ەرەكشە سەرپىن
بەيسەنبى, 30 مامىر 2013 2:11
«قازاگرو» اق 1 ملرد. اقش دوللارىنا ەۋرووبليگاتسيا شىعارىلىمىن ورنالاستىردى
2013 جىلدىڭ 17 مامىرىندا «قازاگرو» ۇلتتىق باسقارۋشى حولدينگى» اق 10 جىلدىق مەرزىمگە جىلدىق 4,625 پايىزدىق ءمولشەرلەمەمەن 1 ملرد. اقش دوللارىنا ەۋرووبليگاتسيا شىعارىلىمىن العاش رەت ورنالاستىردى. ترانزاكتسيانىڭ ءبىرلەسكەن بۋكراننەرلەرى – HSBC, JP Morgan, ال باعالى قاعازداردى ىشكى نارىققا ۇسىنۋ «اتف-قارجىنىڭ» كومەگىمەن ىسكە اسىرىلدى. اعىمداعى جىلعى مامىر ايىنىڭ ورتاسىندا «قازاگرو» اق وكىلدەرى اقش,
بەيسەنبى, 30 مامىر 2013 2:11
«قازاگرو» اق 1 ملرد. اقش دوللارىنا ەۋرووبليگاتسيا شىعارىلىمىن ورنالاستىردى
2013 جىلدىڭ 17 مامىرىندا «قازاگرو» ۇلتتىق باسقارۋشى حولدينگى» اق 10 جىلدىق مەرزىمگە جىلدىق 4,625 پايىزدىق ءمولشەرلەمەمەن 1 ملرد. اقش دوللارىنا ەۋرووبليگاتسيا شىعارىلىمىن العاش رەت ورنالاستىردى. ترانزاكتسيانىڭ ءبىرلەسكەن بۋكراننەرلەرى – HSBC, JP Morgan, ال باعالى قاعازداردى ىشكى نارىققا ۇسىنۋ «اتف-قارجىنىڭ» كومەگىمەن ىسكە اسىرىلدى. اعىمداعى جىلعى مامىر ايىنىڭ ورتاسىندا «قازاگرو» اق وكىلدەرى اقش, ۇلىبريتانيا جانە الماتىداعى نەگىزگى الەمدىك ينستيتۋتتىق ينۆەستورلارمەن بىرقاتار كەزدەسۋلەر وتكىزگەن بولاتىن. سولاردىڭ ءناتيجەسىندە قازاگرونىڭ نەسيەلىك ساپاسى جونىندە جاعىمدى وي-ءپىكىرلەر قالىپتاستى. ال, قالىپتاسقان قولايلى نارىقتىق احۋال مەن دۇنيەجۇزىلىك ساراپشى-مامانداردىڭ جاعىمدى پىكىرى باعالى قاعازداردى ورنالاستىرۋ مەرزىمىن تەزدەتۋگە ءمۇمكىندىك تۋعىزدى.
ايتا كەتەلىك, 17 مامىردا جاريالانعان شىعارىلىمنىڭ باعالىق پارامەترلەرى ينستيتۋتتىق ينۆەستورلاردىڭ اراسىندا ايتارلىقتاي قىزىعۋشىلىق تۋعىزدى. وعان قوسا, 200-دەن استام ينۆەستوردان تۇسكەن تاپسىرىستاردىڭ اقتىق كىتابىنىڭ كولەمى 3,3 ملرد. اقش دوللارىن قۇرادى. بۇل كورسەتكىش قازاگرو ۇلتتىق باسقارۋشى حولدينگى» اق-تىڭ سوڭعى ايلارداعى تابىستى قۇجاتتامالىق ءجانە ماركەتينگتىك دايىندىق جۇمىستارىنىڭ تىكەلەي ناتيجەسى دەۋگە بولادى. ترانزاكتسيا سول كۇنى 4,625 پايىز باعا دياپازونىندا جابىلدى.
اتالعان كەلىسىم باعالى قاعاز اينالىمىنىڭ وسىنداي ۇزاق مەرزىمگە قازاقستاندىق ەميتەنتتىڭ قۇنى جاعىنان رەكوردتىق تومەن قارىزدىق شىعارىلىمىن ايقىنداپ بەردى. سونىمەن قاتار, قازاگرونىڭ بۇل باعالى قاعازدارى ەلىمىزدە تۇڭعىش رەت قارجىلىق, مۇناي-گاز, ەنەرگەتيكالىق جانە مەتاللۋرگيالىق ەمەس سەكتورلاردان شىعارىلىپ وتىر, سونداي-اق, ول ەكونوميكامىزدىڭ اۋىل شارۋاشىلىعى جانە ازىق-ءتۇلىك سالالارىنىڭ باسقا دا الەۋەتتى ەميتەنتتەرىنىڭ بولاشاعىنا ايتارلىقتاي جاعىمدى اسەر ەتەرى ءسوزسىز. قۋاتتى كومپانيانىڭ باعالى قاعازدار شىعارۋداعى قوماقتى تابىسى قازاقستاننىڭ باسقا دا كۆازيمەملەكەتتىك ەميتەنتتەرىنىڭ قاتارىندا حولدينگتىڭ الدىڭعى قاتارلى قارىز الۋشى رەتىندەگى مارتەبەسىن ايقىنداپ بەردى. سونداي-اق, بۇل قازاگرونىڭ جاھاندىق كاپيتالدار نارىعىنداعى بەدەلى مەن مارتەبەسىن نىعايتا تۇسەرى داۋسىز.
