پروبلەماعا جاڭا كوزقاراس ۇسىنىلدى
جۇما, 1 ناۋرىز 2013 8:03
يران پروبلەماسىن تەك ديپلوماتيالىق جولمەن, حالىقارالىق كەلىسسوزدەر ارقىلى شەشۋ كەرەك ەكەنىنە سەنىمىم كامىل. جانە دە حالىقارالىق بىتىمگەرشىلەر «التىلىعىنىڭ» – اقش, ۇلىبريتانيا, فرانتسيا, رەسەي, قىتاي, گەرمانيا, سونداي-اق, تەھران وكىلدەرى كەزدەسۋىنىڭ ناق الماتىدا, قازاقستان جەرىندە ءوتۋى تىپتەن دە كەزدەيسوق ەمەس. ويتكەنى, ءبىزدىڭ ەلىمىز ءوزىنىڭ تاۋەلسىزدىگىنە قول جەتكىزە سالىسىمەن ليسسابون حاتتاماسىنا العاش بولىپ قول قويىپ, الەۋەتى جونىنەن الەمدەگى ءتورتىنشى يادرولىق ارسەنالىنان ءوز ەركىمەن باس تارتتى.
جۇما, 1 ناۋرىز 2013 8:03
يران پروبلەماسىن تەك ديپلوماتيالىق جولمەن, حالىقارالىق كەلىسسوزدەر ارقىلى شەشۋ كەرەك ەكەنىنە سەنىمىم كامىل. جانە دە حالىقارالىق بىتىمگەرشىلەر «التىلىعىنىڭ» – اقش, ۇلىبريتانيا, فرانتسيا, رەسەي, قىتاي, گەرمانيا, سونداي-اق, تەھران وكىلدەرى كەزدەسۋىنىڭ ناق الماتىدا, قازاقستان جەرىندە ءوتۋى تىپتەن دە كەزدەيسوق ەمەس. ويتكەنى, ءبىزدىڭ ەلىمىز ءوزىنىڭ تاۋەلسىزدىگىنە قول جەتكىزە سالىسىمەن ليسسابون حاتتاماسىنا العاش بولىپ قول قويىپ, الەۋەتى جونىنەن الەمدەگى ءتورتىنشى يادرولىق ارسەنالىنان ءوز ەركىمەن باس تارتتى.
ءىس جۇزىندە, جاھاندىق تاريحتىڭ جاڭا ءداۋىرى وسى ساتتەن باستالدى. قازاقستان قارۋسىزدانۋ ۇدەرىستەرىنە باستاماشىلىق تانىتا وتىرىپ, ونى الەمدىك اۋقىمدا ءارى قاراي ۇندەۋگە مورالدىق جاعىنان تولىق قۇقىقتى دەپ سانايمىز. وسى تۇرعىدان كەلگەندە, يراننىڭ يادرولىق باعدارلاماسىنا بايلانىستى ماڭىزدى كەلىسسوزدەردىڭ كەزەكتى كەزەڭىنىڭ الماتىدا وتكەنىن زاڭدى دەپ بىلەمىز. بۇل جەردە يران ۇلتتىق جوعارى كەڭەسىنىڭ حاتشىسى سايد ءدجاليليدىڭ وسى كەلىسسوزدەرگە ەرەكشە نازار اۋدارعانى ءۇشىن پرەزيدەنت نۇرسۇلتان نازارباەۆقا ريزاشىلىق ءبىلدىرۋى دە ورىندى كورىنەدى.
يران – ءبىزدىڭ كاسپي تەڭىزى بويىنداعى كورشىمىز. سوندىقتان ءبىز وسى وڭىردەگى تۇراقتىلىققا ءمۇددەلىمىز. بىراق بۇل تۇراقتىلىق تەك بەيبىت جولمەن عانا قامتاماسىز ەتىلۋى ءتيىس.
ءبىز پروبلەمانىڭ ءسال دە بولسا ىلگەرىلەپ, الماتى كەزدەسۋىنىڭ بەلگىلى ءبىر دەڭگەيدە ناتيجەلى بولۋ دەرەگىن قۋاتتايمىز. بۇل جولى پروبلەماعا جاڭا كوزقاراس ۇسىنىلدى. ارينە, ءوزىنىڭ اۋقىمى جونىنەن كۇردەلى بولىپ تابىلاتىن اتالعان پروبلەمانى كەلىسسوزدەردىڭ ءبىر كەزەڭى ىشىندە وڭ شەشىپ تاستاۋ مۇمكىن ەمەس ەكەنى بارشاعا تۇسىنىكتى, ول ءۇشىن ۋاقىت كەرەك. «التىلىقتىڭ» ءساۋىر ايىنا بەلگىلەنگەن الماتىداعى كەلەسى كەزدەسۋى ناقتى ناتيجە اكەلەدى دەپ ۇمىتتەنەيىك.
كيم سەرىكباەۆ,
قازاقستان رەسپۋبليكاسىنىڭ ەڭبەك سىڭىرگەن قايراتكەرى,
اسكەري عىلىمدار دوكتورى.
