ۇكىمەت • 20 تامىز، 2019

ا. مامين اقش مەمحاتشىسىنىڭ ورىنباسارى د. حەيلمەن ساۋدا-ەكونوميكالىق ماسەلەلەردى تالقىلادى

52 رەت كورسەتىلدى

پرەمەر-مينيستر اسقار مامين نۇر-سۇلتان قالاسىنا ورتالىق ازيا مەن اقش ەلدەرى اراسىنداعى ديالوگتى دامىتۋ جونىندەگى «س5+1» وتىرىسىنا قاتىسۋعا رەسمي ساپارمەن كەلگەن اقش مەملەكەتتىك حاتشىسىنىڭ ساياسي ماسەلەلەر جونىندەگى ورىنباسارى دەۆيد حەيلمەن كەلىسسوزدەر وتكىزدى. بۇل تۋرالى primeminister.kz حابارلادى. 

تاراپتار 2018 جىلى اقش-قا رەسمي ساپار اياسىندا قر تۇڭعىش پرەزيدەنتى – ەلباسى نۇرسۇلتان نازارباەۆ پەن اقش پرەزيدەنتى دونالد ترامپ اراسىندا قول جەتكىزىلگەن ۋاعدالاستىقتاردى ىسكە اسىرۋدىڭ ماڭىزدىلىعىن اتاپ ءوتتى.  

كەلىسسوزدەر بارىسىندا ەكىجاقتى ساۋدا-ەكونوميكالىق جانە ينۆەستيتسيالىق ىنتىماقتاستىقتى دامىتۋدىڭ وزەكتى ماسەلەلەرى تالقىلاندى. اقش — قازاقستان ەكونوميكاسىنىڭ ءىرى ينۆەستورلارىنىڭ ءبىرى. 2005 جىلدان 2018 جىل ارالىعىندا اقش-تان قازاقستانعا تىكەلەي ينۆەستيتسيالاردىڭ جالپى اعىنى $40 ملرد قۇرادى. وتكەن جىلدىڭ قورىتىندىسى بويىنشا قر-عا امەريكالىق ينۆەستيتسيالار جاڭا رەكورد ورناتىپ، $5،3 ملرد قۇرادى. بيىلعى قاڭتار–ماۋسىم ارالىعىندا ەكى ەل اراسىنداعى تاۋار اينالىمى $1،1 ملرد قۇرادى، بۇل وتكەن جىلدىڭ سايكەس كەزەڭىندەگى كورسەتكىشتەن 31،8% جوعارى. 

دەۆيد حەيل قازاقستاننىڭ اقش ينۆەستورلارى ءۇشىن تارتىمدىلىعىن اتاپ ءوتتى.

«بىزدە ەكونوميكالىق قاتىناستاردى دامىتۋدىڭ ۇلكەن الەۋەتى بار»، — دەپ اسقار مامين، ەلدەردىڭ ەنەرگەتيكا، اۋىل شارۋاشىلىعى، دەنساۋلىق ساقتاۋ، اقپاراتتىق تەحنولوگيالار، لوگيستيكا، تۋريزم، اۆياعارىش ونەركاسىبى سالالارىندا ءوزارا ءتيىمدى ىنتىماقتاستىقتى تەرەڭدەتە ءتۇسۋدىڭ پەرسپەكتيۆالارىن اتاپ ءوتتى. — ءسىزدىڭ ەلىمىزگە رەسمي ساپارىڭىز ەلدەردىڭ ءوزارا ءىس-قيمىلىن نىعايتۋعا ەلەۋلى سەرپىن بەرەرىنە سەنىمدىمىن».  

سوڭعى جاڭالىقتار

اقجايناق استانا

ەلوردا • كەشە

ديماش پەن دجەكسون

ونەر • كەشە

ۇقساس جاڭالىقتار