وقىتۋ بارلىق باعىتتار بويىنشا ءبىر ۋاقىتتا باستالدى. بۇل 96 مەكتەپ مۇعالىمدەرى, 47 كوللەدج وقىتۋشىلارى جانە 29 جوعارى وقۋ ورنىنىڭ وقىتۋشىلارىن قامتيدى. مۇعالىمدەرمەن جۇمىس ىستەۋگە بەلسەندى كاسىپكەرلەر, بيزنەس-جاتتىقتىرۋشىلار, تالىمگەرلەر تارتىلدى. وقۋ تەك كۋرستارمەن شەكتەلمەيدى. وقۋشىلار مەن وقىتۋشىلار atameken.com ونلاين پلاتفورماسىندا قوسىمشا ءبىلىم الا الادى.
وقىتۋشىلاردى دايارلاۋ 2019 جىلدىڭ 1 قىركۇيەگىنەن باستاپ 10-سىنىپ وقۋشىلارىنىڭ ساباق كەستەسىنە جاڭا «كاسىپكەرلىك جانە بيزنەس نەگىزدەرى» ەلەكتيۆتى ءپانىن ەنگىزۋ اياسىندا جۇزەگە اسىرىلادى. سونىمەن قاتار كاسىپكەرلىك نەگىزدەرىن مەملەكەتتىك كوللەدجدەر مەن جوعارى وقۋ ورنىنىڭ جوعارعى كۋرس ستۋدەنتتەرى وقيتىن بولادى. جوبا «اتامەكەن» ۇلتتىق كاسىپكەرلەر پالاتاسىنىڭ باستاماسىمەن جانە ءبىلىم جانە عىلىم مينيسترلىگىنىڭ قولداۋىمەن جۇزەگە اسىرىلدى. جوبانىڭ ماقساتى – وسكەلەڭ ۇرپاق اراسىندا ىسكەرلىك ويلاۋدى قالىپتاستىرۋ, سونىمەن قاتار جاپپاي كاسىپكەرلىك يدەيالارىن كەڭىنەن تانىتۋ.
«كاسىپكەرلىك نەگىزدەرى» ءپانى – قازاقستانداعى كاسىپكەرلىك ساۋاتتىلىق دەڭگەيىن ارتتىرۋعا مۇمكىندىك بەرەتىن جۇيە. ءپان اپتاسىنا 2 رەت وقىتىلادى. جىلىنا – بارلىعى 68 ساباق. ونىڭ 30%-ى – تەوريا, 70%-ى – پراكتيكا. باعدارلاما تەوريالىق زەرتتەۋلەردەن, ويىن تۇرىندەگى پراكتيكالىق ساباقتاردان, بيزنەس جاعدايلارىن تالداۋدان جانە بيزنەس ويىنداردان تۇرادى. مۇعالىمدەر ءۇشىن سەمينارلار ۇيىمداستىرىلادى. بيزنەس-ترەنەرلەر مۇعالىمدەردى «كاسىپكەرلىك نەگىزدەرى» كۋرسىمەن تولىق تانىستىرادى.
«قازىر جاس ۇرپاققا كاسىپكەرلىك جانە قارجىلىق مەنەدجمەنت تۋرالى ءبىلىم قاجەت. باسقا ەشقانداي ءپان وقۋشىلار مەن ستۋدەنتتەردىڭ كاسىپكەرلىك نەگىزدەرى تۋرالى ويىن قالىپتاستىرا المايدى. وتكەن جىلى جاڭا ءپان قاناتقاقتى رەجىمدە ەلىمىزدىڭ ون جەتى مەكتەبىندە وقىتىلعان بولاتىن. اقتوبەدە اپروباتسيا №20 مەكتەپ-ليتسەيدە ءوتتى», دەدى كاسىپكەرلەر پالاتاسىنىڭ ديرەكتورى انار دارجانوۆا.
اقتوبە
