كاسىپكەرلەر تاۋىق ەتى مەن جۇمىرتقا باعاسىن الدىن الا كەلىسۋ ارقىلى قىمباتتاتقان. ورىن العان وقيعاعا بايلانىستى تابيعي مونوپوليالاردى رەتتەۋ جانە تۇتىنۋشىلار قۇقىعىن قورعاۋ دەپارتامەنتىنىڭ ماماندارى تەكسەرۋ جۇرگىزىپ, تۇرعىنداردىڭ شاعىمى راستالعان. سوت شەشىمى بويىنشا مونوپوليالىق قىزمەت ناتيجەسىندە تۇسكەن تابىستار تاركىلەنىپ, 350 اەك كولەمىندە ايىپپۇل تولەۋ مىندەتتەلدى. «كاز-كۋر» جشس-نە دە قاتىستى تەرگەۋ جۇرگىزىلدى. ويتكەنى, ءۇش سۋبەكت ءبىر كەڭسەدە ورنالاسقاندىقتان, ءوزارا كەلىسىمگە كەلىپ, ونىمدەرىن قىمباتقا ساۋدالاعان.
«اتالعان سۋبەكتىلەرگە قاتىستى سىبايلاس جەمقورلىق بويىنشا جازا قاراستىرىلىپ, اكىمشىلىك جاۋاپكەرشىلىككە تارتىلدى. ءبىرىنشى جانە ەكىنشى سوت ينتانتسيالارى بۇل سەرىكتەستىكتەرگە ايىپپۇل سالدى. بۇگىنگى تاڭدا سوت تاراپىنان «مەلانا سك» جانە «كۋرينىي راي» جشس ءنىڭ مونوپوليالىق تابىسىن تاركىلەۋ بويىنشا ساراپتاما جۇمىستارى جۇرگىزىلۋدە», دەيدى وبلىستىق تابيعي مونوپوليالاردى رەتتەۋ جانە باسەكەلەستىكتى قورعاۋ دەپارتامەنتى باسشىسىنىڭ ورىنباسارى ناتاليا شاياحمەتوۆا.
سولتۇستىك قازاقستان وبلىسى
