«بەكىرە-2013» باستالدى
سەيسەنبى, 2 ءساۋىر 2013 0:08
جىل سايىن وسى مەزگىلدە «بەكىرە» اكتسياسى باستالادى. ماقسات – جايىق-كاسپي سۋ باسسەينىندەگى بەكىرە تۇقىمداس بالىقتار قورىنا زاڭسىز قول سۇعۋشىلىقتى بولدىرماۋ. بۇل اكتسيا كەشە تاعى دا باستاۋ الدى. اكتسيانىڭ قامتيتىن اۋماعى وتە اۋقىمدى – جايىق-كاسپي باسسەينىنىڭ اكۆاتورياسىندا وتەدى. ياعني اكتسيا باستاۋىن باتىس قازاقستان وبلىسىنان الاتىن جايىق وزەنى مەن ماڭعىستاۋ ءوڭىرىن قوسا العاندا كاسپي تەڭىزىنىڭ وزگە مەملەكەتتەرمەن شەكتەسەتىن اۋماعىن قامتيدى. وسىعان وراي جايىق-كاسپي وبلىسارالىق باسسەيندىك بالىق شارۋاشىلىعى باسقارماسىنىڭ باستىعى الىبەك بۇحارباەۆتىڭ ايتۋىنشا, اتىراۋ, دامبى, جىلىوي, يساتاي, ماحامبەت, يندەر, قۇرمانعازى بالىق ينسپەكتسيالارىنىڭ 86 ينسپەكتورى قاتىسادى. ارينە, پاترۋلدىك قايىقتاردىڭ 10 بىرلىگىن, 21 شاعىن قايىق پەن 18 اۆتوكولىكتى اكتسيانىڭ ويداعىداي وتۋىنە تارتۋ كوزدەلىپ وتىر.
سەيسەنبى, 2 ءساۋىر 2013 0:08
جىل سايىن وسى مەزگىلدە «بەكىرە» اكتسياسى باستالادى. ماقسات – جايىق-كاسپي سۋ باسسەينىندەگى بەكىرە تۇقىمداس بالىقتار قورىنا زاڭسىز قول سۇعۋشىلىقتى بولدىرماۋ. بۇل اكتسيا كەشە تاعى دا باستاۋ الدى. اكتسيانىڭ قامتيتىن اۋماعى وتە اۋقىمدى – جايىق-كاسپي باسسەينىنىڭ اكۆاتورياسىندا وتەدى. ياعني اكتسيا باستاۋىن باتىس قازاقستان وبلىسىنان الاتىن جايىق وزەنى مەن ماڭعىستاۋ ءوڭىرىن قوسا العاندا كاسپي تەڭىزىنىڭ وزگە مەملەكەتتەرمەن شەكتەسەتىن اۋماعىن قامتيدى. وسىعان وراي جايىق-كاسپي وبلىسارالىق باسسەيندىك بالىق شارۋاشىلىعى باسقارماسىنىڭ باستىعى الىبەك بۇحارباەۆتىڭ ايتۋىنشا, اتىراۋ, دامبى, جىلىوي, يساتاي, ماحامبەت, يندەر, قۇرمانعازى بالىق ينسپەكتسيالارىنىڭ 86 ينسپەكتورى قاتىسادى. ارينە, پاترۋلدىك قايىقتاردىڭ 10 بىرلىگىن, 21 شاعىن قايىق پەن 18 اۆتوكولىكتى اكتسيانىڭ ويداعىداي وتۋىنە تارتۋ كوزدەلىپ وتىر.
