قاتىسۋشىلار 6 پايىز جەڭىلدىكپەن نەسيە الىپ نەمەسە ءوز بيزنەسىن اشۋ ءۇشىن 500 مىڭ تەڭگە كولەمىندە تەگىن گرانت ۇتۋلارىنا مۇمكىندىك بار. العاشقى لەگىنە 822 ازامات قاتىسسا, ەكىنشى كەزەڭ جاقىندا باستالماق.
«15 قىركۇيەكتەن باستاپ «باستاۋ» بيزنەس جوباسى ىسكە اسادى. جالپى باعدارلاما بويىنشا الماتى قالاسى بويىنشا 9050 ادام وقىتىلۋ جوسپارلانعان. سونىڭ ىشىندە 2650 جاستار جالپى 21 كۇن ىشىندە 10 مودۋل بويىنشا ساباق وقيدى. الماتى قالاسىندا قازىرگى كەزدە 32 سىنىپ قامتىلىپ وتىر. سونىڭ ىشىندە ولارمەن بىرگە بيزنەس ترەنەرلار مەن پسيحولوگتار جۇمىس ىستەيدى», دەدى الماتى قالاسى بويىنشا «باستاۋ» جانە «جاس كاسىپكەر» جوبالارىنىڭ جەتەكشىسى قۋانىشبەك ەرنيازوۆ.
ودان بولەك, جۇمىسسىز ازاماتتاردى ەڭبەكپەن قامتۋ قولعا الىنىپ وتىر. ول ءۇشىن ارنايى ءموبيلدى جۇمىسپەن قامتۋ ورتالىقتارى اشىلىپتى. ولار قالانىڭ ادامدار كوپ شوعىرلانعان 8 جەرىندە قىزمەت كورسەتۋدە.
«قالامىزدىڭ وسى بازار, نارىق جانە ۆوكزالدارىندا وسى موبيلدىك ەڭبەك ورتالىقتارىنا قولداۋ ورتالىقتارىن اشىپ وتىرمىز. ونىڭ ماقساتى – ەڭبەك اقىسى تومەن, از قامتىلعان ازاماتتاردى جۇمىسقا تارتۋ. بۇعان دەيىن «بايسات», «بارلىق» بازارلارىندا وسىنداي ورتالىق اشىپ ەدىك. اتالعان قىزمەتكە سۇرانىس وتە جوعارى دەپ ايتۋعا بولادى», دەدى الماتى قالاسى كاسىپكەرلەر پالاتاسىنىڭ ديرەكتورى ناريمان ابىلشايىقوۆ.
