پارلامەنت • 20 تامىز، 2019

ماجىلىسمەندەر قاراعاندىداعى كوشى-قون قىزمەتى ورتالىعىنا باردى

50 رەت كورسەتىلدى

بۇگىن ءماجىلىس دەپۋتاتتارى مانسۇرحان ماحامبەتوۆ پەن جامبىل احمەتبەكوۆ قاراعاندىداعى كوشى-قون قىزمەتتەرى ورتالىعىنا باردى. بۇل تۋرالى ءماجىلىستىڭ ءباسپاسوز قىزمەتى حابارلادى.  

ءماجىلىس دەپۋتاتتارى ورتالىقتىڭ جۇمىسىمەن تانىسىپ، مەملەكەتتىك قىزمەتتەردى الۋ ءۇشىن مەكەمەگە كەلگەن شەتەلدىك ازاماتتارمەن اڭگىمەلەستى.

«تسيفرلى قازاقستان» باعدارلاماسى بويىنشا ەلباسىمىز العا قويعان مىندەتتەردى جۇزەگە اسىرۋ اياسىندا بۇگىن ءبىز ورتالىق قىزمەتىمەن تانىستىق. بارلىق كوشى-قون قىزمەتتەرى ء«بىر تەرەزە» قاعيداتى نەگىزىندە ۇسىنىلۋدا. بۇرىن قۇجات الۋ ءۇشىن بىرنەشە مەكەمەگە حابارلاسىپ، وعان 7 كۇن قاجەت بولسا، قازىر قۇجاتتاردى ورتالىقتان ءبىر ساعاتتا الۋعا بولادى. ەڭ باستىسى، بۇل حالىق ءۇشىن وتە ىڭعايلى، دەدى ءماجىلىس دەپۋتاتى م. ماحامبەتوۆ.

شەتەلدىكتەر مەن ازاماتتىعى جوق ادامدارعا كورسەتىلەتىن مەملەكەتتىك قىزمەتتەردىڭ ساپاسىن جاقسارتۋ جانە ەڭبەكشى-ميگرانتتاردى زاڭداستىرۋ ماقساتىندا كوشى-قون قىزمەتتەرى ورتالىعى – «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ جانە قازاقستان رەسپۋبليكاسى ىشكى ىستەر مينيسترلىگىنىڭ بىرلەسكەن جوباسى.

بۇگىنگى تاڭدا قالا ورتالىعىندا ورنالاسقان ورتالىق بىرنەشە قىزمەت تۇرلەرىن كورسەتەدى. مۇندا كەلۋشىلەر ءۇشىن بارىنشا جاعداي جاسالعان. سونداي-اق ەڭبەك ميگرانتتارىنا ىڭعايلى بولۋ ءۇشىن ورتالىقتا دەنساۋلىق ساقتاۋ، ەكىنشى دەڭگەيلى بانكتەر جانە ساقتاندىرۋ كومپانيالارىنىڭ وكىلدەرى جۇمىس ىستەيدى. 

سوڭعى جاڭالىقتار

اقجايناق استانا

ەلوردا • كەشە

ديماش پەن دجەكسون

ونەر • كەشە

ۇقساس جاڭالىقتار