ماقسات – ءتۇسىندىرۋ مەن ناسيحاتتاۋ
سەنبى, 12 قاڭتار 2013 7:54
پارلامەنت ءماجىلىسىنىڭ دەپۋتاتتارى سەرىك ۇمبەتوۆ, نۇرلان جازىلبەكوۆ جانە سەنات دەپۋتاتى نۇرلان سۇلەيمەنوۆ ايماقتارداعى سايلاۋشىلارمەن جۇزدەسۋ ءۇشىن الماتى وبلىسىنىڭ اكىمى اڭسار مۇساحانوۆپەن بىرگە قاسكەلەڭ قالاسىنداعى سۇلەيمەن دەميرەل اتىنداعى ۋنيۆەرسيتەتتە بولدى.
سەنبى, 12 قاڭتار 2013 7:54
پارلامەنت ءماجىلىسىنىڭ دەپۋتاتتارى سەرىك ۇمبەتوۆ, نۇرلان جازىلبەكوۆ جانە سەنات دەپۋتاتى نۇرلان سۇلەيمەنوۆ ايماقتارداعى سايلاۋشىلارمەن جۇزدەسۋ ءۇشىن الماتى وبلىسىنىڭ اكىمى اڭسار مۇساحانوۆپەن بىرگە قاسكەلەڭ قالاسىنداعى سۇلەيمەن دەميرەل اتىنداعى ۋنيۆەرسيتەتتە بولدى.
دەپۋتاتتار مەملەكەت باسشىسى نۇرسۇلتان نازارباەۆتىڭ 2050 جىلعا دەيىنگى دامۋ ستراتەگياسى تۋرالى تاريحي جولداۋىنىڭ نەگىزگى باعىتتارىن حالىققا ءتۇسىندىرۋ جانە ناسيحاتتاۋ بارىسىندا ايماقتارعا اتتانعان بولاتىن. وسى ماقساتتا ولار ۋنيۆەرسيتەتتىڭ وقىتۋشى-پروفەسسورلار قۇرامىمەن جۇزدەستى.
سونداي-اق, دەپۋتاتتار قاسكەلەڭدەگى 2012 جىلى پايدالانۋعا بەرىلگەن ورتا مەكتەپتە بولىپ, ۇستازدار ۇجىمىمەن كەزدەسۋدە ورتا ءبىلىم بەرۋدى دامىتۋ ماسەلەسىن تالقىلادى.
* * *
پارلامەنت ءماجىلىسىنىڭ دەپۋتاتتارى مەملەكەت باسشىسى نۇرسۇلتان نازارباەۆتىڭ 2050 جىلعا دەيىنگى دامۋ ستراتەگياسى تۋرالى تاريحي جولداۋىنىڭ نەگىزگى باعىتتارىن حالىققا ءتۇسىندىرۋ جانە ناسيحاتتاۋ بارىسىندا ايماقتارعا اتتانعان بولاتىن.
اتالعان ماقساتپەن ءماجىلىس دەپۋتاتى جەكسەنباي دۇيسەباەۆ اقمولا وبلىسىنىڭ شورتاندى اۋدانىنداعى ناۋچنىي اۋىلىندا بولىپ, ا.باراەۆ اتىنداعى عىلىمي-زەرتتەۋ ينستيتۋتىنىڭ ۇجىمىمەن كەزدەسۋ وتكىزدى.
سونداي-اق, دەپۋتات سول كۇنى اۋدان ورتالىعى – شورتاندىدا اۋداندىق ءماسليحات دەپۋتاتتارىمەن جانە سايلاۋشىلارمەن ءجۇزدەسىپ, ەلباسى جولداۋىنداعى جەرگىلىكتى ءوزىن ءوزى باسقارۋ مەن جۇمىسپەن قامتۋ ماسەلەلەرىنە قاتىستى مەملەكەتتىك باعدارلامالاردىڭ قالاي جۇزەگە اسىرىلىپ جاتقاندىعى جايىنداعى ويلارىمەن ءبولىستى.