«ءبىز حولدينگتىڭ ەۋرووبليگاتسيالارىن العاش رەت ءساتتى ورنالاستىرعانىمىزعا قاناعاتتانامىز, دەپ مالىمدەدى باعالى قاعازداردى ورنالاستىرۋعا قاتىستى تۇسىنىك بەرگەن «قازاگرو» ۇلتتىق باسقارۋشى حولدينگى» اق باسقارما ءتوراعاسى دۋلات ايتجانوۆ. ءبىزدىڭ قىزمەتىمىزدىڭ ەرەكشەلىگىنە جانە مەملەكەتتىك ماڭىزدىلىعىنا قاراي, وسى جوبامەن جۇرگىزىلگەن دايىندىق جۇمىستارىنىڭ باسىنان باستاپ-اق قازاگرونىڭ مىندەتى ۇزاق مەرزىمگە جانە ەڭ تومەنگى مولشەرلەمە بويىنشا قوماقتى قارجى تارتۋ بولاتىن. ال, باعالى قاعازداردى ورنالاستىرۋدان تۇسكەن قاراجات «2020 جىلعا دەيىنگى اگروونەركاسىپتىك دامۋ باعدارلاماسى» اياسىنداعى باسىمدىق بەرىلگەن ۇزاق مەرزىمدى جوبالاردى جۇزەگە اسىرۋعا جۇمسالادى».
ايماقتار بويىنشا ينۆەستورلار بازاسى بىلايشا بولىنەدى: ۇلىبريتانيا – 35%, اقش – 33%, قازاقستان – 13%, قۇرلىقتىق ەۋروپا – 15% جانە باسقالارى – 4%. ءمامىلەنىڭ نەگىزگى تالاپتارى مىنالار: ەميتەنت: «قازاگرو» ۇلتتىق باسقارۋشى حولدينگى» اق, شىعارىلىم رەيتينگتەرى: ۆۆۆ+ (تۇراقتى بولجام), ۆۆۆ (تۇراقتى بولجام), بەرەشەك ءتۇرى: قامتاماسىز ەتىلمەگەن, شىعارىلىمنىڭ فورماتى: Reg S/144A, قارىزدى قايتارۋ مەرزىمى: 24 مامىر, 2023 ج (ت+5), شىعارىلىم كولەمى: 1,000 ملن. اقش دوللارى, كۋپون: 4,625 پايىز, ورنالاستىرۋ باعاسى: 100,00 پايىز, ليستينگ: يرلانديا جانە قازاقستان قور بيرجالارى.
«BسC Invest» اق-تىڭ باسقارما توراعاسىنىڭ ورىنباسارى, ليستينگتىك كومپانيانىڭ ءتوراعاسى, قازاقستان قور بيرجاسى بيرجالىق كەڭەسىنىڭ مۇشەسى ۆيكتور كىشپاناكوۆتىڭ پىكىرىنشە, قازاگرو سياقتى ەميتەنتتىڭ مۇنداي باعالى قاعازداردى شىعارىپ, قور نارىعىنا ورنالاستىرۋى ايرىقشا ءارى ماڭىزدى وقيعا بولىپ تابىلادى. «قازىرگىدەي نارىقتا قارجى قۇرالدارىنا قاتتى تاپشىلىق قالىپتاسقان جاعدايدا, مۇنداي ءبىرىنشى ساتىداعى ەميتەنتتەردىڭ نارىققا كوپتەپ شىعارىلۋى جالپى ەلىمىزدىڭ قور نارىعىنىڭ دامۋىنا جاعىمدى جاعىنان اسەر ەتەتىنى ءسوزسىز, دەيدى ۆيكتور الەكسەەۆيچ. ال, «BBC Invest» كومپانياسى قازاگرو سياقتى سەنىمدى كومپانياعا بروكەرلىك جانە ىسكەرلىك قىزمەت كورسەتەتىنىن ماقتان تۇتادى جانە الداعى ۋاقىتتا وسى باعىتتا ىنتىماقتاستىق قارىم-قاتىناسىمىزدى جالعاستىرۋعا ءازىرمىز. اتاپ ايتارلىعى, باعالى قاعازداردى قور نارىعىنا شىعارۋ اگرارلىق سالادا تۇڭعىش رەت جۇزەگە اسىرىلۋدا». بەدەلدى ساراپشىنىڭ ايتۋىنشا, قازاقستاننىڭ اگرارلىق كومپانياسىنىڭ ەۋرووبليگاتسيالاردى قور نارىعىنا تابىستى شىعارۋىنىڭ ءوزى «قازاگرو» ارقىلى ەلىمىزدىڭ اگرارلىق سەكتورىنا دەگەن شەتەلدىك نيۆەستورلاردىڭ زور سەنىم بىلدىرگەنىن كورسەتەدى. – بۇعان دەيىن بىزدە ءىرى شىعارىلىمدار بولدى, دەيدى ۆيكتور كىشپاناكوۆ. – الايدا, ىشكى نارىقتا مۇنداي باعالى قاعازداردى شىعارۋ جانە قور نارىعىنا ورنالاستىرۋ – ەرەكشە ءبىر سەرپىن بولىپ سانالادى. ال, ەۋرووبليگاتسيالاردى سىرتقى نارىققا شىعارۋ جانە ورنالاستىرۋ باسقا ەميتەنتتەرگە يگى ۇلگى بولارى انىق.
ءامىرلان ءالىمجان.
