پرەزيدەنت جولداۋى – ءماجىلىس دەپۋتاتتارىنىڭ باتىس قازاقستانداعى كەزدەسۋلەرىنىڭ ارقاۋى
سەنبى, 12 قاڭتار 2013 7:33
نۇرلان نىعماتۋلين: ەلباسىنىڭ جاڭا ستراتەگيالىق باعىتىن جۇزەگە اسىرۋ ءاربىر قازاقستاندىقتىڭ جاڭا ءداۋىر تىنىسىن سەزىنۋىنە مۇمكىندىك بەرەدى.
حالىق قالاۋلىلارى جاڭا جىلداعى العاشقى كەزدەسۋلەرىن ەلىمىز ءۇشىن تاريحي قۇجاتقا اينالعان ەلباسى نۇرسۇلتان ءابىش ۇلى نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» جولداۋىن تالقىلاۋعا ارنادى.
سەنبى, 12 قاڭتار 2013 7:33
نۇرلان نىعماتۋلين: ەلباسىنىڭ جاڭا ستراتەگيالىق باعىتىن جۇزەگە اسىرۋ ءاربىر قازاقستاندىقتىڭ جاڭا ءداۋىر تىنىسىن سەزىنۋىنە مۇمكىندىك بەرەدى.
حالىق قالاۋلىلارى جاڭا جىلداعى العاشقى كەزدەسۋلەرىن ەلىمىز ءۇشىن تاريحي قۇجاتقا اينالعان ەلباسى نۇرسۇلتان ءابىش ۇلى نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» جولداۋىن تالقىلاۋعا ارنادى.
قازاقستان پارلامەنتى ءماجىلىسىنىڭ توراعاسى نۇرلان نىعماتۋلين باتىس قازاقستان وبلىسى حالقىمەن جانە ەڭبەك ۇجىمدارىمەن كەزدەستى.
باتىسقازاقستاندىقتار پرەزيدەنتتىڭ حالىققا جولداۋىن ەرەكشە ىقىلاسپەن قابىل الدى. سەبەبى, ەلباسى ۇسىنىپ وتىرعان جاڭا ستراتەگيالىق باعىت بۇكىل ەلىمىزگە جانە ءاربىر ايماققا ودان ءارى قارقىندى دامۋعا جانە قۇبىلمالى تاريحي جاعدايدا ۇزاقمەرزىمدى تۇراقتى دامۋعا قابىلەتتى بولۋعا سەرپىن بەرىپ وتىر.
بۇگىنگى كۇنى باتىس قازاقستان وبلىسى مەملەكەتتىك جانە حالىقارالىق دەڭگەيدەگى ءىرى جوبالاردا تابىستى پايدالانىلىپ كەلە جاتقان مىقتى وندىرىسىمەن, تابيعي, كادرلىق پوتەنتسيالىمەن ماقتانا الادى. سوندىقتان بولار, پارلامەنت ءماجىلىسىنىڭ توراعاسى كەزدەسۋ وتكىزگەن باتىسقازاقستاندىق ماشينا جاساۋ كومپانياسىندا (بقمك) قىزۋ تالقىلاۋ ءوتتى. كەزدەسۋ بارىسىندا پرەزيدەنتتىڭ جاڭا ستراتەگيالىق باعىتىنىڭ يننوۆاتسيا, يندۋستريالاندىرۋدىڭ جاڭا كەزەڭى, ەلىمىزدىڭ ەكونوميكالىق ءوسۋى مەن ودان ءارى دامۋى ءۇشىن قازاقستاننىڭ باستى بايلىعى رەتىندە رەسۋرستاردى پايدالانۋ, وتاندىق ونەركاسىپكە ماماندار دايىنداۋ سياقتى وزەكتى تۇستارىنا ەرەكشە نازار اۋدارىلدى.
«پرەزيدەنتىمىز ءوز جولداۋىندا وتە ماڭىزدى ماسەلە – قازاقستاندىق كاسىپورىندارعا ماماندار دايىنداۋعا بارىنشا نازار اۋدارۋدا. ويتكەنى, نۇرسۇلتان ءابىش ۇلى نازارباەۆتىڭ ءوزى جۇمىسشى مەكتەبىنەن وتكەن تاجىريبەلى ادام, سوندىقتان, كاسىبي تەحنيكالىق ماماندىقتىڭ قانشالىقتى ماڭىزدى ەكەنىن جاقسى بىلەدى. بۇل ءبىزدىڭ كاسىپورىن ءۇشىن دە وتە قاجەت.
