مۇنداعى كوزدەلگەن مەجە – سۋ ايدىندارىن زاڭسىز بالىق اۋلاۋ قۇرالدارىنان, سونداي-اق باسقا دا قالدىقتاردان تازارتىپ, كۇننەن-كۇنگە لاستانىپ بارا جاتقان وزەن-كولدەردىڭ ماسەلەسىنە قوعام نازارىن اۋدارتۋ, ەل تۇرعىندارىنىڭ ەكولوگيالىق مادەنيەتىن قالىپتاستىرۋ. اكتسياعا ەلىمىزدىڭ ءار وڭىرىندە
5 100-دەن اسا مەملەكەتتىك ورگانداردىڭ, قوعامدىق ۇيىمداردىڭ, ەكولوگيالىق بىرلەستىكتەردىڭ ۇجىمدارى جانە ەرىكتىلەر قاتىستى.
مينيسترلىكتىڭ اقپاراتىنا سايكەس 61 685 گەكتار اۋداندى قامتىعان وزەن-كولدەردى تازارتۋ ءۇشىن 431 سۋ كولىك تەحنيكاسى جانە ارنايى سۇڭگۋىرلەر جۇمىلدىرىلدى. وسىعان بايلانىستى ۆەدومستۆو باسشىسى الەۋمەتتىك جەلىدەگى اككاۋنتىندا اتالعان شاراعا قاتىسقان ازاماتتارعا العىسىن ءبىلدىرىپ, بۇل ءىس ءبىر ناۋقانمەن اياقتالمايتىنىن جەتكىزدى.
«سەنبىلىك جاساۋ قازاقستاندىقتار ءۇشىن دəستۇرگە اينالۋدا. بۇگىن 79 سۋ قويماسىنان 95 شاقىرىمدى قۇرايتىن اۋ مەن 121 توننا قوقىس جينالدى. 5000-عا جۋىق ادام بۇل كۇندى تازا ەكولوگيانى قالىپتاستىرۋعا, بالىقتاردى, سۋدا جۇزەتىن قۇستاردى قۇتقارۋعا, وزەندەردىڭ تازالىعىن ساقتاۋ جولىنداعى كۇرەسكە ارنادى. نۇر-سۇلتان قالاسىندا وتكەن «اۋلاردان تازا سۋ ايدىنى» اكتسياسى اياسىندا نۇرا وزەنىنەن 250 مەتر زاڭسىز قۇرىلعان سينتەتيكالىق اۋ مەن 4 تونناعا جۋىق تۇرمىستىق قوقىس جينالدى. اتاپ ءوتۋ كەرەك, ءدال قازىر بۇكىل ايماقتار بويىنشا 79 كول تازالانۋدا. وعان مىڭداعان ادام قاتىسىپ جاتىر. بارشاڭىزعا مىڭ العىس!», دەدى ءوز جازباسىندا ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ.
ال ەكولوگيا, گەولوگيا جانە تابيعي رەسۋرستار ءمينيسترىنىڭ ورىنباسارى ەرلان نىسانباەۆ, تەك مامىر ايىنىڭ وزىندە ەلدەگى سۋ قويمالارىنان 395 شاقىرىم قىتايلىق بالىق اۋلاۋ تورلارى تابىلعانىن ايتتى. وسى ولقىلىقتى رەتتەۋ ءۇشىن مينيسترلىك اتالعان توردىڭ قازاقستاندا پايدالانىلۋىنا تىيىم سالعان ەكەن.
