جاڭا باعىتتىڭ قوزعاۋشى كۇشى – جاستار
جۇما, 4 قاڭتار 2013 7:45
ەلباسى تاراپىنان ەركىن ەلدىڭ ەرتەڭى ىسپەتتەس كەيىنگى تولقىننىڭ ءبىلىم الۋى مەن ازامات بولىپ قالىپتاسۋىنا جاسالىپ وتىرعان قامقورلىق شەكسىز. ارينە, بۇعان تەك تەرەڭ ءبىلىم, ەسەلى ەڭبەكپەن عانا جاۋاپ بەرۋ قاجەت دەپ ەسەپتەيمىز. قانداي قامقورلىقتىڭ دا قايتارىمى بولۋى قاجەت. ەگەر بىزدەر, جاستار وكىلدەرى – وقۋ مەن ەڭبەكتە بەلگىلى ءبىر تابىستار مەن ناتيجەلەرگە جەتسەك – قايتارىم دەگەنىمىز دە وسى بولىپ شىعار ەدى. زامانداستارىمىزدىڭ جەكە باستاماشىلدىق ونەگەلەرى دە وسى ارناعا قوسىلسا, ارتىلعان سەنىم اقتالارى انىق.
جۇما, 4 قاڭتار 2013 7:45
ەلباسى تاراپىنان ەركىن ەلدىڭ ەرتەڭى ىسپەتتەس كەيىنگى تولقىننىڭ ءبىلىم الۋى مەن ازامات بولىپ قالىپتاسۋىنا جاسالىپ وتىرعان قامقورلىق شەكسىز. ارينە, بۇعان تەك تەرەڭ ءبىلىم, ەسەلى ەڭبەكپەن عانا جاۋاپ بەرۋ قاجەت دەپ ەسەپتەيمىز. قانداي قامقورلىقتىڭ دا قايتارىمى بولۋى قاجەت. ەگەر بىزدەر, جاستار وكىلدەرى – وقۋ مەن ەڭبەكتە بەلگىلى ءبىر تابىستار مەن ناتيجەلەرگە جەتسەك – قايتارىم دەگەنىمىز دە وسى بولىپ شىعار ەدى. زامانداستارىمىزدىڭ جەكە باستاماشىلدىق ونەگەلەرى دە وسى ارناعا قوسىلسا, ارتىلعان سەنىم اقتالارى انىق.
«قازاقستان-2050» ستراتەگياسى ۇرپاقتار ساباقتاستىعىنىڭ جاڭا دا جارقىن بەتتەرىن اشاتىنى بەلگىلى بولىپ وتىر. ەلباسىنىڭ اعا, ورتاڭعى جانە كەيىنگى بۋىن وكىلدەرىنە ءسوز ارناۋى وسى پىكىرىمىزدىڭ دالەلى. ساباقتاستىق دەگەنىمىز – ءجاي عانا ايتىلا سالار ءسوز ەمەس. ونىڭ ءدال انىقتاماسىن وسى كەزگە دەيىن ەلباسىنىڭ وزىنەن اسىرىپ ايتقان ەشكىم جوق. بۇل ءوز كەزەگىندە بابالارىمىزدىڭ ەركىندىك پەن ەگەمەندىككە جەتۋ جولىنداعى اسقان ەرلىگى, بۇگىنگى بۋىننىڭ ەرەن ىستەرى جانە جاس ۇرپاقتىڭ جاسامپازدىعى دەگەن ۇعىم ەكەن. ماڭگىلىك ەل بولۋىمىزدىڭ باسى دا وسى ءۇش تاعاننان باستالاتىنىن ەلباسىمىز شەگەلەپ اتاپ كورسەتتى.
قوعام مۇشەلەرىنىڭ باقىتتى ءومىر ءسۇرۋى مەن تۇرمىس كەشۋىنىڭ ولشەمدەرى قانداي؟ وسىنداي ولشەم بار ما, ءوزى؟ ءبىز بار دەپ سانايمىز. مۇنداي نىق تا, بەرىك بايلامعا كەلۋىمىزگە رەسپۋبليكا پرەزيدەنتى نۇرسۇلتان نازارباەۆتىڭ كەشەگى كەيىنگى تولقىن جاستارعا ارناپ سويلەگەن ءسوزى ىقپالىن تيگىزدى دەپ بىلەمىن. ءبىزدىڭ ويىمىزشا مۇنداي باقىت ەلباسى اتاپ كورسەتكەندەي, تاۋەلسىز ەلدە تۋىپ, تاۋەلسىز ەلدە تاربيە الۋ دەپ وي قورىتا الامىز. مىنە, ءدال وسىنداي باقىت ءبىزدىڭ بۋىنعا بۇيىرىپتى.
قول جەتپەس قياننان بيىك تە تىڭ ماقساتتارعا جەتەتىن قۇدىرەتتى كۇش – جاستاردىڭ ازات ويى مەن كەمەل ءبىلىمى دەپ تۇجىرىم جاسادى ەلباسى. وسىنداي بيىك ورەدەن كورىنۋگە ۇمتىلساق – ۇرپاقتار ساباقتاستىعىنىڭ عۇمىرى دا ۇزاق, ماڭگىلىك بولىپ قالا بەرەتىنى حاق.
سەرىك مولداعاليەۆ,
باتىس قازاقستان وبلىسىنىڭ جاستار ساياساتى
ماسەلەلەرى باسقارماسىنىڭ باستىعى.
ورال.
