ەكونوميكا • 20 تامىز، 2019

جاڭا شارالار ازىق-ت ۇلىك تاۋارلارىنىڭ باعاسىن باقىلاۋعا مۇمكىندىك بەرەدى - ۇەم

33 رەت كورسەتىلدى

بۇگىن قر ۇكىمەتىنىڭ وتىرىسى بويىنشا وتكەن ءباسپاسوز كونفەرەنتسياسىندا ۇلتتىق ەكونوميكا ءمينيسترى ر. دالەنوۆ ازىق-ت ۇلىك تاۋارلارىنا باعانىڭ ماۋسىمدىق كوتەرىلۋىنە جول بەرمەۋ بويىنشا قابىلدانعان ءىس-شارالار تۋرالى ايتىپ بەردى. بۇل تۋرالى primeminister.kz حابارلادى.  

مينيستر بارلىق وڭىردە الەۋمەتتىك ماڭىزى بار تاۋارلارعا باعانىڭ ينفلياتسيادان وزىق ەكەنىن جەتكىزدى. بۇل تاۋارلارعا باعانىڭ ءوسۋى 7،2%-دان 15،1% ارالىعىندا. ەڭ جوعارعى ءوسۋ نۇر-سۇلتان (15،1%)، جەزقازعان (11،8%)، تالدىقورعان (10،4%)، اقتوبە (9،9%)  اتىراۋ (9،8%) قالالارىندا بايقالادى.

سونىمەن قوسا، ماۋسىمدى ەسكەرۋمەن جىل سوڭىنا قاراي ينفلياتسيانىڭ بەلگىلى ءبىر ءوسىمى بايقالادى.

ء«بىزدىڭ مىندەتىمىز –  ينفلياتسيانى 4-6% دالىزىندە ساقتاۋ. بيىل جالپى ينفلياتسيا بەتالىسى ءبىرشاما تومەن. ينفلياتسيانىڭ جىلدىق ءمانى شىلدە ايىنىڭ قورىتىندىسى بويىنشا 5،4% قۇرادى. جىل سوڭىنا دەيىن ءبىز باعانىڭ وتكەن جىلداعىداي وسۋىنە جول بەرمەۋ ءۇشىن بارلىق شارانى قابىلدايتىن بولامىز» دەدى ر. دالەنوۆ. 

ونىڭ ايتۋىنشا، جەرگىلىكتى اتقارۋشى ورگاندار وسى باعىتتا جۇمىس ىستەۋ ءۇشىن بارىنشا جۇمىلدىرىلعان جانە بارلىق قۇرالدار قولدانىلادى. بۇل — ساۋدا ەرەجەسىنە ەنگىزىلگەن جاڭا وزگەرىستەر، تۇرعىندارعا ازىق-ت ۇلىك ونىمدەرىن، جەمىس-كوكونىس ونىمدەرىن ءوندىرۋشى باعاسىنا جاقىن باعامەن، بارىنشا از شىعىنمەن ساتۋعا مۇمكىندىك بەرەتىن كوتەرمە-تاراتۋ ورتالىقتارىن سالۋ. سونىمەن قاتار تۇراقتاندىرۋ قورلارىنىڭ جۇمىس راسىمدەرى جەڭىلدەتىلدى. باعاعا مونيتورينگ جۇرگىزۋ جانە باعانى قۇرۋدا دەلدالدىق وپەراتسيالار مەن كەلىسۋدى انىقتاۋدىڭ قۇرالدارى بار. ماسەلەن، جىل باسىنان بەرى تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتى 11 سۋبەكتىگە قاتىستى نان، ءسۇت ونىمدەرى، قانت، ەت، قۇس ەتى نارىعىندا جەتى زەرتتەۋ جۇرگىزدى. 4 سۋبەكتى اكىمشىلىك جاۋاپكەرشىلىككە تارتىلىپ، ولارعا 4 ملن تەڭگەگە جۋىق سوما ايىپپۇل سالىندى، 6 ملن تەڭگە كولەمىندەگى مونوپوليالىق تابىس الىندى. قالعان سۋبەكتىلەر بويىنشا ىستەر اكىمشىلىك سوتتىڭ قاراۋىندا جاتىر. 

«جۇمىستاردى جۇرگىزىپ جاتىرمىز، باعالار بۇرمالانۋىنا ۇنەمى مونيتورينگ جاسايمىز. قاجەت بولعان جاعدايدا جانە شاعىم تۇسسە، ءبىز زاڭناماعا سايكەس شارا قابىلداۋ ءۇشىن تەكسەرۋگە شىعامىز» دەدى مينيستر.

سونىمەن قاتار ر. دالەنوۆ ساۋدا جەلىلەرىندە ۇستەمە باعا بويىنشا شەكتەۋ قويىلاتىنىن اتاپ ايتتى. بۇل 19 پوزيتسيا بويىنشا الەۋمەتتىك ماڭىزى بار تاۋارلارعا عانا قاتىستى. ولار بويىنشا  ساۋدا جەلىلەرىندە ۇستەمە باعا 15%-دان اسپاۋى ءتيىس. زاڭنامالىق وزگەرىستەر قابىلدانعان.

«بۇل رەتتە سورەلەر بوس قالا ما دەگەن ۇرەي تۋىندايدى. وعان جول بەرمەۋ ءۇشىن الەۋمەتتىك-كاسىپكەرلىك كورپوراتسيالارعا ساۋدا جەلىلەرىنە اينالما قاراجاتىن ۇسىنۋ قۇقىعى بەرىلگەن»، — دەپ ءتۇسىندىردى مينيستر.

بۇدان باسقا، سورەلەردىڭ 30%-ىن تەك قانا وتاندىق ازىق-ت ۇلىك تاۋارلارىنا ۇسىنۋدى كوزدەيتىن نورما ەنگىزىلگەن.

«بۇل شارالار ازىق-ت ۇلىك تاۋارلارىنىڭ باعاسىنىڭ باقىلانۋىنا اكەلەدى»، — دەپ تۇيىندەدى ر. دالەنوۆ.   

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

ۇقساس جاڭالىقتار