعىرۋ» باعدارلاماسى بويىنشا ءتول تاريحىمىزدا ايشىقتى ءىز قالدىرعان باتىر بابالارىمىزدىڭ، اقىن-جىراۋلارىمىزدىڭ ەسىمىن جاڭعىرتۋ بو­يىنشا جۇمىستار جۇيەلى تۇردە جۇرگىزىلىپ كەلەدى.

تاياۋدا پاتشالىق رە­سەي­­دىڭ وتارلاۋ ساياسا­تىنا قارسى كۇرەسكەن كە­نەسارى حاننىڭ قول باس­تاعان باتىرى اعىباي قوڭى­ر­باي ۇلىنىڭ كەسەنەسىنە ەس­كەرتكىش بەلگى قويىلدى. بيىكتىگى 2 مەتر، ەنى 70 سم بولاتىن قارا گرانيت تاسقا «قازاقستان رەسپۋبليكاسى. اقجولتاي اعىباي باتىر قوڭىرباي ۇلى. 1802-1885. حاننىڭ بارلىعى ابىلاي ەمەس، باتىردىڭ بارلىعى اعى­باي ەمەس. حالىق ءسوزى. ەسكەرتكىش مەملەكەت قور­­عاۋىندا» دەگەن سوزدەر لاتىن ارىپتەرىمەن قاشاپ جازىلعان.

شەت اۋدانىنىڭ اكىمى مارات جانداۋلەتوۆتىڭ ايتۋىنشا، باتىرعا بەلگىتاس وبلىس باسشىسى ەرلان قوشانوۆتىڭ تاپسىرماسى بويىنشا قويىلىپتى.

– اۋدانىمىزدا ۇلى­لار ەسىمىن ۇلىقتاۋ، تاريحي مۇرالارىمىزدى وس­كەلەڭ ۇرپاق ساناسىندا جاڭعىرتۋ سىندى تا­عى­لىمى مول ىستەرگە ەرەك­شە كوڭىل بولىنەدى. مى­سالى، بىلتىر اۋدان ور­تالىعىندا دەربىسالى با­تىر ايدابول ۇلىنا ەس­كەرتكىش بيۋست ورناتىلدى. ال بيىل شورتانباي جىراۋ قاناي ۇلى اتىنداعى ساياباق اباتتاندىرىلىپ، اۋداندىق مۇراجاي ىشى­نەن زار زامان اقىنىنا ار­نالعان ارنايى بولمە اشىلىپ، مازارىنىڭ باسىنا كۇم­بەزدى بەلگى قويىلدى. سون­داي-اق اتاقتى باتىر جي­دەباي قوجانازار ۇلى اتىنداعى ساياباق تا رەتكە كەلتىرىلىپ، مازارىنىڭ اي­نالاسىنا حالىقتىڭ سۇ­راۋى بويىنشا كۇن كوزىنەن قۋات الاتىن كوشە شامدارى ورناتىلدى، – دەيدى اۋدان اكىمى.

ەسكە سالساق، اعىباي با­­تىردىڭ كەسەنەسى كيىكتى اۋىلىنان 60 شاقىرىم جەر­دە، تاياتقان-شۇناق تا­ۋىنىڭ ماڭىندا ور­نالاسقان. ءحىح عاسىر­دىڭ ساۋ­­لەت ونە­رى ەسكەرت­كىش­تە­رى­­نىڭ بىرى­نەن سانالاتىن جا­ل­­عىز بولمەلى، كۇمبەزدى كەسە­نەنىڭ ىشىن­دە 12 ادام جەر­لەنگەن. با­تىردىڭ قا­بىرى بەيىت تۇك­پىرىندەگى سول­تۇس­­تىك-باتىس جاقتاعى بۇ­رىش­­تا ەكىنشى بولىپ جاتىر.

قازىرگى تاڭدا اعىباي قوڭىرباي ۇلى كەسەنەسىنىڭ باسىندا شىراقشى وتىرادى. اقجولتاي باتىردى اۋليە تۇتىپ، ونىڭ رۋحىنا تاعزىم ەتىپ، مازارىنا باراتىنداردىڭ قاراسى دا جىلدان-جىلعا مولايىپ كەلەدى.

 

قاراعاندى وبلىسى

 

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار