اتالعان شارا حاكىم ابايدىڭ شىعارماشىلىق مۇراسىن ناسيحاتتاۋ ماقساتىندا وتكىزىلىپ وتىر. مەرەكەلىك جيىن بارىسىندا « ۇلى دالانىڭ دانا ويشىلى – اباي», «عاسىرلار ۇندەستىگىندەگى رۋحاني مۇرا» يلليۋستراتسيالىق-كىتاپ كورمەلەرى, «Abaı پوەمالارى. ولەڭدەرى مەن اۋدارمالارى. قارا سوزدەر. اندەرى» مەن «اباي-چەللەندج» كىتاپتارىنىڭ تۇساۋكەسەرى, «قۇنانباي» كينو كورسەتىلىمى, «اباي – ۇلتتىڭ رۋحاني گيپپوكراتى» اتتى دوڭگەلەك ۇستەل, «اباي بەينەسى سۋرەتكەرلەر كوزىمەن» اتتى سۋرەت كورمەسى ۇيىمداستىرىلدى.
رۋحاني كەشكە جينالعان قالىڭ كوپشىلىك ابايدىڭ «كوزىمنىڭ قاراسى», «جەلسىز تۇندە جارىق اي», «قاراڭعى تۇندە تاۋ قالعىپ» اتتى اندەرىن قوسىلا شىرقاپ, وزگە ۇلت وكىلدەرى انا تىلدەرىندە اقىن ولەڭدەرى مەن قارا سوزدەرىن وقىدى.
ءىس-شاراعا قوعام قايراتكەرى, تاريح عىلىمدارىنىڭ دوكتورى, پروفەسسور ومىرزاق وزعانباەۆ, اقىن باقىتجان توباياقوۆ, قازاقستان جازۋشىلار وداعى نۇر-سۇلتان قالاسى فيليالىنىڭ باسشىسى داۋلەتكەرەي كاپ ۇلى, جازۋشى انەس ساراي, ساتيريك كوپەن امىربەك, ت.ب. زيالى قاۋىم وكىلدەرى قاتىستى. سونداي-اق اقىن اۋىلىنان كەلگەن ابايدىڭ ۇرپاعى اقىلبايدان تاراعان ءلايلا اجە شەجىرە تارقاتىپ, جيىننىڭ كورىگىن قىزدىردى.
