بولاشاقتىڭ ءبىر باستاۋى بالاباقشا
جۇما, 1 اقپان 2013 6:45
«نۇر وتان» حدپ الماتى وبلىستىق فيليالى ««بالاپان» باعدارلاماسىنىڭ جەتىسۋ جەرىندە جۇزەگە اسىرىلۋى تۋرالى قوعامدىق تىڭداۋ وتكىزدى.
بۇل شارانىڭ ءبىر ەرەكشەلىگى, باياندامالار وقىلعان سوڭ, «قۋانسا بالا قۋانسىن» دەگەن دانالىقتى بەرىك ۇستانعان ماماندار سول بۇلدىرشىندەرگە ءمۇمكىندىگىنشە جاعداي جاساپ,
جۇما, 1 اقپان 2013 6:45
«نۇر وتان» حدپ الماتى وبلىستىق فيليالى ««بالاپان» باعدارلاماسىنىڭ جەتىسۋ جەرىندە جۇزەگە اسىرىلۋى تۋرالى قوعامدىق تىڭداۋ وتكىزدى.
بۇل شارانىڭ ءبىر ەرەكشەلىگى, باياندامالار وقىلعان سوڭ, «قۋانسا بالا قۋانسىن» دەگەن دانالىقتى بەرىك ۇستانعان ماماندار سول بۇلدىرشىندەرگە ءمۇمكىندىگىنشە جاعداي جاساپ, ۇلتتىق تاربيەمەن قاندىرا سۋسىنداتۋ ماسەلەلەرى بويىنشا اشىق پىكىر الماستى. بۇگىنگى كۇنگە دەيىن وبلىس بويىنشا سەگىز بالاباقشا عيماراتىن مەنشىك يەلەرى وبلىستىق ءبىلىم باسقارماسىنىڭ قۇزىرىنا اقىسىز قايتارسا, اتالعان ۇجىم 2010-2012 جىلدارى جەرگىلىكتى بيۋدجەت ەسەبىنەن 609 ملن. 321 مىڭ تەڭگەگە ون ءتورت بالاباقشا عيماراتىن رىنوكتىق باعامەن ساتىپ العان. بىلتىرعى جىلى وبلىس بويىنشا 1105 ورىندى ون ءۇش بالاباقشا اشىلىپ, بۇلدىرشىندەر كۇلكىسىنە بولەنسە, ەندى 280-320 ورىندى ەلۋ بالاباقشا اشۋ قاجەتتىلىگى تۋىنداپ وتىر.
«جالپى, مەملەكەتتىك «بالاپان» باعدارلاماسىنا سايكەس وبلىستا 139 بالاباقشا مەن 173 شاعىن ورتالىق اشىلىپ, قاجەتتىلىك 57,7 پايىزعا قامتىلىپ, جيىرما بەس مىڭ ءبۇلدىرشىندى قۋانتتىق. دەسەك تە, وسى تۇستا سالا ماماندارىنا ايتارىم, بۇگىنگى كۇنگى ەسەپ بويىنشا, الماتى وبلىسىندا 80 شارشى مەتر تۇرعىن ءۇي قۇرىلىسىن تولىعىمەن سالىپ, ءبىتىرۋ ءۇشىن 6 ملن. تەڭگە جۇمسالادى ەكەن. ال, ءبىلىم باسقارماسىنىڭ باسشىلارى ساتىپ العان بالاباقشالاردىڭ ارقايسىسىنىڭ قۇنى (وبلىستىق ءبىلىم باسقارماسى باستىعىنىڭ ورىنباسارى مايگۇل وماروۆا ەسەپتى بايانداماسىندا ايتقان سومانى ون ءتورت بالاباقشاعا بولسەك), 43 ملن. 523 مىڭ تەڭگەدەن اينالىپ وتىر. وسى جاعىن ويلايىق. بۇلدىرشىندەرگە ءسان-سالتاناتى اسقان «زاماناۋي» قاجەتتىلىكتەرمەن لىقا تولتىرىلعان عيماراتتار ەمەس, تەڭ-تۇستارىمەن ەركىن ارالاسىپ, ءتالىم-تاربيە الاتىن بالاباقشالار قاجەت ەكەندىگىن ەلباسى اشىق ايتتى عوي», دەدى «نۇر وتان» حدپ الماتى وبلىستىق فيليالى توراعاسىنىڭ ورىنباسارى ەرعازى قوشانبەكوۆ.
«بالاپان» باعدارلاماسىنىڭ ورىندالۋىن قاداعالاۋدا قوعامدىق ۇيىمدار باقىلاۋى كۇشەيتىلگەن. جۇرگىزىلىپ جاتقان قۇرىلىستار مەن كۇردەلى, اعىمداعى جوندەۋ جۇمىستارى نىساندارىندا پارتيالىق باقىلاۋ بەكەتتەرى قۇرىلدى. وندا قۇرىلىس ساپاسىنا ەرەكشە ءمان بەرىلەدى. ءار ەلدى مەكەندە بۇرىن جالعا بەرىلگەن, جەكەشەلەندىرىلگەن, پايدالانىلماي بوس تۇرعان بالاباقشا عيماراتتارىن قاجەتتىلىككە جاراتۋ باستى ماسەلە. بۇگىندە جۇمىس ىستەپ تۇرعان بالاباقشالاردا تاربيەشى, اسپازشى, مەدبيكە قىزمەتتەرىن ارناۋلى ءبىلىمى بار مامانداردان جاساقتاۋ, سانيتاريالىق-ەپيدەميولوگيالىق, تازالىق جاعدايىن جاقسارتۋ دا ۋاقىت تالابى.
وسىلاي, جەتىسۋلىقتار بولاشاقتىڭ ءبىر باستاۋى بولىپ سانالاتىن بالاباقشالارعا باسا نازار اۋدارۋدا.
نۇربول الدىباەۆ,
«ەگەمەن قازاقستان».
الماتى وبلىسى.
