تىلگە كوزقاراس – ەلگە كوزقاراس
جۇما, 4 قاڭتار 2013 7:43
ەلباسىنىڭ بولاشاققا ارنالعان ستراتەگياسى قازاقستاندى جاڭا بەلەسكە شىعارۋعا ارنالعان. بۇل قۇجاتتا ناقتى مىندەتتەر تۇجىرىمدالىپ, ەكشەلىپ بەرىلىپ وتىر. سونىڭ ىشىندە ەلباسىمىز مەملەكەتتىك تىلگە ەرەكشە قۇرمەت كورسەتە وتىرىپ, ناقتى باعدار كورسەتىپ, مىندەتتەر جۇكتەدى.
جۇما, 4 قاڭتار 2013 7:43
ەلباسىنىڭ بولاشاققا ارنالعان ستراتەگياسى قازاقستاندى جاڭا بەلەسكە شىعارۋعا ارنالعان. بۇل قۇجاتتا ناقتى مىندەتتەر تۇجىرىمدالىپ, ەكشەلىپ بەرىلىپ وتىر. سونىڭ ىشىندە ەلباسىمىز مەملەكەتتىك تىلگە ەرەكشە قۇرمەت كورسەتە وتىرىپ, ناقتى باعدار كورسەتىپ, مىندەتتەر جۇكتەدى.
مەملەكەت باسشىسىنىڭ تىلگە بايلانىستى: «قازاق ءتىلى تۋرالى ايتقاندا, ءىستى الدىمەن وزىمىزدەن باستاۋىمىز كەرەكتىگى ۇمىت قالادى.ۇلتتىق مۇددەگە قىزمەت ەتۋ ءۇشىن اركىم وزگەنى ەمەس, الدىمەن ءوزىن قامشىلاۋى ءتيىس.تاعى دا قايتالاپ ايتايىن: قازاق قازاقپەن قازاقشا سويلەسسىن», دەگەن قاعيداتتى تاعى دا قايتالاپ ايتتى.
2050 جىلى كەمەلىنە كەلىپ وركەندەۋدىڭ داڭعىل جولىنا تۇسەتىن قازاقستاندا ەندى 12-13 جىلدان سوڭ جۇرتتىڭ ءبارى جاپپاي قازاق تىلىندە سويلەيتىن بولادى. ارينە, بۇل مىندەتتەردىڭ تولىق ورىندالۋى ءۇشىن بارشامىز ءوز ۇلەسىمىزدى قوسىپ, رۋحاني كۇش-جىگەرىمىزدى اياماۋعا ءتيىسپىز.
الماتى وبلىسىندا مەملەكەتتىك تىلمەن قاتار بارلىق ۇلتتار مەن ۇلىستاردىڭ ءتىلىن, مادەنيەتىن, ءداستۇرىن دامىتۋعا مۇمكىندىك جاسالعان. وزگە ۇلت وكىلدەرىنىڭ قازاق ءتىلىن مەڭگەرۋگە نيەت ءبىلدىرۋى ارتىپ كەلەدى. ەڭ باستىسى, بارلىق ۇلت وكىلدەرى ءبىر-بىرىمەن ءتىل تابىسىپ, بەرەكە-بىرلىكتە ءومىر ءسۇرىپ جاتىر.
جولداۋدا ەلباسىمىز: «قازىر ءبىز بالالارىمىز قازاق تىلىمەن قاتار ورىس جانە اعىلشىن تىلدەرىن دە بەلسەندى مەڭگەرۋ ءۇشىن جاعداي جاساۋعا شارالار قابىلداپ جاتىرمىز. ۇشتىلدىلىك مەملەكەتتىك دەڭگەيدە ىنتالاندىرىلۋى كەرەك», دەپ الەمدىك دەڭگەيدەگى ەلدەردىڭ قاتارىنا جەتۋدەگى ءتىلدى مەڭگەرۋدىڭ جوعارى تالابىن قويدى. ءبىزدىڭ وبلىس ورتالىعىندا تىلدەردى دامىتۋدىڭ مەملەكەتتىك باعدارلاماسىن ورىنداۋ ءۇشىن «ۇشتۇعىرلى ءتىل» مادەني جوباسىن جۇزەگە اسىرۋ ماقساتىندا 2010 جىلدان ورىس ءتىلى مەن اعىلشىن ءتىلى كۋرستارى اشىلعان. مەملەكەتتىك قىزمەتشىلەرگە قازاق ءتىلىن وقىتۋدى ۇيىمداستىرۋ وڭىرىمىزدە تۇراقتى جۇرگىزىلۋدە. بۇگىنگى كۇنى وبلىستا مەملەكەتتىك ءتىلدى, سونداي-اق ورىس جانە اعىلشىن تىلدەرىن ءتيىمدى مەڭگەرۋدە ەڭ ۇزدىك, يننوۆاتسيالىق ءادىستەمەلىكتەردى, تاجىريبەلىك وقۋ-قۇرالدارىن, اۋديو-بەينە ماتەريالداردى قولدانۋدىڭ تىڭ باستاماسى قولعا الىنىپ وتىر.
ۇلتتىق قۇندىلىقتارىمىزدى ساقتاي وتىرىپ, الدىڭعى قاتارلى 30 ەلدىڭ قاتارىنا قوسىلۋ مىندەتى ءبىزدىڭ بارلىق ءبىلىمىمىز بەن بىلىكتىلىگىمىزدى جۇمساپ, ناتيجەلى جۇمىس ىستەۋىمىزدى قاجەت ەتەدى. مەملەكەتتىك تىلگە بايلانىستى ەلباسىمىز ەرەكشە ەكپىنمەن: «قازاق ءتىلى جاپپاي قولدانىس تىلىنە اينالىپ, شىن مانىندەگى مەملەكەتتىك ءتىل مارتەبەسىنە كوتەرىلگەندە, ءبىز ەلىمىزدى قازاق مەملەكەتى دەپ اتايتىن بولامىز», دەدى عوي. ءبىز وسى ابىرويلى مىندەتتى ورىنداۋعا ءتيىسپىز.
تاڭىربەرگەن قاسىمبەركەباەۆ,
الماتى وبلىسىنىڭ
تىلدەردى دامىتۋ جونىندەگى
باسقارماسىنىڭ باستىعى.