ءوڭىر اۋماعىندا 20 بالىق قورعاۋ بەكەتى قۇرىلادى. مۇنىڭ 13-ءى تۇراقتى ءجانە 7-ءۋى جىلجىمالى بولادى. بەكەتتەردىڭ 12-ءسى جايىق وزەنىنىڭ ساعاسىندا, ال 5-ءۋى قۇرمانعازى اۋدانىنداعى قيعاش وزەنىنىڭ ساعاسىندا ورنالاسپاق, دەپ ءمالىم ەتتى گازەت تىلشىسىنە جايىق-كاسپي وبلىسارالىق باسسەيندىك بالىق قورعاۋ باسقارماسىنىڭ ءبولىم باستىعى ولەگ تۋشكانوۆ. بۇدان بولەك, كاسپي تەڭىزىنەن زاڭسىز بالىق اۋلاۋشىلاردىڭ جولىن كەسۋ ماقساتىمەن 3 جىلجىمالى بەكەت تە جۇمىس جاساماق. سونداي-اق, زاڭسىز اۋلانعان بالىقتاردى تاسىمالداۋ فاكتىلەرىنىڭ الدىن الۋ ءۇشىن اتىراۋ, باتىس قازاقستان, ماڭعىستاۋ وبلىستارىنداعى حالىقارالىق جانە رەسپۋبليكالىق ماڭىزى بار كولىك جولدارىندا دا جول پوليتسياسى باسقارماسىمەن بىرلەسكەن توسقاۋىل بەكەتتەرى قويىلادى.
سۋ مارجانىن زاڭسىز جولمەن ءسۇزۋشىلەر كولىك قۇرالدارى وڭايلىقپەن بارا المايتىن تۇستاردى پانالاپ, ەڭ جۇردەك سۋ كولىكتەرىن پايدالاناتىنى ءجيى بايقالىپ ءجۇر. سول سەبەپتەن بالىق قورىن قورعاۋشىلار اكتسيا اياسىندا اۆياتسيا مۇمكىندىگىن پايدالانۋدى جوسپارلاپ وتىر. بەكىرە تۇقىمداس بالىقتاردىڭ ۋىلدىرىق شاشۋ مەكەنىنە جەتۋى ءۇشىن سۋ ايدىنى براكونەرلىك اۋ قۇرالدارىنان كۇن سايىن تازارتىلماق. بۇل اكتسيانىڭ ناتيجەلى بولۋىنا ءوڭىرلەردەگى ىشكى ىستەر دەپارتامەنتى مەن پروكۋراتۋرا, قارجى پوليتسياسى مەن شەكاراشىلار دا مۇددەلىلىك تانىتۋدى كوزدەپ وتىر.
براكونەرلىكپەن بىتىسپەس كۇرەس ءبىر اكتسيا اياسىمەن شەكتەلمەيدى. ويتكەنى, زاڭسىز بالىق اۋلاۋشىلار قىستا دا, جازدا دا بەكىرە تۇقىمداس باعالى بالىقتارعا قول سۇعۋىن قويمايدى. جايىق-كاسپي وبلىسارالىق باسسەيندىك بالىق شارۋاشىلىعى باسقارماسىنىڭ ينسپەكتورلارى جىل باسىنان بەرى براكونەرلەردەن شامامەن 21 توننا 163 كيلو بالىق تۇرلەرىن تاركىلەگەن. مۇنىڭ ىشىندە 128 كيلو سۋ مارجانى بەكىرە تۇقىمداس باعالى بالىقتار توبىنا جاتادى. سونىمەن قاتار, بالىق قورعاۋ زاڭدىلىعىن بۇزۋعا بايلانىستى 834 فاكت انىقتالىپ, 33 ءىس قۇقىق قورعاۋ ورگاندارىنا جولدانىپتى. دەمەك, براكونەرلىككە قاتىستى مۇنداي دەرەكتەر ءالى دە مولاياتىندىعى داۋ تۋدىرماس.
ايتپاقشى, بۇل اكتسياعا «نۇر وتان» پارتياسى دا قولداۋ بىلدىرمەك نيەتىن تانىتتى. پارتيانىڭ اتىراۋ قالالىق فيليالى جانىنان باۋىرجان بيمۋرزين جەتەكشىلىك ەتەتىن باقىلاۋ بەكەتى قۇرىلىپ, براكونەرلىكپەن كۇرەستە سىبايلاس جەمقورلىقتىڭ الدىن الۋعا قام جاساپ وتىر.
جولداسبەك شوپەعۇل,
«ەگەمەن قازاقستان».
اتىراۋ وبلىسى.
سۋرەتتى تۇسىرگەن
راحىم قويلىباەۆ.
