ءبىزدىڭ مىندەت – پاتريوتتار تاربيەلەۋ
بەيسەنبى, 10 قاڭتار 2013 7:19
ەلباسى ن.نازارباەۆ قازاقستاننىڭ 2050 جىلعا دەيىنگى دامۋ باعدارلاماسىن ۇسىنىپ, ەلىمىزدىڭ جاسامپازدىق جولىن جالعاستىرۋدىڭ باسىم باعىتتارىن ايقىنداپ بەردى. «ءبىزدىڭ ماقساتىمىز – 2050 جىلعا قاراي مىقتى مەملەكەتتىڭ, دامىعان ەكونوميكانىڭ جانە جالپىعا ورتاق ەڭبەكتىڭ نەگىزىندە بەرەكەلى قوعام قۇرۋ», دەپ اتاپ كورسەتتى ەلباسى. دەمەك, مىقتى مەملەكەت قانا ەكونوميكالىق جەدەل ءوسۋ جاعدايىن قامتاماسىز ەتۋ ءۇشىن اسا ماڭىزدى بولماق.
ەل پرەزيدەنتى نۇرسۇلتان نازارباەۆتىڭ بيىلعى جولداۋىنىڭ ءمانى دە, ماڭىزى دا ەرەكشە.
بەيسەنبى, 10 قاڭتار 2013 7:19
ەلباسى ن.نازارباەۆ قازاقستاننىڭ 2050 جىلعا دەيىنگى دامۋ باعدارلاماسىن ۇسىنىپ, ەلىمىزدىڭ جاسامپازدىق جولىن جالعاستىرۋدىڭ باسىم باعىتتارىن ايقىنداپ بەردى. «ءبىزدىڭ ماقساتىمىز – 2050 جىلعا قاراي مىقتى مەملەكەتتىڭ, دامىعان ەكونوميكانىڭ جانە جالپىعا ورتاق ەڭبەكتىڭ نەگىزىندە بەرەكەلى قوعام قۇرۋ», دەپ اتاپ كورسەتتى ەلباسى. دەمەك, مىقتى مەملەكەت قانا ەكونوميكالىق جەدەل ءوسۋ جاعدايىن قامتاماسىز ەتۋ ءۇشىن اسا ماڭىزدى بولماق.
ەل پرەزيدەنتى نۇرسۇلتان نازارباەۆتىڭ بيىلعى جولداۋىنىڭ ءمانى دە, ماڭىزى دا ەرەكشە. وندا ۇلتتىق ەكونوميكا, قوعامدىق تۇراقتىلىق, الەۋمەتتىك كەپىلدىك, جەكە جاۋاپكەرشىلىك, ۇلت دەنساۋلىعى, مەملەكەتتىك ءتىل جانە قازاقستاندىق پاتريوتيزم جانە باسقا دا ماڭىزدى ماسەلەلەرگە باسا نازار اۋدارىلادى. وسىعان وراي ىشكى اسكەرلەردىڭ قولباسشىلىعى مەن جەكە قۇرامى ەلباسىنىڭ جولداۋىمەن مۇقيات تانىسىپ شىقتى. ءبىزدىڭ ىشكى اسكەرلەرىمىزدىڭ ەلىمىزدىڭ جەتىستىگى مەن قازاقستاندىق پاتريوتيزمگە قوسار ۇلەسى – كۇندەلىكتى جاۋىنگەرلىك مىندەتتەرىن ابىرويمەن ورىنداۋ, دەپ اتاپ كورسەتتى جولداۋدى قولداۋ سوزىندە ىشكى اسكەرلەردىڭ قولباسشىسى گەنەرال-مايور ر.جاقسىلىقوۆ. – قازىرگى ۋاقىتتا ىشكى اسكەرلەردىڭ تيىمدىلىگىن ارتتىرۋعا باسا كوڭىل بولىنۋدە. جاقىندا اسكەردىڭ باسقارۋ ورگاندارىنا وزگەرىستەر ەنگىزىلەدى. بريگادالىق باسقارۋ جۇيەسىنىڭ وڭىرلىك باسقارۋعا كوشەتىندىگىنە بايلانىستى, وڭتايلى باسقارۋ قۇرىلىمى قۇرىلاتىن بولادى. ەلباسىنىڭ جولداۋىن قولداي وتىرىپ اسكەري ينستيتۋتتاعى وقۋ-تاربيەلىك پروتسەستى, اسكەردىڭ جاۋىنگەرلىك ازىرلىگىن جەتىلدىرۋدى جالعاستىرا تۇسەمىز, دەدى ول.
ىشكى اسكەرلەر قىراعىلىق پەن باتىلدىق تانىتا وتىرىپ وزدەرىنە جۇكتەلگەن مىندەتتەردى ابىرويمەن ورىنداپ كەلەدى. «ومىردە ەرلىككە ارقاشان ورىن بار» – قاناتتى ءسوزىن اسكەردىڭ جەكە قۇرامى ءوزىنىڭ قاجىرلى ەڭبەگىمەن دالەلدەۋدە. ەلىمىز تاۋەلسىزدىگىنىڭ 21 جىلدىعىنا وراي ەلباسىنىڭ جارلىعىمەن اسكەري بورىشتارىن ابىرويمەن ورىنداپ, باتىلدىق پەن ەرلىك كورسەتكەنى ءۇشىن بىرقاتار ىشكى اسكەردىڭ اسكەري قىزمەتشىلەرى مەملەكەتتىك ماراپاتتارعا يە بولدى. اتاپ ايتقاندا, ىشكى اسكەرلەر قولباسشىسىنىڭ ورىنباسارى, گەنەرال-مايور البەرت ماتكاريموۆ ءىى-دارەجەلى «داڭق» وردەنىمەن, ىشكى اسكەردىڭ ارنايى ماقساتتاعى «بۇركىت» جاساعىنىڭ باستىعى پاۆەل كوۆالەنكو ءىى-دارەجەلى «ايبىن» وردەنىمەن, وسى جاساقتىڭ وڭىرلىك بولىنىستەرىنىڭ كومانديرلەرى مەن ولاردىڭ ورىنباسارلارى ماقسات ابەۋوۆ, ەرجان بايجانوۆ, ەرنار ەرەكەشەۆ جانە رىسبەك ماقاشەۆتار «جاۋىنگەرلىك ەرلىگى ءۇشىن» مەدالىمەن ماراپاتتالدى.
سوندىقتان «ەرلىك دەگەنىمىز – ىشكى اسكەرلەردىڭ كۇندەلىكتى جاۋىنگەرلىك قىزمەتى» دەپ پرەزيدەنت ايتقانداي, ەرلىكتى ناسيحاتتاۋ جۇمىستارى ءوزىنىڭ جالعاسىن تابادى. ءبىر سوزبەن ايتقاندا, ىشكى اسكەرلەرىمىزدىڭ ەلباسى جولداۋىنان تۋىندايتىن مىندەتتەردى ورىنداۋعا وزدەرىنىڭ بار كۇش-جىگەرىن جۇمسايتىنىنا سەنىم مول.
ابدىسادىق ەرەجەپوۆ,
ىشكى اسكەرلەر قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى, پولكوۆنيك.
