ايماقتار • 18 تامىز، 2019

الماتىدا «جول بەر - ءومىر سىيلا» اتتى اكتسياسى ۇيىمداستىرىلدى

32 رەت كورسەتىلدى

جىل باسىنان بەرى الماتىدا جەدەل جاردەم كولىگى 43 رەت اپاتقا ۇشىراعان«سونىڭ 85 پايىزىندا تەمىر تۇلپار تىزگىندەگەن قاراپايىم جۇرگىزۋشىلەر كىنالى دەپ تانىلىپتى. نەگىزگى سەبەپتەرىنىڭ ءبىرى ارنايى ترانسپورتقا دەر كەزىندە جول بەرمەۋدىڭ سالدارى. وسى رەتتە بۇگىن قالادا «جول بەر - ءومىر سىيلا» اتتى اكتسياسى ۇيىمداستىرىلدى، دەپ حابارلايدى الماتى قالاسى اكىمدىگى ءباسپاسوز قىزمەتى.

الماتى كوشەلەرىندە دابىلىن قوسىپ، جۇيىتكىپ جۇرگەن جەدەل جاردەم بريگاداسى بۇل جولى ەشقانداي شاقىرتۋعا اسىققان جوق. تەك جۇرگىزۋشىلەردىڭ قانشالىقتى جول بەرەتىندىگىن سىناپ كوردى. ارنايى اۆتوكولىكتەر ناۋقاستىڭ جاعدايىنا بايلانىستى 4 توپقا بولىنگەن. سونىڭ ىشىندە 1-كاتەگوريا بويىنشا ەڭ تەز ۋاقىتتا جەتۋى ءتيىس. ول قالانىڭ كەز-كەلگەن جەرىندە 15 مينۋتتا بولۋى كەرەك.

ء«بىرىنشى، ەكىنشى كاتەگورياداعى جەدەل جاردەم كولىگى 15 مينۋتتا شاقىرتىلعان جەرگە جەتۋى كەرەك. الايدا، ءبىز ولاردىڭ شامامەن 80 پايىزىنا دەر كەزىندە بارا المايمىز. كەشىگۋدىڭ نەگىزگى سەبەبى، وزگە قاراپايىم جۇرگىزۋشىلەردىڭ جول بەرمەۋى، سونداي-اق، كولىك قوزعالىسىنىڭ قيىندىعى»،  دەيدى الماتى قالاسى جەدەل جاردەم ستانساسىنىڭ جولداعى قاۋىپسىزدىك ينجەنەرى  ۆلاديمير فومين.

الماتى قالاسى بويىنشا سىبايلاس جەمقورلىققا قارسى كۇرەس دەپارتامەنتى العاش رەت ۇيىمداستىرعان بۇل شارا «الماتى - ادالدىق الاڭى» جوباسى اياسىندا ءوتتى.

وسىلايشا، ءتورت ساعاتقا سوزىلعان رەيد بارىسىندا دەر كەزىندە مەديتسينالىق ترانسپورتتىڭ جۇرۋىنە كەدەرگى كەلتىرگەن تەك 4 جۇرگىزۋشىگە ايىپپۇل جازىلدى. بۇل جامان كورسەتكىش ەمەس دەيدى سالا ماماندارى. دەسە دە، وسى سىندى شارالار ۇدايى وتكىزىلىپ تۇرماق. بۇل كولىك جۇرگىزۋ مادەنيەتىمەن قاتار، ادام ءومىرىنىڭ ماڭىزدىلىعىن ارتتىرادى دەيدى ۇيىمداستىرۋشىلار.  

 

 

الماتى

 

سوڭعى جاڭالىقتار

جوعالعان بالا 12 ساعاتتا تابىلدى

ايماقتار • بۇگىن، 14:38

كريپتو اقشانىڭ جاڭا ءداۋىرى

ەكونوميكا • بۇگىن، 10:29

ۇقساس جاڭالىقتار