قازىر مەديتسينالىق ساقتاندىرۋ قورىندا 197 ملرد تەڭگەدەن استام قارجى جيناقتالعان. ونىڭ 9،5 ملرد تەڭگەسى وتكەن شىلدە ايىندا ءتۇسىپتى. قورعا اۋدارىلعان جارنالاردىڭ 95،5 پايىزىن جۇمىس بەرۋشىلەر اۋدارعان. وزگەسى جەكە كاسىپكەرلەر مەن ازاماتتار اۋدارعان اقشا بولسا كەرەك. جارنا اۋدارۋ جاعىنان الماتى، نۇر-سۇلتان قالالارى مەن قاراعاندى وبلىسى كوش باستاپ تۇر.

دەنساۋلىق ساقتاۋ مينيسترلىگىنىڭ دەرەكتەرىنە سۇيەنسەك، 2020-2022 جىل­دارعا ارنالعان بيۋدجەت جوباسىندا 2020 جىلى مەديتسينالىق كومەككە جۇمسالاتىن قارجى 1 ترلن 620 ملرد تەڭگە دەپ بەلگىلەنگەن. بۇل بيىلعى شىعىنداردان 67%-عا كوپ. اتالعان قارجىنىڭ 967،7 ملرد تەڭگەسى تەگىن مەديتسينالىق كومەككە، 652،8 ملرد تەڭگەسى – ساقتاندىرۋ پاكەتى بويىنشا كورسەتىلەتىن قىزمەتتەرگە جۇمسالادى.

تۇرعىندار دەنساۋلىعىن ساقتاۋ­داعى ماڭىزدى سالانىڭ ءبىرى – باس­تاپقى مەديتسينالىق-سانيتارلىق كو­مەك، ياعني ازاماتتار قارالاتىن ەمحا­نالار. سوندىقتان وسى سالاعا باسىمدىق بەرىلەدى. قازىرگى تاڭدا ەلىمىزدەگى، سونىڭ ىشىندە نۇر-سۇل­تان قالاسىنداعى ەمحانالار مەن كلينيكالار مەديتسينالىق ساقتان­دىرۋ قورىمەن كەلىسىمشارتقا وتىرۋعا ىنتالى بولىپ وتىر. ءسويتىپ، ولار مەملەكەتتىك تاپسىرىس اياسىندا مەدي­تسينالىق قىزمەت كورسەتپەك.

«باستاپقى مەديتسينالىق كومەك­تىڭ ساپاسى مەن قولجەتىمدىلىگىن قام­­تا­ماسىز ەتۋ ماقساتىندا نۇر-سۇل­تان قالاسىندا ەمحانالاردىڭ جۇك­­تەمەلەرىن ازايتۋعا باعىتتالعان ءىس-شارالاردىڭ كارتوگرافياسى جا­سالدى. ناتيجەسىندە، 2019 جىل­دىڭ سوڭىنا دەيىن قالا ماڭىندا تۇ­راتىن 100 مىڭنان استام تۇر­عىن ءوزى تۇراتىن ۇيدەن 20 مەتر قا­شىقتىقتا ورنالاسقان ەمحانا­لارمەن قامتاماسىز ەتىلەدى. بۇعان جەكە­مەنشىك ينۆەستورلاردىڭ كومەگىمەن جاڭا ەمحانالار، دارىگەرلىك امبۋلا­توريالار اشۋ ارقىلى قول جەتكىزۋگە بولادى. بولاشاقتا ەمحانا قىزمەتى – مەديتسينا سالاسىنىڭ با­سە­كە­لەس­تىك الاڭىنا اينالارى ءسوز­سىز. ال باسەكەلەستىك بار جەردە، كەز كەل­گەن قىزمەتتىڭ ساپاسى ارتادى، – دەيدى «الەۋمەتتىك مەديتسينالىق ساقتاندىرۋ قورى» كەاق نۇر-سۇل­تان قالاسى بويىنشا فيليالىنىڭ ديرەكتورى نۇرلىبەك قابدى­قاپاروۆ.

ايتا كەتەيىك، مەديتسينالىق ساق­تان­دىرۋ قورىنىڭ نۇر-سۇلتان قالاسى بويىنشا فيليالىمەن كەلىسىمشارتقا وتىرىپ، تاپسىرىس الىپ جاتقان، سو­نىڭ ىشىندە ەمحانا قىزمەتىنە قى­زى­عۋشىلىق تانىتىپ وتىرعان جە­كە­مەنشىك كلينيكالار سانى ار­تىپ كەلەدى. بيىل ەلوردالىقتارعا مەم­لەكەتتىك تاپسىرىس اياسىندا مەدي­تسينالىق قىزمەت كورسەتۋ ءۇشىن قورمەن كەلىسىمشارت بەكىتكەن 95 مەديتسينالىق ۇيىمنىڭ 60-ى – جەكەمەنشىك.

مىندەتتى الەۋمەتتىك مەديتسينالىق ساقتاندىرۋ ەنگىزۋ شەڭبەرىندە مە­ديتسينالىق قىزمەتتەردىڭ قولجە­تىمدىلىگى كەڭەيەدى، جەكەمەنشىك كلينيكالاردى تارتۋ ارقىلى باسەكەلەستىك ناتيجەسىندە، حالىققا كورسەتىلەتىن مەديتسينالىق قىزمەت ساپاسى ارتادى.