سوندىقتان مەن ەلباسىمىزدىڭ يدەياسىن قولداي وتىرىپ, كۇندەلىكتى جۇمىس بارىسىندا دا جاس ماماندارمەن تاجىريبەمدى بولىسۋگە تىرىسامىن», دەپ ءوز پىكىرىمەن ءبولىستى باتىس قازاقستان ماشينا جاساۋ كومپانياسىنىڭ كادر جونىندەگى ديرەكتورى, كوپتەگەن جاس مامانداردىڭ تالىمگەرى ۆيكتور كۋزنەتسوۆ.
باتىس قازاقستان وبلىسىنىڭ ماشينا جاساۋ كومپانياسى – وبلىستاعى ەڭ ءىرى كاسىپورىنداردىڭ ءبىرى. قازىرگى ۋاقىتتا ونىڭ ءونىمى كوپتەگەن سالالاردا, مۇناي-گاز, قۇرىلىس, اۋىلشارۋاشىلىعىندا جوعارى سۇرانىسقا يە. اسا ماڭىزدى باعىتتارىنىڭ ءبىرى – ازاماتتىق جانە اسكەري-اۆياتسيالىق قوزعالتقىشتاردى جوندەۋ بويىنشا قازاقستان ءۇشىن يننوۆاتسيالىق جانە ەرەكشە بازانى ۇيىمداستىرۋى. كاسىپورىن قىزمەتىنىڭ بۇل ءتۇرى دە ەلىمىز بويىنشا بىرەگەي. الداعى ۋاقىتتا كاسىپورىن جوعارى قىسىمدى سورعىلىق قوندىرعى جوندەۋ مەن ءوندىرۋدى, ازاماتتىق شاعىن اۆياتسيا ءوندىرىسىن مەڭگەرۋدى جوسپارلاپ وتىر.
– پرەزيدەنتىمىز ايتقانداي, بولاشاق – جوعارى تەحنولوگيالار جاساۋدا. ءبىز ونىڭ ەلىمىز ءۇشىن قانشالىقتى ماڭىزدى ەكەنىن جاقسى تۇسىنەمىز. ءبىزدىڭ مەكەمە دە ءبىر ورنىندا تۇرعان جوق. الداعى ۋاقىتتا كاسىپورىن ازاماتتىق شاعىن اۆياتسيا ءوندىرىسىن مەڭگەرۋدى جوسپارلاپ وتىر, – دەدى بقمك №1 ءوندىرىسىنىڭ باستىعى اقىلجان احمەتوۆ.
كومپانيا جۇمىسشىلارى ەلباسىنىڭ يننوۆاتسيالىق-تەحنولوگيالىق باعىتتى قارقىندى دامىتۋ قاجەتتىگىن ايتقان كورەگەندىگى بولاشاققا دەگەن نىق سەنىمدەرىن بەكىتە تۇسكەنىن جەتكىزدى. وعان اعا باقىلاۋ شەبەرى ناتاليا اكۋتينانىڭ: «پرەزيدەنتىمىز نۇرسۇلتان نازارباەۆ ۇزاقمەرزىمدى دامۋ باعىتىن ۇسىنىپ وتىر. ءبىزدىڭ باستى ماقساتىمىز – ەڭبەك ەتۋ. ويتكەنى, الداعى ءومىرىمىزدىڭ قانداي بولاتىنى, بالالارىمىزدىڭ قالاي ءومىر سۇرەتىنى ءبىزدىڭ ارقايسىمىزعا بايلانىستى», دەگەن سوزدەرى دالەل بولا الادى.
حالىقپەن كەزدەسۋ بارىسىندا نۇرلان نىعماتۋلين پرەزيدەنتتىڭ «100 مەكتەپ, 100 اۋرۋحانا» باعدارلاماسى اياسىندا اشىلعان ورال قالاسىنداعى №5 قالالىق ەمحاناسىندا دا بولدى. بۇگىنگى كۇنى بۇل مەديتسينالىق مەكەمە 45 مىڭعا جۋىق ادامدى قامتيتىن قالانىڭ سولتۇستىك-شىعىس اۋدانى تۇرعىندارىنا قىزمەت كورسەتەدى. ەمحانادا كاسىبي مەديتسينالىق كومەك كورسەتۋدىڭ بارلىق جاعدايلارى جاسالعان. بۇل جەردە تۇپكىلىكتى ناتيجەگە مەجەلەنگەن ەڭبەكاقى تولەۋ ەنگىزىلۋدە.