* * *
قازاقستان رەسپۋبليكاسىنىڭ پرەزيدەنتى – ەلباسى ن.ءا.نازارباەۆتىڭ قازاقستان حالقىنا جولداۋىن وڭىرلەردە ناسيحاتتاۋ جۇمىستارىن جۇرگىزۋ ماقساتىندا پارلامەنت ءماجىلىسىنىڭ دەپۋتاتتارى ۇ.سادىبەكوۆ, و.وكسىكباەۆ, ق.جاباعيەۆ, ت.اسانوۆ, و.اسانعازى, س.سوروكين جامبىل وبلىسىنداعى جۇمىس ساپارلارىن باستادى.
ماجىلىسمەندەر اۋەلى تاراز قالاسىنىڭ تۇرعىندارىمەن كەزدەسۋلەر وتكىزدى. كەزدەسۋ بارىسىندا ەلىمىزدىڭ وسى جىلعا دەيىنگى جەتكەن جەتىستىكتەرى ناقتى مالىمەتتەر ارقىلى باياندالىپ, ەلباسىنىڭ «قازاقستان-2050» ستراتەگياسى بويىنشا العا قويعان مىندەتتەرى توڭىرەگىندە باياندامالار جاسالدى. ماجىلىسمەندەر ءتۇرلى سۇراقتار بويىنشا ناقتى جاۋاپتار بەرىپ, كەزدەسۋگە قاتىسۋشىلار ەلباسى باستاماسىن ۇلكەن ىقىلاسپەن قولدايتىندىقتارىن مالىمدەدى.
سونىمەن قاتار, ءماجىلىس دەپۋتاتتارى تاراز قالاسىنداعى كەرىمباي اتىنداعى №12 ورتا مەكتەپ بازاسىندا قالا تۇرعىندارىمەن كەزدەسۋ وتكىزىپ, ەلباسى جولداۋى بويىنشا ءتۇسىندىرۋ, ناسيحات جۇمىستارىن جۇرگىزدى.
كەزدەسۋدەن سوڭ مەملەكەتتىك «بالاپان» باعدارلاماسى اياسىندا سالىنعان «ەر توستىك» بالالار باقشاسىمەن جانە تۇرعىن ءۇي- كوممۋنالدىق شارۋاشىلىقتى جاڭعىرتۋ باعدارلاماسى بويىنشا جوندەۋدەن وتكەن «سامال» شاعىن اۋدانىنداعى №11 ۇيدەگى جۇمىس ناتيجەلەرىمەن تانىسىپ, تۇرعىندارمەن اڭگىمەلەستى.
* * *
پارلامەنت ءماجىلىسىنىڭ دەپۋتاتى, «حالىق كوممۋنيستەرى» فراكتسياسىنىڭ مۇشەسى جامبىل احمەتبەكوۆ ماڭعىستاۋ وبلىسىنا مەملەكەت باسشىسى نۇرسۇلتان ءابىش ۇلى نازارباەۆتىڭ 2050 جىلعا دەيىنگى دامۋ ستراتەگياسى تۋرالى تاريحي جولداۋىنىڭ نەگىزگى باعىتتارىن حالىققا ءتۇسىندىرۋ جانە ناسيحاتتاۋ ماقساتىمەن باردى.
جامبىل احمەتبەكوۆ ءوز ساپارىن قحكپ وبلىستىق كوميتەتى اكتيۆىمەن كەزدەسۋدەن باستادى.
ول جينالعاندارعا «حالىق كوممۋنيستەرى» دەپۋتاتتىق فراكتسياسىنىڭ جۇمىسى جانە ءوزىنىڭ پارلامەنت ءماجىلىسى الەۋمەتتىك-مادەني دامۋ كوميتەتىنىڭ قۇرامىنداعى جۇمىسى جونىندە ايتىپ بەردى.
– وتكەن جىل ىشىندە بىزدەر 91 زاڭ جوباسىن قاراستىردىق, ولاردىڭ 76-سى سەناتقا جولداندى. پارتيامىزدان سايلانعان دەپۋتاتتار ءماجىلىستىڭ بارلىق جەتى كوميتەتىندە قىزمەت اتقارادى, – دەپ جامبىل ءاۋجان ۇلى اڭگىمەسىن جالعاستىردى.
كەزدەسۋ ماڭعىستاۋلىق حالىق كوممۋنيستەرىمەن سۇحباتقا ۇلاستى.