بۇگىننىڭ وزىندە ەلوردامىزداعى ەمحانالار «استانا – ادالدىق الاڭى» جوباسى اياسىندا دارىگەرلەردىڭ قابىل­داۋىنا سمارت-قوسىمشا نەمەسە بىر­ىڭعاي call-ورتالىقتىڭ 109 ءنومىرى ارقىلى الدىن الا جازىلۋ ارقىلى «كەزەكسىز» جۇمىس رەجىمىنە كوشتى. ال ەمحانا نەمەسە تىكەلەي دارىگەر تۋ­رالى تىلەكتەر مەن پىكىرلەردى Smart اstana ءموبيلدى قوسىمشاسى ارقى­لى قالدىرۋعا بولادى. ول ءۇشىن ۇيالى تەلەفونعا ارنايى QR-كودتى سكا­نەر­لەۋ جەتكىلىكتى. اقپاراتتىق كيوسك پەن سمارت-قوسىمشاداعى بار­لىق اقپارات، سونىڭ ىشىندە شاعىم­دار، دارىگەرلەردىڭ جۇمىسىن باعا­لاۋ قوعامدىق دەنساۋلىق ساق­تاۋ باسقارماسىنىڭ احۋالدىق ورتا­لى­عىندا جينالادى، بۇل كورسەتىلەتىن مەديتسينالىق كومەك دەڭگەيىن تالداۋعا جانە ساپانى جاقسارتۋ ءۇشىن شارالار قابىلداۋعا مۇمكىندىك بەرەدى.

ءبىز سوزبەن ايتقاندا، ەلىمىزدەگى، ەلوردامىزداعى ەمدەۋ مەكەمەلەرى مەديتسينالىق ساقتاندىرۋ جۇيەسى بويىنشا جۇمىس جۇرگىزۋگە جۇمىل­دىرىلۋدا. مەديتسينا عىلىمدارىنىڭ دوكتورى، پروفەسسور ەربولات دا­لە­نوۆتىڭ ايتۋىنا قاراعاندا، مەدي­تسينالىق ساقتاندىرۋ جۇيەسىمەن ەلى­مىزدىڭ دەنساۋلىق ساقتاۋ سالا­سىن­داعى قوردالانعان ماسەلەلەر شە­شىلەدى. «بىرىنشىدەن، جۇيەنىڭ قار­جىلىق-ەكونوميكالىق نەگىزى قالىپ­تاسقان. ەكىنشىدەن، دەنساۋلىق ساقتاۋ سالاسىن تسيفرلاندىرۋ با­رى­سىندا مەديتسينالىق قىزمەت كور­سەتۋ جۇكتەمەلەرى جەڭىلدەپ، ۋاقىت ۇتىمدى پايدالانىلادى. ۇشىن­شىدەن، ناۋقاس پەن دارىگەر اراسىندا ديففەرەنتسيالدىق قارىم-قاتىناس ورنايدى. مەديتسينالىق ساقتاندىرۋ – حالىقتىڭ دەنساۋلىعىن قورعاۋ جۇيەسى. دامىعان ەلدەردىڭ كوپشىلىگىندە دەنساۋلىق ساقتاۋ سالاسىندا وسى جۇيە قولدانىلادى. مەملەكەت بۇل ماسەلەدە قاراپايىم حالىققا قولايلى جاعدايلار قاراستىرىپ، ۇتىمدى جانە جاقسى مۇمكىندىكتەر جاساپ وتىر. دەسەك تە، ءار ادام دەنساۋلىعى ءۇشىن ءوزى جاۋاپتى»، دەيدى دارىگەر. سونىمەن قاتار ول ءار ازاماتتىڭ ءوز دەنساۋلىعىن كۇتۋى قاجەت ەكەنىن ايتادى. دامىعان ەلدەردە ازاماتتار ءوز دەنساۋلىعىنا قاتىستى اقپاراتتاردان مولىنان حاباردار بولادى. ءسويتىپ دەنساۋلىق ساقتاۋ مادەنيەتى قالىپتاسقان. قا­زاق­ستان ازاماتتارىنىڭ اراسىندا مۇنداي ۇعىم تولىق قالىپتاسا قويعان جوق. ال مەديتسينالىق ساقتاندىرۋ جۇيەسى مەديتسينالىق مەكەمەلەردىڭ قولجەتىمدىلىگىن ارتتىرىپ، سالا­داعى باسەكەلەستىكتى كۇشەيتىپ قانا قويمايدى، سونىمەن قاتار ول ازامات­تاردىڭ دەنساۋلىق ماسەلەسىنە نەم­قۇرايدى قاراماۋ داعدىسىن قالىپ­تاستىرۋعا سەپتىگىن تيگىزبەك.

جانارگۇل ۇمبەتوۆا،
«الەۋمەتتىك مەديتسينالىق ساقتاندىرۋ قورى» كەاق
نۇر-سۇلتان قالاسى بويىنشا فيليالىنىڭ اقپارات­تاندىرۋ ءبولىمىنىڭ باس ساراپشىسى