مەملەكەتتىك قىزمەت ىستەرى ۆەدومستۆوارالىق جۇمىس توبىنىڭ وتىرىسىندا ەلەكتروندى ۇكىمەت پورتالىنداعى مەملەكەتتىك قىزمەت جانە قالادا مۇمكىندىگى شەكتەۋلى جاندار ءۇشىن نىساندارعا كىرىپ-شىعۋدىڭ قولجەتىمدىلىگى تالقىلاندى. مامانداردىڭ سوزىنشە, قۇرىلىس نورماسى مەن ەرەجەسىنە قالاداعى بار عيماراتتار قانا ەمەس, جاڭا نىسانداردىڭ باسىم بولىگى ساي سالىنباعانى انىقتالىپ جاتىر. سوندىقتان قابىلدايتىن كوميسسيا قۇرامىن وزگەرتۋ ماسەلەسى كوتەرىلۋدە.
«قالادا جاڭادان سالىنىپ جاتقان نىساندار وتە كوپ. سول بويىنشا سالىنعان قۇرىلىس نورماسى مەن ەرەجەسىمەن سالىستىرعان كەزدە ساي كەلمەيدى. جاڭا نىسانداردى قابىلدايتىن كوميسسياعا ءبىزدىڭ دەپارتامەنتتى قول جەتىمدىلىك بويىنشا ءبىزدىڭ دەپارتامەنت قىزمەتكەرلەرىن قوسۋ بويىنشا ۇسىنىس بەرىلدى», دەدى الماتى قالاسى ەڭبەك, الەۋمەتتىك قورعاۋ جانە كوشى-قون دەپارتامەنتى باقىلاۋ ءبولىمىنىڭ باسشىسى رۋسلان ىسقاقوۆ.
جىل باسىنان بەرى وسى تۇرعىدا الىپ شاھاردا 32 نىسان تەكسەرىلگەن. الدىمەن مەملەكەتتىك مەكەمەلەر,شاعىن جانە ورتا بيزنەس نىساندارى نازارعا الىنعان. پاندۋستاردىڭ تالاپقا ساي ەمەستىگى, دابىل شاقىرۋ تۇيمەسىنىڭ ىستەمەيتىنى كەكىلدى كەمشىلىكتەر بار. ماسەلەن, الماتى مەملەكەتتىك بيزنەس كوللەجىندە مۇگەدەكتەرگە ارنالعان اجەتحانا جانە تاكتيلدى تاقتا جوق بولىپ شىققان. قازىر ءبىلىم ورداسى ەسكەرتۋدى ورىنداپ جاتىر.
قۇرىلىس نورماسى مەن ەرەجەسىنە سايكەس مىناداي تاكتيلدى تاقتايشا باعانانىڭ اينالاسىنا ورناتىلۋ كەرەك. وقۋ ورنى بۇل ولقىلىقتى جاقىن ارادى جويامىز دەپ وتىر.
ودان بولەك, جەر استى جانە ءۇستى وتكەلدەرى جانە قوعامدىق كولىكتەردەگى مۇگەدەك جاندارعا ارنالعان جاعداي دا قارالعان. مۇندا دا نىسانداردىڭ كەمباعال جاندارعا ءالى دە قول جەتىمسىز ەكەندىگى انىقتالىپتى. ەسكەرتۋلەردى ورىنداۋ ءۇشىن 3 اي مەرزىم بەرىلگەن. ال جاڭا نىسانداردى قابىلداۋعا ەڭبەك, الەۋمەتتىك قورعاۋ جانە كوشى-قون دەپارتامەنتىنىڭ وكىلدەرىن ەنگىزۋ ۇسىنىسى ءتيىستى مەكەمەگە جولدانباق.
كەلەسى جيىندى قىركۇيەك ايىندا وتەدى.
الماتى
