بۇعان دەيىن تارازدان تەك الماتىعا عانا ۇشاق شىعاتىن. شىلدەدەگى قورىتىندى بويىنشا, Fly-Arystan 100 مىڭنان استام جولاۋشىنى تاسىمالداعان. ەندى قازانعا دەيىن 180 مىڭ بيلەت رەزەرۆكە قويىلىپتى.
پرەمەر-ءمينيستردىڭ ورىنباسارى جەڭىس قاسىمبەكتىڭ ايتۋىنشا, جىل سوڭىنا دەيىن ارزان قىزمەت كورسەتۋشى اۋە كومپانياسى 1 ملن-نان استام جولاۋشىنى تاسىمالداۋعا ءتيىس. كۇزدە 180 ورىندىق ەكى جاڭا Airbus-320 ۇشاعى ساتىپ الىنادى.
ايتا كەتۋ كەرەك, 1 مامىر كۇنى Fly Arystan اۋە كومپانياسىنىڭ العاشقى جولاۋشىلارى الماتىدان ەلورداعا روزا باعلانوۆا اتىنداعى Airbus A320 ۇشاعىمەن ۇشىپ كەلدى.
