ەكىنشى ورتا سالماق دارەجەسىندە جۇدىرىقتاساتىن ايدوس ەربوسىن ۇلى (12-0, 8 كو) جەرگىلىكتى بوكسشى روككي دجەركيچپەن (17-2, 13 كو) جۇدىرىقتاسىپ, WBA Inter-Continental, WBO Global جانە WBC Asia بەلبەۋلەرىن قورعاپ قالدى. 10 راۋندقا جوسپارلانعان كەزدەسۋدە ەكى بوكسشى سوڭىنا دەيىن جۇدىرىقتاسىپ, وتانداسىمىز تورەشىلەردىڭ شەشىمى بويىنشا ۇپاي سانىمەن باسىم ءتۇستى. ال قارسىلاسى ەكىنشى رەت جەڭىلىستىڭ كەرمەك ءدامىن تاتتى.
جارتىلاي ورتا سالماقتاعى نۇرسۇلتان جاڭاباەۆ تا (8-0, 5 كو) جەرگىلىكتى بوكسشىمەن ايقاس وتكىزدى. 10 راۋندقا سوزىلعان بۇل جەكپە-جەكتە دە وتانداسىمىز تورەشىلەردىڭ ءبىراۋىز شەشىمىمەن ستيۆوم گاگودان باسىم ەسەپپەن (11-1, 3 كو) جەڭىسكە جەتتى. سونداي-اق قانداسىمىز WBA Inter-Continental, WBO Oriental, IBF Pan Pacific بەلدىكتەرىن قانجىعاسىنا بايلادى.
