بەلگىلى بولعانداي, اككى الاياقتار زاڭسىز ارەكەتتەرىن 2015 جىلدان بەرى ىسكە اسىرىپ كەلگەن. جەدەل ىزدەستىرۋ شارالارىنىڭ ناتيجەسىندە شىلدەنىڭ 27-ءسى كۇنى پاۆلودار وبلىسىنىڭ ەكى تۇرعىنى جالعان كاسىپورىننىڭ بانك شوتىنان 7,5 ملن تەڭگە الىپ جاتقان جەرىنەن قولعا ءتۇستى. كۇدىكتىلەردىڭ تۇرعىلىقتى مەكەنجايى مەن كەڭسەلەرىن ءتىنتۋ بارىسىندا 9 200 اقش دوللارى, 20 ملن تەڭگەدەن اسا اقشالاي قاراجات, 14 زاڭدى تۇلعانىڭ ەلەكتروندى-تسيفرلى قولتاڭباسى, ەسەپ قۇجاتتارى جانە كەڭسە تەحنيكاسى تابىلدى.
«زاڭدى بەلشەسىنەن باسقان قىلمىستىق توپتىڭ ارەكەتىنەن مەملەكەتكە 5 ملرد تەڭگە كولەمىندە سالىق تۇسكەن جوق. بۇل سوماعا شامامەن 2-3 بالاباقشا, مەكتەپ جانە اۋرۋحانا سالۋعا بولادى», دەلىنگەن قۇزىرلى ورگان تاراتقان اقپاراتتا.
قازىر اتالعان توپتىڭ قاتارىنا 30-دان استام ادام تارتىلعانى ءمالىم بولىپ وتىر. سوت سانكتسياسىنا سايكەس, ولاردىڭ ۇشەۋى قاماۋعا الىنىپ, تاعى ءبىر قىلمىسكەرگە حالىقارالىق ىزدەۋ جاريالاندى.