جۇزدەسۋ كەزىندە تالقىلانعان تاقىرىپتىڭ ءبىرى – الەۋمەتتىك ساياساتتىڭ جاڭا ۇستانىمدارى بولدى. وندا دەنساۋلىق ساقتاۋ سالاسىن دامىتۋعا باسا نازار اۋدارىلعان.
– مەديتسينا قىزمەتكەرلەرى ارقاشاندا ەلباسىمىزدىڭ ەرەكشە قامقورلىعىن سەزىنىپ كەلەدى. جاڭا اۋرۋحانالار اشىلىپ, جاڭا تەحنولوگيالار ەنگىزىلۋدە. قازاقستاندىقتاردىڭ ساپالى مەديتسينالىق كومەك الۋى ءۇشىن ءبىز ودان ءارى كاسىبيلىكتى ارتتىرۋعا جۇمىلا كىرىسۋدەمىز, – دەدى №5 قالالىق ەمحانا ديرەكتورىنىڭ مەديتسينالىق جاردەمدى ۇيىمداستىرۋ جونىندەگى ورىنباسارى ينديرا اميروۆا.
سونىمەن قاتار, مەديتسينالىق قىزمەت ساپاسىنىڭ بىرەگەي ستاندارتتارىن ەنگىزۋ, مەديتسينالىق مەكەمەلەردىڭ ماتەريالدىق-تەحنيكالىق جابدىقتارىن ءبىرىڭعايلاندىرۋ, ەلباسى جولداۋىندا ايتىلعان اۋرۋلار ءتۇرىنىڭ بارىنشا كەڭ سپەكترىن دياگنوستيكالاۋ جانە ەمدەۋمەن قامتاماسىز ەتۋ, پروفيلاكتيكالىق مەديتسينانى جەتىلدىرۋ, «سمارت – مەديتسينا», قاشىقتىقتان پروفيلاكتيكا جانە ەمدەۋ, «ەلەكتروندىق مەديتسينا» قىزمەتتەرىن ەنگىزۋ سياقتى وتكىر تاقىرىپتار اڭگىمە وزەگىنە اينالدى.
وبلىستىق كوپسالالى بالالار اۋرۋحاناسى مەديتسينالىق كومەكتىڭ ساپاسىن باسقارۋ جونىندەگى قىزمەت باستىعى الەكساندر گەحمان:
– ورتالىقتان الىس جاتقان كوپتەگەن اۋداندارى بار ءبىزدىڭ وبلىس ءۇشىن پرەزيدەنتىمىز ايتقان سمارت-مەديتسينا, قاشىقتىقتان ەمدەۋ سياقتى مەديتسينالىق قىزمەتتىڭ جاڭا تۇرلەرىن ەنگىزۋ وتە ماڭىزدى, – دەدى ءوز سوزىندە.
سونداي-اق, اق جەلەڭدىلەر ءماجىلىس توراعاسىنان جاستارعا قانداي قولداۋ كورسەتىلەدى, بۇل ماسەلە زاڭدىق تۇرعىدا قالاي شەشىلەدى, ايماقتىق جانە جاھاندىق قاۋىپسىزدىك پروبلەمالارى سياقتى وزدەرىن تولعاندىرعان ساۋالدارعا جاۋاپ الىپ قالۋعا تىرىستى. وسىدان كەيىن نۇرلان نىعماتۋلين كەزدەسۋدى قورىتىندىلاي كەلىپ: «ەلباسىمىز نۇرسۇلتان ءابىش ۇلى نازارباەۆتىڭ «قازاقستان-2050» ستراتەگياسى باتىس قازاقستان وبلىسىندا دا كەڭ قولداۋعا يە بولۋدا. سەبەبى, وتانىمىزدىڭ جاڭا ەكونوميكالىق, الەۋمەتتىك جانە ساياسي دامۋ باعىتى ەلىمىز ازاماتتارىنا ەرەكشە سەرپىن بەرگەنى ءسوزسىز. سوندىقتان, ولار وزدەرىنىڭ جانە ۇرپاعىنىڭ جارقىن بولاشاعىن تىكەلەي وسى تاريحي جولداۋمەن بايلانىستىرىپ وتىر», دەپ ءوز ويىن تۇيىندەدى.
وڭىرگە ساپار بارىسىندا نۇرلان نىعماتۋلين تاعى دا بىرقاتار الەۋمەتتىك نىسانداردى ارالادى.
تەمىر قۇسايىن,
«ەگەمەن قازاقستان».
باتىس قازاقستان وبلىسى.
سۋرەتتى تۇسىرگەندەر
رافحات حالەلوۆ,
الەكساندر كۋپريەنكو.
