قوعامدىق قابىلداۋلاردىڭ كومەگى كوپ
بەيسەنبى, 10 قاڭتار 2013 7:24
كەشە «نۇر وتان» حدپ ورتالىق اپپاراتىندا 2012 جىلى اتقارىلعان قوعامدىق قابىلداۋ قىزمەتىنىڭ قورىتىندىسىنا ارنالعان بريفينگ بولىپ ءوتتى. بىلتىر پارتيانىڭ قوعامدىق قابىلداۋ بولمەلەرىنە 86 930 ادام كەلىپتى. دەمەك, 2011 جىلعا قاراعاندا 7 791 ادام كوپ كەلگەن ەكەن.
بەيسەنبى, 10 قاڭتار 2013 7:24
كەشە «نۇر وتان» حدپ ورتالىق اپپاراتىندا 2012 جىلى اتقارىلعان قوعامدىق قابىلداۋ قىزمەتىنىڭ قورىتىندىسىنا ارنالعان بريفينگ بولىپ ءوتتى. بىلتىر پارتيانىڭ قوعامدىق قابىلداۋ بولمەلەرىنە 86 930 ادام كەلىپتى. دەمەك, 2011 جىلعا قاراعاندا 7 791 ادام كوپ كەلگەن ەكەن.
ازاماتتار نەگىزىنەن قۇقىقتىق جاردەم, تۇرعىن ءۇي-كوممۋنالدىق ماسەلەلەر مەن باسپانا الۋعا ىقپال ەتۋ, جۇمىسقا ورنالاسۋ ماسەلەلەرى جونىندە وتىنىشپەن كەلەتىنى انىقتالىپ وتىر.
مەملەكەتتىك جانە قۇزىرەتتى ورگاندارعا جىبەرىلگەن 20 617 ءوتىنىشتىڭ 16 097-سىنە جاۋاپ الىندى. ونىڭ ىشىندە 8 007-ءسى, ياعني 50 پايىزى شەشىلدى. ال قالعانى بويىنشا ءتۇسىندىرىلىپ, ءجون كورسەتىلدى.
پارتيانىڭ قوعامدىق قابىلداۋ بولمەلەرىندە بارلىق دەڭگەيدەگى دەپۋتاتتار 7 148 قابىلداۋ جۇرگىزىپ, 18 159 ادامدى قابىلدادى. ونىڭ ناتيجەسى بويىنشا 16 013 ءوتىنىش قارالىپ, ونىڭ 7 202 ءوتىنىشى وڭ شەشىمىن تاپتى.
شالعايداعى ەلدى مەكەندەردە تۇراتىن ازاماتتاردىڭ ماسەلەلەرىن شەشۋ ماقساتىندا پارتيا فيليالدارى قوعامدىق قابىلداۋ بولمەلەرىنىڭ قىزمەتكەرلەرى مەن جەرگىلىكتى اتقارۋشى ورگاندار وكىلدەرى ءوزارا بىرلەسىپ, 1118 كوشپەلى قابىلداۋلار وتكىزدى. وعان 10 مىڭنان اسا ادام قاتىستى.
پارتيا ورتالىق اپپاراتىنىڭ قوعامدىق قابىلداۋ بولمەسىندە مەملەكەتتىك جانە قۇقىق قورعاۋ ورگاندارىنىڭ باسشىلارى ەسەپ بەرۋ كەزەڭىندە 347 ادامدى قابىلداپ, 127 جازباشا ءوتىنىشتى قارادى.
ادۆوكاتتار وداعىنىڭ وكىلدەرى 128 ادامعا تەگىن قۇقىقتىق كەڭەس جانە «قوعامدىق قورعاۋشى» رەسپۋبليكالىق قوعامدىق بىرلەستىگى تۇرعىن ءۇي-كوممۋنالدىق شارۋاشىلىق سالاسىنداعى ماسەلەلەر بويىنشا 18 ادامعا زاڭ تۇرعىسىندا كاسىبي كەڭەس بەردى.
ورتالىق اپپاراتتىڭ قوعامدىق قابىلداۋ بولمەسى مەن ەڭبەك جانە حالىقتى الەۋمەتتىك قورعاۋ مينيسترلىگى 2012 جىلدىڭ 9 قاراشاسىنان باستاعان «ءۇزىلىسسىز بايلانىس» جوباسى اياسىندا 4 قابىلداۋ جۇرگىزىپ, 20 ادامدى قابىلدادى.
2012 جىلعا ارنالعان رەسپۋبليكالىق جەلىلىك ءىس-شارالار كەستەسىنە وراي, پارتيا قوعامدىق قابىلداۋ بولمەلەرى مەملەكەتتىك ورگاندارمەن بىرلەسىپ, مەملەكەتتىك باعدارلامالاردى ىسكە اسىرۋ ماسەلەسىنە قاتىستى 11 رەسپۋبليكالىق اكتسيا ۇيىمداستىردى. وعان 67 823 ادام قاتىستى.
پارلامەنت ءماجىلىسىنىڭ دەپۋتاتتارى – «نۇر وتان» حدپ فراكتسياسىنىڭ مۇشەلەرى «نۇر وتاننىڭ» ورتالىق اپپاراتىنىڭ قوعامدىق قابىلداۋ بولمەلەرىنە كەلىپ, ازاماتتاردىڭ مۇڭ-مۇقتاجىنا قۇلاق اسىپ, ماسەلەلەرىن شەشۋگە كومەك قولدارىن سوزدى.
«ەگەمەن-اقپارات».
