سپورت • 13 تامىز، 2019

الەمنىڭ ەكس-ءبىرىنشى راكەتكاسىمەن كەزدەسەدى

26 رەتكورسەتىلدى

قازاقستاندىق تەننيسشى زارينا دياس اقش-تىڭ تسينتسينناتي قالاسىندا ءوتىپ جاتقان «ماستەرس» سەرياسىنا ەنەتىن حالىقارالىق ءتۋرنيردىڭ ىرىكتەۋ كەزەڭىندە ءساتتى ونەر كورسەتىپ، نەگىزگى كەزەڭگە جولداما الدى.

 

Western & Southern Open جارىسىنىڭ ىرىكتەۋ فينالىندا 25 جاستاعى وتانداسىمىز جەرگىلىكتى تەننيسشى دجەسسيكا پەگۋلامەن كۇش سىناسىپ، ءۇش سەتكە سوزىلعان باسەكەدە زارينا دياس  6:7، 7:6، 6:4 ەسەبىمەن جەڭىسكە جەتتى. دياس الەمدىك رەيتينگتە 80-ورىندا بولسا، اقش ارۋى الەمنىڭ 56-راكەتكاسى سانالادى.

ەندى جەرلەسىمىز ءتۋرنيردىڭ نەگىزگى كەزەڭىندە الەمنىڭ ەكس-ءبىرىنشى راكەتكاسى امەريكالىق سەرەنا ۋيليامسپەن ەكىنشى اينالىمنىڭ جولداماسىن ساراپقا سالادى. ۋيليامس قازىرگى تاڭدا WTA رەيتينگىندە سەگىزىنشى ساتىدا تۇر. ەكى تەننيسشى اراسىن­داعى كەزدەسۋ بۇگىنگە جوسپارلانعان.

سوڭعى جاڭالىقتار

ۇقساس جاڭالىقتار