ەندىگى مىندەت – ورىنداۋ
بەيسەنبى, 10 قاڭتار 2013 7:20
ەلباسىمىزدىڭ 2050 جىلعا دەيىنگى دامۋ ستراتەگياسى ءبۇگىندە جەر-جەردە كەڭىنەن تالقىلانۋدا. تولەرانتتىلىقتى تۋ ەتكەن حالقىمىز ءداستۇرلى ءدۇنيەتانىمىمىزعا ساي قاشاندا ءاربىر ءىستىڭ استارىنان جاقسىلىقتى نيەت ەتكەن. حالىق دانالىعى «ەكى دۇنيەڭ ابات, ەكى تويىڭ قابات بولسىن» دەيدى. حالقىمىزدىڭ جاقسىلىق پەن جاسامپازدىققا نەگىزدەلگەن تاريحي ىستەرى كوبىنەسە قوسارلانىپ كەلىپ جاتقان تۇستارىن, ارينە, جاقسى ىرىمعا بالايمىز. اسىلىندا, بۇل جولداۋدىڭ ەرەكشە تۇستارى باسىم دەپ ايتۋعا تولىق نەگىز بار.
بەيسەنبى, 10 قاڭتار 2013 7:20
ەلباسىمىزدىڭ 2050 جىلعا دەيىنگى دامۋ ستراتەگياسى ءبۇگىندە جەر-جەردە كەڭىنەن تالقىلانۋدا. تولەرانتتىلىقتى تۋ ەتكەن حالقىمىز ءداستۇرلى ءدۇنيەتانىمىمىزعا ساي قاشاندا ءاربىر ءىستىڭ استارىنان جاقسىلىقتى نيەت ەتكەن. حالىق دانالىعى «ەكى دۇنيەڭ ابات, ەكى تويىڭ قابات بولسىن» دەيدى. حالقىمىزدىڭ جاقسىلىق پەن جاسامپازدىققا نەگىزدەلگەن تاريحي ىستەرى كوبىنەسە قوسارلانىپ كەلىپ جاتقان تۇستارىن, ارينە, جاقسى ىرىمعا بالايمىز. اسىلىندا, بۇل جولداۋدىڭ ەرەكشە تۇستارى باسىم دەپ ايتۋعا تولىق نەگىز بار.
ەلباسىنىڭ حالىققا ارنالعان جولداۋىنىڭ ءححى عاسىرداعى تاۋەلسىزدىگىمىزدىڭ 21 جىلدىق مەرەيتويىمەن, الاشوردا ۇكىمەتىنىڭ 95 جىلدىق مەرەيتويىمەن جانە نامىسى جىعىلماعان قازاق جاستارىنىڭ رۋحاني جارىلىسى – جەلتوقسان وقيعاسىنىڭ 26 جىلدىعىمەن تۇسپا-تۇس كەلۋى ەلباسىن ءور نامىستى الاشورداشىلار مەن ازات رۋحتى جەلتوقسانشىلار رۋحى جەبەگەندەي.
ەلباسىمىزدىڭ وسى جولداۋىندا مىنا جايتتار ايقىندالدى, ولار: تۇڭعىش رەت مەملەكەتتىك ءتىلدىڭ دامۋ ستراتەگياسى بەلگىلەنىپ, ناقتى مەرزىمدەرى ايتىلدى, ياعني قازاق ۇلتىنىڭ جارقىن بولاشاعى بار دەگەن ءسوز; لاتىن الىپبيىنە كوشۋ تۋرالى ءتۇرلى ويلاردىڭ قورىتىندىسى شىعارىلىپ, ناقتى مەرزىمى بەلگىلەندى, جاھاندانۋ كەڭىستىگىندەگى قازاق ەلىنىڭ ءوزىندىك ورنى بولادى دەگەن ءسوز; اۋىل شارۋاشىلىعى ەلىمىزدىڭ ەكونوميكاسىنداعى باسىم باعىتتار قاتارىنا ەندى. بۇل اۋىلدىڭ كوتەرىلۋىنە, اۋىلداعى جۇمىسسىزدىقتى ازايتۋعا, اۋىلداعى حالىقتىڭ ءال-اۋقاتىن ارتتىرۋعا تىكەلەي بايلانىستى. ەندى وسى ستراتەگيالىق ماقساتتارعا جەتىپ جاتساق, قازاق ەلىنىڭ ازيا كونتينەنتىنىڭ بارىسىنا عانا ەمەس, جولبارىسىنا اينالارىنا كۇمان جوق.
جولداۋداعى تاعى ءبىر وتە ماڭىزدى ماسەلە – قازاقستاندى مەكەندەگەن ەتنوستاردىڭ ءبىرلىگى. ەلباسى ءوز جولداۋىندا جۇمساق قايىرعان ماڭىزدىنىڭ ماڭىزدىسى «ۇلتتىڭ ىشكى بىرلىگى, تاريحتان ساباق الۋ كەرەكتىگى». ەگەر 2050 جىلعا دەيىنگى ستراتەگيالىق باعدارلاما باياندى بولسىن, ناتيجەلى بولسىن دەسەك, ءبىرىنشى كەزەكتە بىزگە قازىرگى قوعامداعى رۋلىق, ءجۇزدىك, تايپالىق سانادان ارىلۋ قاجەت. ول ءۇشىن قىسقا مەرزىمدە ءتيىستى ءىس-شارالار اتقارۋ قولعا الىنۋى كەرەك. ول ءۇشىن بۇكىل رەسپۋبليكالىق اقساقالدار (ارداگەرلەر) كەڭەسىن قۇرىپ, ءتيىستى جۇمىستار بەلگىلەنۋى كەرەك. بۇل – وتە ماڭىزدى.
قازاق ەلىنىڭ تاۋەلسىزدىك تاريحىندا بۇل جولداۋدىڭ ايىرىقشا ورىن الاتىنى اقيقات. ال ونداعى مەملەكەت باسشىسى مەجەلەگەن ماقساتتارعا قول جەتكىزۋ ءۇشىن جوسپارلانعان تاپسىرمانى ورىنداۋ جاۋاپكەرشىلىگى ەڭ الدىمەن مەملەكەتتىك قىزمەتكەرلەردىڭ, اتقارۋشى ورگانداردىڭ ىسكەرلىگىنە سىن. ويتكەنى, ەلباسىعا جۇكتەلگەن مىندەت – جولداۋ, قاراپايىم حالىقتىڭ مىندەتى – قولداۋ, مەملەكەتتىك قىزمەتكەرلەردىڭ مىندەتى – ورىنداۋ.
تالجان رايىمبەرديەۆ,
وڭتۇستىك قازاقستان وبلىسى «مەملەكەتتىك ءتىل» قوعامدىق قوزعالىسىنىڭ توراعاسى, تەحنيكا عىلىمدارىنىڭ دوكتورى, پروفەسسور.
شىمكەنت.
