قۇرامىندا كاسىپكەرلەر, ەرىكتىلەر, ەكولوگيالىق بەلسەندىلەر جانە قالا تۇرعىندارى بار قاتىسۋشىلار وتريادى كەڭگىر, ساران, قىلىش سۋ قويمالارىنىڭ, بالقاش, نۇرا, ەسىل, جامان سارىسۋ ءتارىزدى كولدەر مەن وزەندەردىڭ بويىن, سونداي-اق, قالالار مەن كەنتتەردەگى ساياباقتاردى قوقىستان تازارتتى.
سەنبى كۇنى وتكەن «بىرگە – تازا قازاقستان!» اكتسياسىن وبلىس ورتالىعىندا 3 مىڭنان استام تۇرعىن قولدادى. اكتسيا قاتىسۋشىلارى قالانىڭ شەتكەرى كوشەلەرىندەگى جولداردىڭ بويىن, ورتالىق ساياباقتىڭ ماڭىن رەتكە كەلتىرىپ, كىشى جانە ۇلكەن بۇقپا وزەندەرىنىڭ ارناسىن قوقىستان تازارتتى. بۇل كۇنى قالدىق توگىلەتىن پوليگونعا 3 مىڭ تونناعا جۋىق قوقىس شىعارىلدى.
قاراعاندى وبلىسى
