قازاقستان ءسىم باسشىسى ءوزىنىڭ ارىپتەسى – گفر سىرتقى ىستەر ءمينيسترى حايكو مااس, فەدەرالدىق پرەزيدەنت ۆەدومستۆوسىنىڭ باسشىسى شتەفان شتاينلياين, «گەرمانيا – ورتالىق ازيا» پارلامەنتتىك دوستىق توبىنىڭ توراعاسى, بۋندەستاگ دەپۋتاتى مانفرەد گرۋند, ەكونوميكا جانە ەنەرگەتيكا مينيسترلىگىنىڭ پارلامەنتتىك ستاتس-حاتشىسى توماس بارايسپەن كەزدەستى.
نەمىس يستەبليشمەنتىنىڭ وكىلدەرى ەلىمىزدە بولىپ جاتقان ىشكى ساياسي وقيعالارعا جوعارى باعا بەردى, تاۋەلسىز قازاقستاننىڭ مەملەكەتتىك قۇرىلىسىنداعى تۇڭعىش پرەزيدەنتى – ەلباسى نۇرسۇلتان نازارباەۆتىڭ ايرىقشا ءرولىن اتاپ ءوتتى. ولار سىرتقى ساياسي باعىتتىڭ جالعاسى مەن جاڭا پرەزيدەنت قاسىم-جومارت توقاەۆتىڭ جۇرگىزىپ جاتقان الەۋمەتتىك-ەكونوميكالىق رەفورمالارىن قۇپتاپ, ودان ءارى تابىس تىلەدى.
كەزدەسۋ بارىسىندا ب. اتامقۇلوۆ پەن ح. مااس ەكىجاقتى قارىم-قاتىناستىڭ كوپجاقتى فورماتتاعى نەگىزگى ماسەلەلەرىن تالقىلاپ, «ساعاتتاردى سالىستىردى».
جوعارى قىزمەتتەگى نەمىس ديپلوماتى ىنتىماقتاستىقتىڭ ستراتەگيالىق باعىتتارىن بىرلەسىپ ازىرلەۋگە دايىن ەكەندىگىن ءبىلدىردى. ول 180-مىڭدىق نەمىس دياسپوراسىن قولداۋ جانە قازاقستاندا نەمىس ءتىلىن ۇيرەنۋدى تانىمال ەتىپ ناسيحاتتاۋ ءۇشىن العىسىن ءبىلدىردى. تاراپتار جالپى ءبىلىم بەرۋ, اسىرەسە دۋالدى ءبىلىم سالاسىنداعى ىنتىماقتاستىقتى تەرەڭدەتۋگە كەلىستى.
سونىمەن قاتار, جوعارى دەڭگەيدەگى بايلانىستاردى جالعاستىرۋ جانە ءتيىستى ءىس-شارالاردى ۇيىمداستىرۋدىڭ ماڭىزدىلىعى اتاپ ءوتىلدى.
مينيسترلەر سونداي-اق, گەرمانيا نەگىزگى ءرول اتقارۋعا مۇددەلى ورتالىق ازيا بويىنشا ەو-نىڭ جاڭا ستراتەگياسىن ىسكە اسىرۋدىڭ پراكتيكالىق باعىتتارىن قاراستىردى. بۇل تۇرعىدا تاراپتار اۋعانستانداعى جاعدايدى تالقىلادى.
ەكى مينيستر دە بىرلەسكەن ءباسپاسوز ءماسليحاتىندا ءسوز سويلەپ, قازاقستان-گەرمان ساياسي بايلانىستار مەن ەكونوميكالىق ىنتىماقتاستىقتىڭ ۇدەمەلى دامۋىنا قاناعاتتانۋشىلىق ءبىلدىردى.
