وبلىس اكىمدىگى, «ترامۆاي باسقارماسى» اق, «ازاماتتارعا ارنالعان ۇكىمەت» مەملەكەتتىك كورپوراتسياسى وبلىستىق فيليالى بىرلەسىپ وسىنداي باستاما جاسادى. ياعني, «ەلەكتروندى ۇكىمەتپەن» جۇمىس جاساۋ ارقىلى بيۋدجەت قاراجاتىن ۇنەمدەۋگە بولادى.
ترامۆايعا مىنگەن تۇرعىندارعا مەملەكەتتىك قىزمەت الۋدى نەمەسە «ەلەكتروندى ۇكىمەت» ءموبيلدى ازاماتتار بازاسىنا تىركەلۋدى ۇسىنادى. بۇل ەلەكتروندى تسيفرلى قولتاڭبانى قاجەت ەتپەيتىن 44 مەملەكەتتىك قىزمەتتى وزدىگىنەن الۋعا مۇمكىندىك بەرەدى.
ۆاگونداردا Egov پورتالى ارقىلى جۇمىس جاسايتىن قىزمەتتى الۋشىلارعا ارنالعان ءتيىستى جارناما, بۋكلەتتەر, بروشيۋرالار, جادىنامالار ورنالاستىرىلعان.
ترامۆاي سالونىنداعى تەلەديداردا Egov پورتالىندا جۇمىس ىستەۋ بويىنشا كورنەكى كەڭەستەر بەرىلىپ, بەينەروليكتەر كورسەتىلەدى. پارول ارقىلى «ەلەكتروندى ۇكىمەتتىڭ» ءموبيلدى ازاماتتار بازاسىندا تىركەۋدەن وتە الادى. سونداي-اق وقىتۋ شاراسى كەزىندە Egov پورتالىنىڭ بەتتەرى كورسەتىلەدى, ونىڭ كومەگىمەن مەسسەندجەر پايدالانۋشىلارى ءتۇرلى انىقتامالار الىپ, مەديتسينالىق ۇيىمعا تىركەلىپ, حقكو-عا كەزەككە تۇرا الادى.
وسى جاڭاشىلدىق ارقىلى ماماندار «ەلەكتروندى ۇكىمەت» پورتالىندا ەلەكتروندى مەملەكەتتىك قىزمەتتەردى الۋدىڭ قولجەتىمدىلىگى مەن قاراپايىمدىلىعىن كورسەتە الادى. ويتكەنى قازىر ءبىر انىقتامانى حالىققا قىزمەت كورسەتۋ ورتالىعىنا بارىپ, كەزەكتە تۇرىپ الۋدىڭ قاجەتتىلىگى جوق. Egov ارقىلى ليتسەنزيانى رەسىمدەۋ ءۇشىن تەك جسن قاجەت. ال بارلىق قالعان دەرەكتەردى اۆتوماتتى سۇراۋلاردىڭ كومەگىمەن الا الاسىز.
كوممۋنالدىق قىزمەتتەر اقىسى مەن ايىپپۇلداردى دا ونلاين تولەۋگە بولادى. بيزنەستى دە دەربەس تىركەپ, بالانىڭ بالاباقشاداعى كەزەگىن كەز كەلگەن ۋاقىتتا بىلۋگە بولادى.
ماماندار جولاۋشىلارعا مەملەكەتتىك قىزمەتتى تەلەگرام مەسسەندجەرى ارقىلى الۋدى ۇيرەتتى. قوسىمشادا @EgovKzBot پورتالىنىڭ ارنايى بوتى جۇمىس ىستەيدى. ول ارقىلى مەكەنجاي انىقتاماسىن سمارتفوندى بىرنەشە رەت شەرتىپ الۋعا بولادى.
پاۆلودار
