ورايى كەلگەن وڭتايلى ءىس ناتيجەسىندە الداعى كەزدە اتقارىلاتىن جۇمىس تياناقتالدى
سارسەنبى, 12 ماۋسىم 2013 2:06
بيىلعى مامىر ايىنىڭ اياعىندا الماتى قالاسىندا «ينتەرگاز ورتالىق ازيا» كومپانياسىنىڭ باس ديرەكتورى سەرىك ەستاي, قازاقستان-بريتان تەحنيكالىق ۋنيۆەرسيتەتىنىڭ رەكتورى ەسكەندىر بەيسەمبەتوۆ جانە ءبىلىم جانە عىلىم مينيسترلىگىنە قاراستى و.جاۋتىكوۆ اتىنداعى دارىندى بالالارعا ارنالعان رەسپۋبليكالىق مامانداندىرىلعان فيزيكا-ماتەماتيكا ورتا مەكتەپ-ينتەرناتىنىڭ ديرەكتورى قايروش ماقىشەۆ كوپتەن بەرى كوڭىلدە كۇپتى بولىپ جۇرگەن ىنتىماقتاستىق ءجانە كادرلىق رەزەرۆتى ماقساتتى تۇردە دايارلاۋ تۋرالى ءۇش جاقتى مەموراندۋمعا قول قويىپ, بولاشاققا قاراي ءساتتى قادام جاسادى. بىلايشا ايتقاندا, ايدارلارىنان جەل ەسىپ, اسىقتارى الشىسىنان ءتۇستى. ءسويتىپ, وڭتايلى ءىستىڭ باستاۋىنا داڭعىل جول اشتى.
سارسەنبى, 12 ماۋسىم 2013 2:06
بيىلعى مامىر ايىنىڭ اياعىندا الماتى قالاسىندا «ينتەرگاز ورتالىق ازيا» كومپانياسىنىڭ باس ديرەكتورى سەرىك ەستاي, قازاقستان-بريتان تەحنيكالىق ۋنيۆەرسيتەتىنىڭ رەكتورى ەسكەندىر بەيسەمبەتوۆ جانە ءبىلىم جانە عىلىم مينيسترلىگىنە قاراستى و.جاۋتىكوۆ اتىنداعى دارىندى بالالارعا ارنالعان رەسپۋبليكالىق مامانداندىرىلعان فيزيكا-ماتەماتيكا ورتا مەكتەپ-ينتەرناتىنىڭ ديرەكتورى قايروش ماقىشەۆ كوپتەن بەرى كوڭىلدە كۇپتى بولىپ جۇرگەن ىنتىماقتاستىق ءجانە كادرلىق رەزەرۆتى ماقساتتى تۇردە دايارلاۋ تۋرالى ءۇش جاقتى مەموراندۋمعا قول قويىپ, بولاشاققا قاراي ءساتتى قادام جاسادى. بىلايشا ايتقاندا, ايدارلارىنان جەل ەسىپ, اسىقتارى الشىسىنان ءتۇستى. ءسويتىپ, وڭتايلى ءىستىڭ باستاۋىنا داڭعىل جول اشتى.
بۇل ماڭىزدى مەموراندۋمنىڭ ءمانى – تەحنيكالىق بەيىندەگى جەتەكشى وقۋ ورىندارىندا بىلىكتى كادرلاردى دايارلاپ, «ينتەرگاز ورتالىق ازيا» اق-تى ماماندارمەن قامتاماسىز ەتۋدەگى ىنتىماقتاستىق ەدى.
بيزنەستىڭ قوعام الدىنداعى الەۋمەتتىك جاۋاپكەرشىلىگىن ارتتىرۋ باعدارلاماسىن ىسكە اسىرىپ, وڭىرلەردە جەرگىلىكتى حالىققا ءبىلىم بەرۋ اياسىن ۇلعايتۋ دا نازاردان تىس قالمادى. مەكتەپ-ينتەرناتتا جانە قازاقستان-بريتان تەحنيكالىق ۋنيۆەرسيتەتىندە ءتالىم الۋ ءۇشىن دارىندى جاستاردى ىرىكتەۋ تەتىگىن پىسىقتاپ, ولاردى كەيىننەن «ينتەرگاز ورتالىق ازيا» اكتسيونەرلىك قوعامىنا جۇمىسقا ورنالاستىرۋ مىندەتى ەكشەلەندى. مۇنداي ماڭىزدى ماسەلە ۇنەمى نازاردا تۇرادى. سونىمەن قاتار, قازاقستان-بريتان تەحنيكالىق ۋنيۆەرسيتەتىندە جوعارى وقۋ ورنىنان كەيىنگى ءبىلىم بەرۋ باعدارلاماسى ارقىلى «ينتەرگاز ورتالىق ازيا» اق قىزمەتكەرلەرىنىڭ كاسىبي بىلىكتىلىگىن جانە ءبىلىم دەڭگەيىن جۇيەلى تۇردە كوتەرۋ ماسەلەسى تاراپتار ىنتىماقتاستىعىنىڭ نەگىزگى باعىتى بولىپ تابىلدى.