ش. شتاينلياينمەن كەلىسسوزدەر بارىسىندا ساياسي ىنتىماقتاستىق ماسەلەلەرى جونىندەگى سىندارلى پىكىر الماسۋ ءوتتى. ءسىم باسشىسى الەمدىك قاۋىمداستىققا ءۇش ديالوگ نەگىزىندە جاڭا گەوساياسي شىندىقتى قۇرۋ يدەياسىن ۇسىنعان قازاقستاننىڭ تۇڭعىش پرەزيدەنتى - ەلباسى ن.نازارباەۆتىڭ باستاماسىن اتاپ ءوتتى. ءوز كەزەگىندە ش. شتاينلياين گەرمانيانىڭ دەرجاۆالار اراسىندا ديالوگ ورناتۋعا مۇددەلى ەكەنىن اتاپ ءوتتى.
بۋندەستاگ مۇشەسى م. گرۋندپەن كەزدەسۋ كەزىندە ەكىجاقتى پارلامەنتارالىق قاتىناستار ماسەلەلەرى قوزعالدى. مينيستر ءبىزدىڭ ەل باسشىلىعىنىڭ حالىقارالىق باستامالارىن ۇنەمى قولداعانى ءۇشىن العىسىن ءبىلدىردى. وسى تۇرعىدا ول 23-24 قىركۇيەكتە نۇر-سۇلتاندا وتەتىن ەۋرازيا ەلدەرى سپيكەرلەرىنىڭ ءتورتىنشى كەڭەسىنىڭ جۇمىسىنا بۋندەستاگ توراعاسىنىڭ ءبىرىنشى ورىنباسارى ح.-پ. فريدريح قاتىساتانىن قاناعاتتانارلىقپەن اتاپ ءوتتى. نەمىس دەپۋتاتى قازاقستانعا 1996 جىلعى ءوزىنىڭ العاشقى ساپارى تۋرالى ايتىپ, ەلىمىزدىڭ اعىمداعى دامۋ دەڭگەيىمەن سالىستىرا وتىرىپ, ن. نازارباەۆتىڭ زور ءرولىن اتاپ ءوتتى.
گەرمان ەكونوميكاسى وكىلدەرىمەن كەلىسسوزدەردە تاراپتار ساۋدا اينالىمىنىڭ ءوسىپ كەلە جاتقان كورسەتكىشتەرىن وڭ باعالادى, ول 2018 جىلى 5,1 ملرد اقش دوللارىن قۇرادى (گەرمانيا ستاتيستيكاسىنا سايكەس). بۇل رەتتە قازاقستان گەرمانيانىڭ ورتالىق ازياداعى باستى ارىپتەسى بولىپ تابىلادى – وتكەن جىلعى ساۋدانىڭ جالپى كولەمى گفر-دىڭ ءوڭىر ەلدەرىمەن سىرتقى ساۋدا وپەراتسيالارى كولەمىنىڭ 85%-دان استامىن قۇرادى. اعىمداعى جىلدىڭ سوڭىنا دەيىن ەنەرگەتيكا, ماشينا جاساۋ, جەك, حيميا, تۋريزم, كولىك جانە اۋىل شارۋاشىلىعى سالاسىنداعى جاڭا جوبالار كىرەتىن ەكى مەملەكەت اراسىنداعى ەكونوميكالىق جانە ونەركاسىپتىك ىنتىماقتاستىقتىڭ «جول كارتاسىنا» قول قويۋ مۇمكىندىگى تالقىلاندى.
سوڭعى 12 جىلدا قازاقستانعا گەرمانيادان 8,6 ملرد اقش دوللار كولەمىندە تىكەلەي ينۆەستيتسيالار تارتىلدى. 900-دەن استام بىرلەسكەن كاسىپورىندار قۇرىلىپ, بۇل رەتتە نارىقتا «Siemens», «WILO», «KNAUF», «BASF», «MetroCash&Carry», «OBI», «CLAAS», «Linde AG» سياقتى ءىرى ينۆەستورلار جۇمىس ىستەيدى.
ساپار بارىسىندا ب. اتامقۇلوۆتىڭ گفر كانتسلەرى كەڭسەسىنىڭ, گەرمانيانىڭ سىرتقى ساۋدا پالاتالارى قاۋىمداستىعىنىڭ باسشىلىعىمەن كەزدەسۋى, سونداي-اق نەمىس بيزنەسى كاپيتاندارىمەن «دوڭگەلەك ۇستەل» وتكىزۋ جوسپارلانۋدا.
