ساۋدا جانە ينتەگراتسيا ءمينيسترى ب. سۇلتانوۆ, قر ۇلتتىق ەكونوميكا ءمينيسترى ر. دالەنوۆ, قر اۋىل شارۋاشىلىعى ءمينيسترى س. وماروۆ ازىق-ت ۇلىك تاۋارلارىنىڭ قازىرگى باعالارى, تۇراقتاندىرۋ قورلارىنىڭ قىزمەتى جانە باعالاردىڭ وسۋىنە جول بەرمەۋ بويىنشا قابىلدانىپ جاتقان شارالار تۋرالى باياندادى. سولتۇستىك قازاقستان وبلىسىنىڭ اكىمى ق. اقساقالوۆ, جامبىل وبلىسىنىڭ اكىمى ا. مىرزاحمەتوۆ وڭىرلەردەگى جۇمىستار تۋرالى باياندادى.
الەۋمەتتىك ماڭىزى بار ازىق-ت ۇلىك تاۋارلارىنىڭ باعالارىن تۇراقتاندىرۋ جانە ۇستاپ تۇرۋ, ولاردىڭ ءوسۋ سەبەپتەرىن بىرتىندەپ جويۋ ماقساتىندا وسى جىلدىڭ 16 تامىزىندا كۇشىنە ەنگەن شارالار كەشەنى ازىرلەندى. ولاردىڭ ىشىندە — وتاندىق تاۋار وندىرۋشىلەردىڭ تاۋارلاردى بارلىق ساۋدا نىساندارىنا ورنالاستىرا الۋ مۇمكىندىگى, الەۋمەتتىك ماڭىزى بار ازىق-ت ۇلىك تاۋارلارىنا ساۋدا ۇستەمەسىن 15%-دان اسپايتىن مولشەردە بەكىتۋ جانە جەتكىزۋشىلەردەن سىياقى الۋعا تىيىم سالۋ, 4 نەگىزگى تاۋارلىق پوزيتسياعا (پياز, كارتوپ, ءسابىز, قىرىققابات) باعانىڭ ماۋسىمدىق وسۋىنە جول بەرمەۋ. سونىمەن قاتار, وڭىرلەر كوتەرمە-تاراتۋ ساۋدا ورتالىقتارىنىڭ, ساۋدا وبەكتىلەرىنىڭ قۇرىلىسىن جانە نارىقتاردى جاڭعىرتۋدى قامتاماسىز ەتەدى.
قر پرەمەر-ءمينيسترى اسقار مامين مەملەكەت باسشىسى قاسىم-جومارت توقاەۆتىڭ جاقىندا اقوردادا وتكەن كەڭەستە الەۋمەتتىك ماڭىزى بار ازىق-ت ۇلىك تاۋارلارىنا باعانى ۇستاپ تۇرۋ ماسەلەسىنىڭ ماڭىزدىلىعىن اتاپ وتكەنىن ايتتى.
«اكىمدەر باعا وسىمىنە جول بەرمەۋ ماسەلەسىن ەرەكشە باقىلاۋدا ۇستاۋى قاجەت جانە كۇن سايىن مونيتورينگ جۇرگىزىپ, جەدەل شارالاردى قابىلداۋى ءتيىس», — دەدى اسقار مامين. اكىمدىكتەرگە الەۋمەتتىك ماڭىزى بار ازىق-ت ۇلىك تاۋارلارىنا باعانى تۇراقتاندىرۋ تەتىكتەرىن ىسكە اسىرۋدىڭ ۇلگىلىك وڭىرلىك ەرەجەلەرىن بەكىتۋ جۇمىستارىن جەدەلدەتۋ جانە تۇراقتاندىرۋ قورلارىندا ونىمدەردى ساتىپ الۋعا الدىن الا كىرىسۋ تاپسىرىلدى. ساتىپ الۋلار ينتەرۆەنتسيالارىن جۇزەگە اسىرۋ ءۇشىن اكك شوتتارى مەن دەپوزيتتەرىندە 3,7 ملرد تەڭگە بار.
تۇراقتاندىرۋ قورلارى جۇمىسىنىڭ تيىمدىلىگىن ودان ءارى ارتتىرۋ ماقساتىندا, قر پرەمەر-ءمينيسترى اتاپ وتكەندەي, تۇراقتاندىرۋ قورلارىنىڭ قىزمەتىنە تەكسەرۋ جۇرگىزۋ, ولاردىڭ جۇمىسىن قايتا قۇرۋ جانە تاۋارلىق ينتەرۆەنتسيالار ءۇشىن ساتىپ الۋدى جەدەل جۇرگىزۋ قاجەت. سونداي-اق, اسا الەۋمەتتىك ماڭىزى بار 10 ءونىمدى شىعارۋ باعدارلاماسىن ازىرلەۋ تاپسىرىلدى. بۇل باعانى ۇستاپ تۇرۋدىڭ ماڭىزدى فاكتورى بولادى.
مينيسترلەر كابينەتىنىڭ باسشىسى قر ساۋدا جانە ينتەگراتسيا مينيسترلىگىنە قىسقا مەرزىم ىشىندە بىرىڭعاي ونلاين پلاتفورمانىڭ ازىرلەنۋىن قامتاماسىز ەتۋدى تاپسىردى. اتالعان جۇيەنىڭ كومەگىمەن ازاماتتار الەۋمەتتىك ماڭىزى بار ازىق-ت ۇلىك تاۋارلارىنىڭ باعالارىن وڭىرلەر مەن ناقتى دۇكەندەر تۇرعىسىنان ونلاين رەجيمىندە قاداعالاپ, سونىمەن قاتار باعا مونيتورينگىنە تىكەلەي قاتىسا الادى.
