ەكونوميكا • 20 تامىز، 2019

تاراتۋ ورتالىقتارىنىڭ بىرىڭعاي پۋلىن قۇرۋ ازىق-ت ۇلىك باعاسىنىڭ تۇراقتىلىعىن قامتاماسىز ەتەدى - ب. سۇلتانوۆ

40 رەت كورسەتىلدى

قر ۇكىمەتىندەگى ءباسپاسوز كونفەرەنتسياسىندا ساۋدا جانە ينتەگراتسيا ءمينيسترى باقىت سۇلتانوۆ قازاقستان رەسەيگە ءارى قاراي تاۋارلاردى ەكسپورتتاۋ ءۇشىن ورتالىق ازياداعى كورشىلەرىمەن بىرگە تاراتۋ ورتالىقتارى نەگىزىندە تاۋار وندىرۋشىلەردىڭ بىرىڭعاي پۋلىن قۇرۋدى جوسپارلاپ وتىرعانىن ايتتى. بۇل تۋرالى primeminister.kz حابارلادى.  

ب. سۇلتانوۆ اتاپ وتكەندەي، ازىق-ت ۇلىك باعاسىنىڭ ءوسۋ قاۋپىن ازايتۋ ماقساتىندا باسقا ەلدەرمەن تاۋارلار قوزعالىسىنداعى كەدەرگىلەردى ازايتۋ جانە سول ارقىلى ساۋداعا جاردەمدەسۋ ماسەلەلەرى بويىنشا ەكىجاقتى ءوزارا ءىس-قيمىل جۇمىستارى جۇرگىزىلەتىن بولادى. مينيستر تۇتىنۋشىلار ءۇشىن تاۋارلاردىڭ تۇپكىلىكتى قۇنىنا تاسىمالداۋ شىعىندارى دا اسەر ەتەتىندىگىن اتاپ ءوتتى.

ء«بىز، مىسالى، قىزىل شيە تۋرالى ونىڭ قازاقستاننىڭ وڭتۇستىگىنەن جانە ورتالىق ازيا ەلدەرىنەن كەلەتىنىن ايتامىز. بۇل جەردە شەكارادا كوپتەگەن ماسەلەلەر تۋىندايدى. 150-200 كولىك شەكارادا تۇراتىنىن بىلەسىز. ماسەلەن، ءجۇزىم سالىنعان توڭازىتقىش كامەرالار كەلە جاتقاندا، جانە كەدەن قىزمەتكەرلەرى ونى اشقاندا، وتتەگىنىڭ ەنۋىنىڭ ءوزى 20% جوعالتادى دەيىك. وعان قوسا، ول ء(وندىرۋشى) نۇر-سۇلتان قالاسىنىڭ نارىعىنا كەلىپ، ديستريبيۋتوردى نەمەسە ساتىپ الۋشىنى تابۋعا تىرىسادى، وسى ارالىقتا تاعى 20% جوعالادى. جەلىلەردىڭ جەتىلمەگەندىگى – تاعى 20%. ءجۇزىم سوڭعى تۇتىنۋشىعا جەتكەنشە، ول بوساپ قالادى»، — دەدى مينيستر.

قازىرگى ۋاقىتتا جاڭا مينيسترلىك وندىرۋشىلەردىڭ ناقتى پۋلىن قۇرۋ ماقساتىندا ورتالىق ازياداعى ارىپتەستەرىمەن كەلىسسوزدەر جۇرگىزىپ جاتىر. ب. سۇلتانوۆتىڭ ايتۋىنشا، مۇندا قازاقستاندىق وندىرۋشىلەر دە، كورشىلەرىمىز دە پايدا كورەدى.