ماسەلەن, قول قويىلعان مەموراندۋمعا سايكەس, تاراپتار وزدەرى تاڭداپ العان تارتىپپەن ىنتىماقتاستىق ىستەردى ىسكەرلىكپەن جۇزەگە اسىرادى. تانىمى مول تالاپكەر شاكىرتتەردى فيزيكا-ماتەماتيكا ورتا مەكتەپ-ينتەرناتىندا ساپالى ءبىلىم, سانالى تاربيە الۋلارىنا بارىنشا جاعداي جاساپ, بولاشاقتا بىلگىر مامان بولىپ شىعۋلارىنا ءورىس اشپاق. ءبىلىم ۇياسىنىڭ دايارلىق دەڭگەيىن ۇنەمى ارتتىرا بەرمەك. سونىڭ ناتيجەسىندە دارىندى تۇلەكتەرىن قازاقستان-بريتان تەحنيكالىق ۋنيۆەرسيتەتىندە تەگىن وقىتۋ ءۇشىن ىرىكتەپ تاڭداۋ مىندەتى كۇن تارتىبىنەن تۇسپەيدى. «ينتەرگاز ورتالىق ازيا» كومپانياسى بالالاردىڭ مەكتەپ-ينتەرناتتا, سودان كەيىن تەحنيكالىق ۋنيۆەرسيتەتتە وقۋ شىعىندارىن تۇگەلدەي ءوز مويىندارىنا الادى. ولار جوعارى وقۋ ورنىن بىتىرگەننەن كەيىن جۇمىسسىز قالمايدى. ناقتىراق ايتقاندا, جاستار «ينتەرگاز ورتالىق ازيا» اق-تىڭ قۇرىلىمدىق بولىمشەلەرىنە جۇمىسقا ورنالاستىرىلادى.
«ينتەرگاز ورتالىق ازيا» اق باس ديرەكتورى سەرىك ەستاي اتاپ وتكەنىندەي, كومپانيا بولاشاق مامانداردى مەكتەپ قابىرعاسىنان باستاپ دايىندايدى جانە دە دارىندى بالالاردىڭ تەحنيكالىق ءبىلىم الۋلارىنا تولىق جاعداي جاسايدى. ولارعا ەلىمىزدەگى بەدەلدى گاز تاسىمالداۋ سالاسى قىزمەتكەرلەرىنىڭ قاتارىن تولىقتىرۋعا مۇمكىندىك بەرىلەدى.
كومپانيادا ون ءۇش جىلدان بەرى «جاس مامان» دەپ اتالاتىن ارنايى ءبىلىم بەرۋ باعدارلاماسى قولدانىلىپ كەلەدى. وسىعان بايلانىستى بۇل مەكەمە جىل سايىن ماگيسترالدى گاز قۇبىرلارى وتەتىن جەرلەردە تۇراتىن جاستارعا كونكۋرستىق ىرىكتەۋ نەگىزى بويىنشا گرانتتار ءبولۋدى ءداستۇرگە اينالدىرعان. كەشەندى سىناقتاردان تابىستى وتكەن گرانت يەلەرىنە ءوز وڭىرلەرىندە جۇمىسقا تۇرۋىنا كەپىلدىك بەرىلگەن. قازىرگى كەزدە اتالعان باعدارلامانىڭ 196 تۇلەگى ءوز وڭىرلەرىنە ورالىپ, كومپانيانىڭ فيليالدارىندا جۇمىس ىستەپ جاتقان جايلارى بار.
