بىرلىك بار جەردە تىرلىك بار
سەنبى, 30 ناۋرىز 2013 2:33
بۇگىندە ەلىمىزدىڭ اۋدان-ايماقتارىندا اۋىل شارۋاشىلىعى تاۋار وندىرۋشىلەرىنىڭ ءوز ءىسىن دوڭگەلەتۋىنە وزىندىك ۇلەس قوسىپ, تومەن پايىزدى نەسيەمەن قارجىلاندىرىپ وتىرعان كرەديتتىك سەرىكتەستىكتەرىنىڭ شارۋالارعا پايداسى جونىندە از ايتىلىپ جۇرگەن جوق. وسىدان ون ەكى جىل بۇرىن «اگرارلىق نەسيە كورپوراتسياسى» اق قولداۋىمەن قۇرىلعان كرەديتتىك سەرىكتەستىكتەردىڭ سانى بۇگىندە 164-كە جەتتى. قازىردە بۇل كرەديتتىك سەرىكتەستىكتەر رەسپۋبليكانىڭ 13 وبلىسىنداعى 160 اۋداندا اۋىل شارۋاشىلىعى تاۋار وندىرۋشىلەرىنە ەگىن مەن ءتورت ت ۇلىك مال ءوسىرۋ ءۇشىن نەسيە بەرۋمەن اينالىسادى.
سەنبى, 30 ناۋرىز 2013 2:33
بۇگىندە ەلىمىزدىڭ اۋدان-ايماقتارىندا اۋىل شارۋاشىلىعى تاۋار وندىرۋشىلەرىنىڭ ءوز ءىسىن دوڭگەلەتۋىنە وزىندىك ۇلەس قوسىپ, تومەن پايىزدى نەسيەمەن قارجىلاندىرىپ وتىرعان كرەديتتىك سەرىكتەستىكتەرىنىڭ شارۋالارعا پايداسى جونىندە از ايتىلىپ جۇرگەن جوق. وسىدان ون ەكى جىل بۇرىن «اگرارلىق نەسيە كورپوراتسياسى» اق قولداۋىمەن قۇرىلعان كرەديتتىك سەرىكتەستىكتەردىڭ سانى بۇگىندە 164-كە جەتتى. قازىردە بۇل كرەديتتىك سەرىكتەستىكتەر رەسپۋبليكانىڭ 13 وبلىسىنداعى 160 اۋداندا اۋىل شارۋاشىلىعى تاۋار وندىرۋشىلەرىنە ەگىن مەن ءتورت ت ۇلىك مال ءوسىرۋ ءۇشىن نەسيە بەرۋمەن اينالىسادى.
جاقىندا وسىنداي نەسيە بەرۋشى ۇيىمنىڭ ءبىرى دە بىرەگەيى ءوزىنىڭ 10 جىلدىق مەرەيتويىن اتاپ ءوتتى. ناقتىراق ايتساق, 2003 جىلى وڭتۇستىك قازاقستان وبلىسى, بايدىبەك اۋدانىندا ايماقتاعى العاشقىلاردىڭ ءبىرى بولىپ, ىرگەسىن قالاعان «بايدىبەك-نەسيە» كرەديتتىك سەرىكتەستىگى ون جىلداعى جەتىستىگىن زور تابىسپەن تويلادى. مەرەيتويلىق شارانى وتكەنگە ەسەپ بەرۋمەن باستاعان ىرگەلى ۇجىم, جينالعان اۋدان باسشىلىعى مەن ءماسليحات دەپۋتاتتارى الدىندا ءوز جوسپارلارىمەن ءبولىستى. «بايدىبەك-نەسيە» جشس باسقارما توراعاسى ابىلدابەك شارداربەكوۆتىڭ ايتۋىنشا, وسىدان ون جىل بۇرىن نەبارى 46 قاتىسۋشىمەن قۇرىلعان سەرىكتەستىكتىڭ بۇگىنگى تاڭدا 342 مۇشەسى بار. ءاۋ باستان اتاكاسىپ مال شارۋاشىلىعىمەن اينالىسىپ كەلە جاتقان بايدىبەك اۋدانىنداعى اۋىل شارۋاشىلىعى تاۋار وندىرۋشىلەرى دە نەسيەنى وسى سالانى دامىتۋعا الادى. سونىمەن قاتار, بۇگىندە سەرىكتەستىك ارقىلى مال قورالارىن سالۋ, جەمشوپ قورىن جاساقتاۋ, كوكونىس سالاسىندا تامشىلاتىپ سۋعارۋ, جىلى جايلار سالۋ ءۇشىن دە قارىز الۋشىلار قاتارى كوبەيگەن. وسى باعىتقا جوسپارلانعان سەرىكتەستىكتىڭ نەسيە مۇمكىندىگى بۇگىندە 2 ميللياردقا جۋىق تەڭگەنى قۇراپ وتىر.
اتاپ وتەرلىگى وسى ون جىل ىشىندە كرەديتتىك سەرىكتەستىك جۇمىسىن اياعىنان تىك تۇرعىزىپ, بۇگىندە ونى اۋدان مەن وبلىستاعى الدىڭعى قاتارلى نەسيە بەرۋشى ۇيىمعا اينالدىرعان بىلىكتى باسشى ابىلدابەك شارداربەك ۇلىنىڭ ەڭبەگى ۇشان-تەڭىز. قاشاندا جۇمىستىڭ ساپاسىن سارالاپ, تەمىردەي ءتارتىپتى تالاپ ەتەتىن تاجىربيەلى باسشى ومىردەگى كورگەنى مەن كوڭىلگە تۇيگەنىن ۇجىم جۇمىسىن ۇيىمداستىرۋدا ۇتىمدى پايدالاندى. بىرلىك بار جەردە تىرلىكتىڭ دە بارى دالەلدەنگەن. بۇگىندە رەسپۋبليكامىزداعى الدىڭعى قاتارلى كرەديتتىك سەرىكتەستىكتەردىڭ كوش باسىندا تۇرعان «بايدىبەك-نەسيە» كرەديتتىك سەرىكتەستىگىنىڭ بولاشاققا دەگەن ماڭىزدى جوسپارى كوپ. سوندىقتان بيىلعى جىلى دا نەسيە سەرىكتەستىگىنە بىرىگۋگە ارنالعان سۇرانىستار مەن ءوتىنىش-تالاپتاردىڭ كوبەيەرىنە ۇلكەن ءۇمىت ارتىپ وتىرعان «بايدىبەك-نەسيە» كرەديتتىك سەرىكتەستىگىن سەنىمدى ارىپتەس رەتىندە باعالايتىن «اگرارلىق نەسيە كورپوراتسياسى» اق-تا شاعىن ۇيىمنىڭ بەرەكەلى بىرلىگى مەن تابىستى تىرلىگى وزگەلەرگە ءالى تالاي ۇلگى بولارىنا سەنىمدى.
مارات اققۇل,
«ەگەمەن قازاقستان».
وڭتۇستىك قازاقستان وبلىسى.