«سوندىقتان شەكاراداعى بارلىق كەدەرگىنى الىپ تاستاۋعا مۇمكىندىك بەرەتىن بىرىڭعاي ديستريبۋتسيا جۇيەسى قۇرىلادى. بىرىڭعاي جۇيەنىڭ ارقاسىندا ءبىز باعا تۇراقتىلىعىن جانە قازاقستان نارىعىنا ءونىمدى ساپالى جەتكىزۋدى قامتاماسىز ەتە الامىز. وسىلايشا، ءبىز باعانىڭ ۇزاق مەرزىمدى اۋىتقۋىن ازايتامىز»، — دەدى ب. سۇلتانوۆ.

سونىمەن قاتار ول ۇزاق مەرزىمدى سيپاتتاعى شارالار تۋرالى ايتتى. بۇعان ساۋدا جەلىلەرى ءۇشىن كوتەرمە-تاراتۋ ساۋدا ورتالىقتارىن قۇرۋ جاتادى.

«كوتەرمە-تاراتۋ ساتۋ ورتالىقتارى تۋرالى ايتاتىن بولساق، بۇل - جەتىسپەيتىن ينفراقۇرىلىم ەلەمەنتتەرىنىڭ ءبىرى. ولار ءونىمدى جەتكىزۋ لوگيستيكاسىن، ولاردى ساقتاۋ جانە ءۇي ماڭىنداعى دۇكەندەرگە تاراتۋ شارالارىن پىسىقتاۋ ءۇشىن قاجەت. بىزدە بۇل جاعى رەتكە كەلتىرىلمەگەن، بۇگىندە ءبارى ديستريبيۋتورلارعا بايلانىستىرىلعان. ديستريبيۋتور ءبىر جەردەن ساتىپ الادى، ءوزى اكەلەدى جانە تاراتادى، ولار باعانى ءبىزدىڭ جەلىلەرىمىزگە جانە دۇكەندەرگە بەلگىلەيدى جانە ءبىر-بىرىمەن باسەكەلەسپەيدى. سوندىقتان ءبىز ايقىن جۇيەنى قۇرعىمىز كەلەدى»، — دەدى مينيستر.

قازىرگى تاڭدا قازاقستاندا ءتورت وڭىردە — جامبىل، پاۆلودار، باتىس قازاقستان جانە شىعىس قازاقستان وبلىستارىندا كوتەرمە-تاراتۋ ساۋدا ورتالىقتارىن سالۋ جۇمىستارى جۇرگىزىلىپ جاتىر. ماڭعىستاۋ وبلىسىندا كوتەرمە-تاراتۋ ساتۋ ورتالىعىنىڭ قۇرىلىسى 2020 جىلعا جوسپارلانعان. الداعى ۋاقىتتا ءۇش وڭىردە — اقتوبە، الماتى جانە سەمەي قالالارىندا تاراتۋ ورتالىقتارىن سالۋ كوزدەلگەن.

«بۇگىندە ءۇش ءوڭىر كوتەرمە-تاراتۋ ساۋدا ورتالىقتارىن سالۋمەن اينالىسۋدا. ينۆەستورلار مەن جەر تەلىمدەرى انىقتالدى. ءبىز ءوز تاراپىمىزدان وسى نىسانداردى قارجىلاندىرۋعا مەملەكەتتىك قولداۋ كورسەتەمىز»، — دەدى مينيستر.

سونىمەن قاتار ب. سۇلتانوۆ جاڭادان قۇرىلعان ساۋدا جانە ينتەگراتسيا مينيسترلىگىنىڭ فۋنكتسيالارىنا باعانىڭ تۇراقتىلىعى مەن ءونىم ساپاسى ماسەلەلەرىن قاداعالاۋ كىرەتىنىن اتاپ ءوتتى.

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

دارىگەر-جازۋشىلار

ادەبيەت • بۇگىن، 08:34

زاڭسىز سالىنعان ءۇي ءسۇرىلدى

ايماقتار • بۇگىن، 08:30

جالعان شوت-فاكتۋرا جارعا جىقتى...

ايماقتار • بۇگىن، 08:27

قىمبات وپەراتسيانى تەگىن جاسادى

مەديتسينا • بۇگىن، 08:22

ۇقساس جاڭالىقتار