بۇگىنگى تاڭدا 114 جىگىت پەن قىز قازاقستان مەن شەتەلدەردىڭ جوعارى وقۋ ورىندارىندا ءبىلىم الۋدى جالعاستىرىپ, مۇناي-گاز سالاسىنىڭ كۇردەلى دە ىرگەلى ماماندىقتارىن يگەرۋگە قۇلشىنا كىرىسكەن. كومپانيا ولاردىڭ وقۋىنا, جاتاقحانادا تۇرۋىنا, جول جۇرۋىنە تولەم اقىنى تولىقتاي تولەپ وتىر. سونداي-اق, شاكىرتاقى تاعايىنداپ, ستۋدەنتتەردىڭ وقۋ جانە وندىرىستىك ءىس-تاجىريبەلەرىن ۇيىمداستىرۋدى دا مىقتاپ قولعا العان. تالىمگەرلەر ءىس-تاجىريبە كەزەڭىندە ماماندىقتارى بويىنشا جۇمىس ورىندارىندا ىسىلىپ, كاسىپتەرىنىڭ قىر-سىرىنا قانىعادى.
«ينتەرگاز ورتالىق ازيا» اق الەۋمەتتىك ماسەلەنى دامىتۋعا بەلسەنە اتسالىسۋدى زور مارتەبە سانايدى. تۇراقتى نەگىزدە ءبىلىم بەرۋ, دەنساۋلىق ساقتاۋ جانە تۇرعىن ءۇي-كوممۋنالدىق شارۋاشىلىق سالالارىنا قارجىلاي جاردەم كورسەتەدى. بالالار ۇيلەرى مەن وزگە دە ءبىلىم مەكەمەلەرىنە قامقورشىلىق كومەك قولىن سوزادى.
كومپانيا ءوزىنىڭ ون بەس جىلدىق تاريحىندا ەلىمىزدىڭ ءوسۋ-ورلەۋ ۇردىسىنەن تىس قالعان جوق. قوعام الدىنداعى جاۋاپكەرشىلىگىن جاقسى سەزىنگەن كاسىپورىن حالىقتى «كوگىلدىر وتىنمەن» قامتاماسىز ەتۋ جونىندەگى مەملەكەتتىك ماڭىزدى مىندەتىن ابىرويمەن اتقارىپ, رەسپۋبليكاداعى ەڭ ءىرى ەنەرگەتيكالىق كومپانيالاردىڭ قاتارىنان بەرىك ورىن الدى.
قول جەتكىزگەن قىرۋار تابىستار – «ينتەرگاز ورتالىق ازيا» اكتسيونەرلىك قوعامى بۇكىل ۇجىمىنىڭ قاجىرلى ءارى جاسامپاز جۇمىستارىنىڭ ناتيجەسى ەكەندىگى ءسوزسىز. جۇمىسكەرلەردىڭ كاسىبيلىگى مەن جوعارى بىلىكتىلىگى كەز كەلگەن جاعدايلاردا الدا تۇرعان مىندەتتەردى ءساتتى ورىنداپ شىعۋعا مۇمكىندىك بەرەدى.
«ينتەرگاز ورتالىق ازيا» اق وتاندىق مۇناي-گاز يندۋسترياسىنىڭ وزىق كاسىپورنى رەتىندە ادام كاپيتالىنا دا ۇلكەن ءمان-ماعىنا بەرىپ, قۇپتاپ وتىرادى. ماڭىزدى ماسەلەگە جۇمساعان ينۆەستيتسيالارى قاشاندا ماقساتتى ءارى ءتيىمدى. وسى ارادا كومپانيا تۋرالى تۇيىندەپ ايتا كەتكەن ورىندى سياقتى. «ينتەرگاز ورتالىق ازيا» اق 1997 جىلدىڭ شىلدە ايىندا قۇرىلعان بولاتىن. كومپانيا ءوزىنىڭ كونتسەسسياسىنا بەرىلگەن قازاقستاننىڭ گاز تاسىمالداۋ جۇيەسىن تىكەلەي باسقارادى جانە «قازترانسگاز» اق (ول «قازمۇنايگاز» ۇك» اق-تىڭ ەنشىلەس كاسىپورنى) كومپانيالار توبى قۇرامىنا كىرەدى. كومپانيا ەلىمىزدە جىلدىق وتكىزۋ قابىلەتى 190 ميلليارد تەكشە مەترگە دەيىنگى ۇزىندىعى 12 مىڭ شاقىرىمنان اساتىن تاسىمالداۋ گاز قۇبىرلارىنىڭ نەگىزگى جەلىسىن باقىلاپ, جۇمىسىن تولىقتاي جۇزەگە اسىرادى.
مارات اققۇل,
«ەگەمەن قازاقستان».
الماتى.
