ايتا كەتەرلىگى, قازاقستانعا ءبىرجولاتا كوشىپ كەلۋگە نيەت بىلدىرگەن قانداستارىمىز نەگىزىنەن الەۋمەتتىك, تۇرمىستىق جاعدايىنا بايلانىستى وزدىگىنەن كوشىپ كەلە المايتىن ەدى. سوندىقتان, بۇل يگى شارا «وتانداستار قورى» كەاق–نىڭ قولداۋىمەن دۇنيەجۇزى قازاقتارىنىڭ قاۋىمداستىعى پاۆلودار وبلىستىق فيليالىنىڭ ۇيىمداستىرۋىمەن ىسكە اسىرىلدى.
«كوشىپ كەلگەن قانداستار اراسىندا 13 بالانى ومىرگە اكەلىپ ءوسىرىپ, جەتكىزگەن ارداقتى انا قايشا اپامىز ءوزىنىڭ قولىنداعى كەنجە ۇلى مەن كەلىنىنىڭ 6 بالاسىمەن بىرگە اتامەكەنگە كەلىپ وتىر. سونداي-اق, ءجاسوسپىرىم وقۋ جاسىنداعى 46 بالا, 4 ستۋدەنت, 1 زەينەتكەر, ەڭبەك جاسىنداعى 29 ازامات كوشىپ كەلدى. ولاردىڭ ىشىندە اعىلشىن ءتىلى, باستاۋىش سىنىپ مۇعالىمدەرى, تەحنيكا ماماندارى, مەحانيزاتور, مال دارىگەرى, مەديتسينا سالاسىنىڭ مامانى, باسقادا ارنايى وقۋ ورتالىقتارىن بىتىرگەن تاجىربيەلى ماماندىق يەلەرى بار» دەلىنگەن ءباسپاسوز بايانىندا.
موڭعوليادان كوشىپ كەلۋشى وتباسىلار مۇشەلەرىن جانە وتباسىنىڭ تۇرمىسقا قاجەتتى قولدانىستاعى م ۇلىك, جەكە ءۇي جۇكتەرىن رەسەي فەدەراتسياسى التاي ولكەسىنىڭ تاشانتا كەدەن بەكەتى ارقىلى شەكارادان الىپ وتۋىنە بايلانىستى كەلەڭسىز جاعدايلاردى بولدىرماۋ ءۇشىن دۇنيەجۇزى قازاقتارى قاۋىمداستىعىنىڭ باس مەنەدجەرى التاي المات تۇرسىنبەك ۇلى جانە «دۇنيەجۇزى قازاقتارىنىڭ قاۋىمداستىعى» رقب-ءنىڭ پاۆلودار وبلىستىق فيليالىنىڭ باسشىسى بولات زاۋت ۇلى مەن «وتانداستار قورى» رف ومبى قالاسىنداعى قازاقستان رەسپۋبليكاسى كونسۋلى قىزمەتكەرلەرىنىڭ كومەگىنە جۇگىنگەن بولاتىن. وسىنداي بىرلەسكەن شارالاردىڭ ناتيجەسىندە قانداستارىمىز امان-ەسەن ەلگە جەتكىزىلدى.
كوشىپ كەلۋشىلەر پاۆلودار قالاسىنداعى «قونىستانۋشىلار مەن ورالمانداردى ۋاقىتشا بەيىمدەۋ ورتالىعىندا» ءبىر اپتا تۇرادى, وسى كۋاقىتتا پاۆلودار قالاسىنىڭ تاريحي ورىندارى, مۇراجايلارىمەن تانىسىپ, بىرقاتار قۇقىقتىق كەڭەس الىپ, قۇجاتتارىن راسىمدەپ, مەديتسينالىق تەكسەرۋدەن وتەدى. ودان كەيىن, ەكىباستۇز قالاسىنىڭ, اكەدەميك الكەي مارعۇلان اتىنداعى اۋىلىنا 9 وتباسى, پاۆلودار اۋدانىنا 2 وتباسى, اقسۋ قالاسىنىڭ دوستىق, اقجول اۋىلدارىنا 2 وتباسى, تەرەڭكول, ماي اۋداندارىنا قونىستانادى دەپ جوسپارلانۋدا. كوشىپ كەلگەن وتباسىلارى تۇگەلدەي بيىلعى جىلعى ورالمانداردىڭ وڭىرلىك كۆوتاسىنا ەنىپ, مەملەكەت تاراپىنان ءار ادامعا 88 375 تەڭگەدەن ءبىر جىل بويى ءۇي جالداپ تۇراتىن قاراجات بەرىلەدى. بالالارى وقۋ ورىندارىنا, ەڭبەك جاسىنداعىلار جۇمىسقا ورنالاسادى.
