بۇگىنگى تاڭدا 56 نىسان پايدالانۋعا بەرىلدى, 8 نىساننىڭ جوندەۋ جۇمىستارى 20 تامىزعا دەيىن اياقتالادى. قايتا قالپىنا كەلتىرىلگەن 4 نىسان قىركۇيەك-قازان ايلارىندا پايدالانۋعا بەرىلەدى. ونىڭ قاتارىندا جەدەل جاردەم, ستوماتولوگيالىق بولىمدەر, بالالار مەن جاسوسپىرىمدەر سپورت مەكتەبى جانە بالاباقشا بار.
ء«بىز نىسانداردىڭ جاعدايىن باعالاۋ كەزىندە ونى قالپىنا كەلتىرۋمەن شەكتەلىپ قالماي, عيماراتتاردى جاقسارتۋ تۋرالى شەشىمگە كەلدىك. بارلىق مەكتەپ جيھازبەن جابدىقتالىپ, اعاش تەرەزەلەرى پلاستيكالىق تەرەزەلەرمەن اۋىستىرىلدى, ەسكى فۋتبول الاڭىنىڭ ورنىنا جاڭا الاڭ سالىندى جانە مەكتەپكە ارنالعان جاڭا جيhاز الىندى», دەيدى «Samruk Kazyna Construction» اق باسقارما توراعاسىنىڭ ءبىرىنشى ورىنباسارى ارمان جەتپىسباي.
ايتا كەتۋ كەرەك, 1 شىلدەدە قور قيراعان الەۋمەتتىك نىسانداردى – 6 بالاباقشانى, 16 مەكتەپتى, 1 كوللەدجدى, 30 جەكە مەنشىك بالاباقشانى, 8 دەنساۋلىق ساقتاۋ نىسانىن, 4 سپورت نىسانىن, تەمىرجول ۆوكزالىن, داڭق الاڭى مەن ورتالىق الاڭدى جوندەۋدى باستاعان بولاتىن.
«تەمىر جول ۆوكزالىنىڭ عيماراتى 1904 جىلى سالىنعان. وسى ۋاقىتقا دەيىن وندا جوندەۋ جۇمىستارى تەك 5 رەت جۇرگىزىلسە, سوڭعى رەت 2004 جىلى جوندەلگەن. سوندىقتان جوبالاۋ جانە جوندەۋ جۇمىستارى ءتيىستى ليتسەنزياسى بار كومپانيامەن بىرلەسىپ جۇزەگە اسىرىلىپ جاتىر. عيماراتتى باستاپقى قالپىندا ساقتاۋ ءۇشىن بارلىق شارالار قولدانىلادى», دەدى ا.جەتپىسباي.
جالپى, «سامۇرىق-قازىنا» ارىس قالاسىنداعى قالپىنا كەلتىرۋ جانە قۇرىلىس جۇمىستارىنا 7 ملرد تەڭگە ءبولدى. نىسانداردا شاتىرلاردى, تەرەزەلەردى, ەسىكتەر مەن ەدەندەردى
اۋىستىرۋ مەن ارلەۋ سىندى نەگىزگى جۇمىس اتقارىلدى.
13 شىلدەدە «سامۇرىق-قازىنا» ۇاق» اق باسقارما توراعاسى احمەتجان ەسىموۆ ارىس جانە تۇركىستان قالالارىندا بولدى. قۇرىلىس جۇمىستارىنىڭ بارىسىمەن تانىسقان قور باسشىسى جۇمىستى جوسپارعا سايكەس ۋاقتىلى جۇرگىزۋدى تاپسىردى. قازاقستان پرەزيدەنتى ق.توقاەۆ پەن ۇكىمەت تاپسىرماسى بويىنشا قور ارىستى قالپىنا كەلتىرۋگە بەلسەنە قاتىستى.
تۇركىستان وبلىسى
