اتالعان شاراعا وزبەكستاننىڭ مۇددەلى مەملەكەتتىك ورگاندارىنىڭ, جۇزدەن اسا ساۋدا جانە كولىك-لوگيستيكالىق كومپانيالار وكىلدەرى قاتىستى.
تۇساۋكەسەر بارىسىندا «KTZ Express» اق باس ديرەكتورى دميتري ابدۋللاەۆ كومپانيانىڭ «حالىقارالىق كولىك دالىزدەرى مەن ءوزىنىڭ ينفراقۇرىلىمدىق مۇمكىندىكتەرىن پايدالانا وتىرىپ, از شىعىندى تاسىمالداردى جۇزەگە اسىرىپ, كليەنتكە باعىت ۇستانۋ دەڭگەيىن ارتتىرىپ, سەرۆيستى كەڭەيتۋ بويىنشا بەلسەندى جۇمىس جۇرگىزىپ جاتقانىن» العا تارتتى.
«KTZ Express» اق جاڭارتىلعان بيزنەس-مودەلىندە «سۋىق پويىز» رەجيمىندەگى كونتەينەرلىك تاسىمالداردى ۇيىمدارتىرۋ مەن LCL-تاسىمال, شاعىن جۇكتەردى تاسىمالداۋ, قويمالىق لوگيستيكا, لوگيستيكالىق اۋتسورسينگ, وندىرىستىك لوگيستيكا سياقتى باعىتتار جۇمىس ىستەيدى.
كاسپي فيدەرلىك جەلىسىن پايدالانىپ تۇراقتى كونتەينەرلىك تاسىمالداردى ۇيىمداستىرۋعا, سونىڭ ىشىندە رەفريجەراتورلىق كونتەينەرلەر پاركىن پايدالانىپ, كومپانيا قىزمەتىنىڭ نەگىزگى باعىتتارىنا جانە لوگيستيكالىق جوبالارعا ۇلكەن نازار اۋدارىلۋدا.
كومپانيا سىرتقى +50 دەن -50 دەيىنگى گرادۋستا +20 دان -20 گرادۋسقا دەيىن ىشكى تەمپەراتۋرانى اۆتوماتتى ساقتاۋ رەجيمىندەگى 27 تونناعا دەيىن جۇككوتەرىمدى 45-فۋتتىق رەفريجەراتورلىق كونتەينەرلەرگە يە. كونتەينەردىڭ ۇزارتىلعان بازاسى تەك قانا ىشكى كولەمدى 80 تەكشە مەترگە دەيىن ۇلعايتىپ عانا قويمايدى, سونىمەن بىرگە 800 ليتر كولەمىندەگى وتىن باگىن ورناتۋعا مۇمكىندىك بەرەدى. توڭازىتقىش قۇرىلعىسى ديزەل-گەنەراتوردىڭ ارقاسىندا اۆتونومدى 20 تاۋلىكتەن استام جۇمىس ىستەي الادى. تاسىمالدىڭ وسىنداي ءتۇرى تۇراقتى كونتەينەرلىك پويىزداردىڭ ءجۇرىس-تۇرىسىن قامتاماسىز ەتۋگە مۇمكىندىك بەرەدى. تەمپەراتۋرالىق وزگەرىستەرگە سەزىمتال جۇكتەر جىل بويى جەتكىزىلەدى.
بۇگىنگى تاڭدا كونتەينەرلىك سەرۆيس رەسەي, ورتالىق ازيا, ەۋروپا مەن قىتاي اراسىنداعى باعىتتاردا جولعا قويىلعان, وزبەكستاننان رەسەي مەن قازاقستانعا «سۋىق پويىز» رەجيمىندە رەفريجەراتورلى كونتەينەرلىك تاسىمالدى دامىتۋ ماسەلەسى بەلسەندى پىسىقتالۋدا. سەرۆيستىڭ جۇمىس قۋاتىنا شىعۋىمەن تۇراقتى تۇردە اپتاي سايىنعى كونتەينەرلىك جونەلتىلىم جۇزەگە اسىرىلادى دەپ جوسپارلانۋدا.
تولىقتاي العاندا رەفريجەراتورلى كونتەينەرمەن تاسىمالداۋ ەلەكترونيكا, مەديتسينالىق پەن فارماتسەۆتيكالىق تاۋارلاردى, توڭازىتىلعان جانە سۋىتىلعان ونىمدەردى, جەمىس-جيدەكتەردى قوسقاندا, تەمپەراتۋرالىق رەجيمدى ساقتاۋدى تالاپ ەتەتىن جۇكتەردى تاسىمالداۋ كولەمىن ارتتىرۋعا ىقپال ەتەدى.
فورۋم قاتىسۋشىلارىنا سونداي-اق كاسپي تەڭىزىندەگى قازاقستاندىق جانە ازىربايجاندىق پورتتار ارقىلى, اتالعان باعىت بويىنشا جۇكاعىنىنىڭ ارتتىرۋ جانە جاعرافيسىن ارى قاراي كەڭەيتۋ ماقساتىمەن تۇركيا مەن ەۋروپاعا, قاراتەڭىز باسسەينى ەلدەرىنە, وزبەكتىڭ جۇكتەرىن جەتكىزۋدىڭ بالاما جولى رەتىندە ترانسكاسپي باعىتى مۇمكىندىكتەرى پاش ەتىلدى.
بيزنەس-فورۋم قازاقستاننىڭ كولىكتىك الەۋەتىن جۇزەگە اسىرۋعا جانە كولىكتىك قىزمەتتىڭ ساپاسىن ارتتىرۋعا, لوگيستيكالىق سەرۆيس, وندىرىستىك كووپەراتسيا سالاسىنداعى قازاقستان مەن ورتالىق ازيا ەلدەرى اراسىنداعى وڭىرارالىق ىنتىماقتاستىقتى دامىتۋعا ىقپال ەتەتىن بولادى.
